Ինչ սպառնալիքներ են ներկայացրել լրագրող Անի Գևորգյանի դեմ և ով է կանգնած դրա հետևում

Lրագրող Անի Գևորգյանն իր և անչափահաս որդու նկատմամբ սպառնալիքների առթիվ այսօր՝ ապրիլի 15-ին, հրավիրվել է Ոստիկանություն  և հաղորդում ներկայացրել:

ԼՈՒՐԵՐ.com-ի հետ զրույցում լրագրողն ասաց, որ իր դեմ սպառնալիքների գրոհն սկսվել է ապրիլի 14-ին` Ազգային ժողովում Ալեն Սիմոնյանի հետ ճեպազրույցից հետո։

«Ֆեյսբուքում իմ նկատմամբ գրոհ էր սկսվել Նարեկ Շահնազարյան անունով օգտատիրոջ կողմից, որը մեկնաբանել էր իմ գրառումները, որոնք ես, իհարկե,  ջնջել եմ։ Դրանք պարունակում էին լկտի արտահայտություններ, հայհոյանքներ եւ սպառնալիքներ»,– նշեց լրագրողը։

Նարեկ Շահնազարյանը ֆեյսբուքյան իր էջում տեղադրել է լրագրողի և նրա որդու նկարը, ինչպես նաև լրագրողի ֆեյսբուքյան էջի հասցեն և կից գրել.

«Բա թե էս լույս երեխու մաման գործի ա գնացել)).. հարամ ըլնի սրա նման լրագրողի կերած կաթը.. սրանք լրագրող չեն, այլ` թող հետևորդներս ասեն»։

Հրապարակման մեկնաբանություններում այլ օգտատերեր ևս անպարկեշտ և վիրավորական արտահայտություններ են արել լրագրողի և նրա որդու հասցեին։ 

Անին վստահ է՝ կատարվածը մեկ նպատակ է հետապնդում՝ սահմանափակել խոսքի ազատությունը և ճնշել իրեն․

«Հաշվի առնելով այն, որ մամուլում գրվում է, թե ֆեյքային և, ըստ էության,  նաև ոչ ֆեյքային գրոհները այս կամ այն անձի շուրջ համակարգում է Ալեն Սիմոնյանը, ես պատահական չեմ համարում, որ երեկ էլ նա նման վարքագիծ դրսևորեց։ Սա ուղիղ դրա հետ եմ կապում։ Ես վստահ եմ, որ Նարեկ Շահնազարյանն ընդամենը գործիք է, որով փորձել են ինձ սպառնալ, ցույց տալ, որ գիտենք՝ որդի ունես, տե՛ս, այս անգամ որդուդ նկարն ենք հրապարակել և այլն։ Եթե այդ պատգամավորներն են պատվիրել՝ ուզում եմ հստակ իրենց ասել՝ եթե դուք այդքան դուխով եք ու այդ «դուխով» արտահայտությունը ընդամենը ձեր գլխարկին գրված չէ միայն, եկե՛ք, կանգնե՛ք դիմացս, և այդ ամենն ասեք։ Ի՞նչն է ձեզ խանգարում, թե՞ մտածում եք, որ ձեր իրական դեմքը ևս մեկ անգամ ցույց եք տալու»,- ընդգծեց լրագրողը։

Հիշեցնենք, որ Մարդու իրավունքների պաշտպան Արման Թաթոյանը նույնպես անդարդարձել էր  լրագրողի ու իր երեխային սպառնալու հրապարակումներին և այդ կապակցությամբ գրություն ուղարկել Ոստիկանություն: Մի շարք լրագրողներ, քաղաքական գործիչներ ու կազմակերպություններ ևս անդրադարձել են հրապարակումներին ու դատապարտել դրանք:

Այս թեմայով Լարված իրավիճակ՝ Երևանի կենտրոնում (տեսանյութ) «Տարեք սրան, արա՛». ինչպես են բերման ենթարկում խաղաղ ակցիայի մասնակիցներին (տեսանյութ) Ոստիկանները Բագրատաշեն-Այրում ճանապարհին բիրտ ուժ կիրառելով՝ ցուցարարների են բերման ենթարկում (տեսանյութ) Այրում-Բագրատաշեն հատվածում շարունակում են կարմիրբերետավորներ ու ոստիկաններ ժամանել (տեսանյութ) Ժամանակին 800 հեկտարի համար վայնասուն բարձրացնողները Տավուշի չորս գյուղերը թղթի վրա հանձնում են թշնամուն․ Թագուհի Մելքոնյան Սուրեն Շահվերդյանը դիմել է ոստիկանություն. ֆեյսբուքում իր հասցեին սպառնալիքներ են հնչեցրել Ձերբակալված տղային ծեծողներն ինչո՞ւ են դիմակավորված եղել․ վերևներում ո՞նց կիմանան իրենք էին, որ պարգևատրեն․ լրագրող Մեզ փորձում են համոզել, որ Թուրքիայից եկող սպառնալիք չկա, իսկ եղածին էլ պետք չէ դիմադրել ՆԳՆ–ից արձագանքել են ոստիկանությունում մոբիլիզացիա հայտարարելու մասին տեղեկությանը Քաղաքացին դիմել է ոստիկանություն և հայտնել, որ «Արթմեդ» բժշկական կենտրոնում բուժվող իր եղբոր մահվան մեղավորը բժիշկն է