Մի կո՛ղմ քաշվեք, և մենք այս իշխանությանը կդարձնենք «քիփլիկ» ընդդիմություն. Մարուքյանը՝ Ռ. Քոչարյանին և մյուս նախկիններին

ՀՀ ազգային ժողովի ընդդիմադիր «Լուսավոր Հայաստան» խմբակցության ղեկավար Էդմոն Մարուքյանը համոզված է, որ եթե սպասվող արտահերթ խորհրդարանական ընտրություններին, ՀՀ երկրորդ նախագահ Ռոբերտ Քոչարյանը, նախկին իշխանության մյուս ներկայացուցիչները հետ քաշվեն, գործող իշխանությունը չի հավաքի բավարար ձայներ՝ կրկին իշխանության գալու համար: Մարուքյանը նման տեսակետ հայտնեց ԱԺ-ում կառավարության ծրագրի 2020 թվականի կատարման ընթացքի եւ արդյունքների մասին զեկույցի քննարկմանը՝ խմբակցության անունից իր ելույթում:

«Թե կառավարության ներկայացուցիչների, թե իշխանական պատգամավորների ելույթները հետևյալի մասին էին՝ 30 տարի երկիրը թալանել են, 30 տարի վատ է եղել, դրա համար այսպես եղավ, մենք մեղավոր չենք: 30 տարվա մեջ 3 տարի դուք եք իշխանություն, նշանակում է, որ 30 տարվա 10 տոկոսը դուք էիք»,-ասաց Մարուքյանը:

Նա նշեց իշխանության սխալների, թերացումների մասին ու հավելեց. «Նրանք (նախկին իշխանությունը-խմբ.) մեղավոր էին, դրա համար եք այստեղ, նրանք մեղավոր էին, դրա համար եղել է հեղափոխություն: Հիմա ինչքա՞ն պետք է խոսեք, ասեք, որ նրանք մեղավոր էին: Բա դու՞ք, բա ձեր 10 տոկոսը»:

ԼՀԿ ղեկավարը նշեց, որ ստեղծված իրավիճակից դուրս գալու միակ հնարավորությունը արտահերթ ընտրությունների ճանապարհով ներքաղաքական խնդիրը լուծելն է: Ըստ Մարուքյանի՝ գործող իշխանության էլեկտորատը բաղկացած է 2 սեգմենտից: «Մի սեգմենտն այս իշխանության ջատագովն է, դա մոտ 10-15 տոկոս է: Մնացած մասը՝ 15 տոկոս է, թե 20 տոկոս, նախկին իշխանության «անտիձայներն» են, որ գալիս են Նիկոլ Փաշինյանին, որ նրանք (նախկին իշխանությունները-խմբ.) չգան: Ես պաշտոնական առաջարկ եմ անում՝ Ռոբերտ Քոչարյանից սկսած, մինչև նախկին իշխանության մյուս ներկայացուցիչներին, մի կողմ քաշվեք, և մենք այս մադկանց կդարձնենք փոքր ընդդիմադիր խմբակցություն՝ իրենց ղեկավար Նիկոլ Փաշինյանով: Մի կողմ քաշվեք, մի կողմ չքաշվեցիք, ձեր դեմ քարոզարշավով գնալու են վերարտադրման ճանապարհով»,-ասաց Մարուքյանը:

Նա շեշտեց՝ իրենք թույլ չեն տալու, որ ստեղծված իրավիճակը շարունակվի և կրկնեց իր առաջարկը՝ ուղղված բոլոր այն ուժերին, որոնք պատրաստվում են սպասվող արտահերթ խորհրդարանական ընտրություններին: Նա շեշտեց, որ իրենք իրենց անելիքը կանեն, ու ներկայիս իշխանությունն այլևս իշխանություն չի լինի:

Այս թեմայով Ադրբեջանական զինուժը ՀՀ ինքնիշխան տարածքում ԱԹՍ-ով հարձակվում է հայ զինվորների վրա. Մարուքյան Ադրբեջանը վերահաստատում է, որ ԼՂ-ն գտնվում է խորը հումանիտար ճգնաժամի մեջ. Էդմոն Մարուքյան «Փաստորեն Ադրբեջանը կրակում է ՀԱՊԿ-ի վրա, բայց, թե ինչ ասելիք ունի ՀԱՊԿ-ն, կտեսնենք այսօր» Ադրբեջանի բանակի հարձակումները ՀՀ տարածքի վրա լավ փաստագրված են ԵՄ մոնիտորինգային կարողությունների կողմից. Մարուքյան Ալիևը խոստովանեց, որ իր երկիրը սկսել է ԼՂ երկրորդ պատերազմը՝ չնայած նախկինում հակառակն էր պնդում. Մարուքյան «Խաղաղության պայմանագիրը ստորագրելիս Հայաստանին անհրաժեշտ են երաշխավորներ առնվազն ՄԱԿ ԱԽ-ից» Հուսով ենք՝ ՌԴ-ն կպաշտպանի իր առաջարկները, և Ադրբեջանը համաձայնություն կտա այդ առաջարկներին. Մարուքյան «Եթե չեք ծրագրում նոր ագրեսիա, ինչո՞ւ եք այդքան նյարդայնանում ՀՀ-ում սպասվող միջազգային ներկայությունից» Ո՛չ գրավոր, ո՛չ բանավոր Հայաստանը միջանցք տրամադրելու պարտավորություն չի ստանձնել. Էդմոն Մարուքյան Ալիևը արևմտյան մայրաքաղաքներում բողոքում է Ռուսաստանից, իսկ ԱՊՀ տարածք վերադառնալիս՝ Արևմուտքից. Էդմոն Մարուքյան