Ձեզնից ստացած իշխանությունը վերադարձնում ենք, որ դուք որոշեք՝ հետո ում պատվիրակեք. Փաշինյանը՝ ժողովրդին

ՀՀ վարչապետ Նիկոլ Փաշինյանը վստահեցնում է, որ երկրում արտահերթ ընտրություններ են անցկացնում մեկ նպատակով՝ ժողովրդից ստացած իշխանությունը վերադարձնում են, որ կրկին ժողովուրդը որոշի, թե հետո ում պատվիրակի այն: Փաշինյանն այս մասին ասաց Վայոց ձորի մարզ կատարած այցի շրջանակում Ռինդ համայնքում քաղաքացիների հետ հանդիպմանը:

Փաշինյանը հիշեցրեց, որ նոյեմբերից շատ բարդ էր իրավիճակը: «Բայց մեզ ասում էին՝ կառչած եք իշխանությունից: Ես պետք է ուղիղ ասեմ՝ մենք ոչ թե մեր իշխանությունից կամ աթոռներից էինք կառչած, այլ մենք պահում էինք ժողովրդին պատկանող իշխանությունը, քանի որ մենք գիտեինք, որ ձեզնից ենք ստացել այդ իշխանությունը և իրավունք չունենք այն առաջին պատահածին հանձնելու»,-ասաց վարչապետը:

Նա նշեց, որ 2021-ի հունիսի 20-ին Հայաստանում անցկացվելու են արտահերթ խորհրդարանական ընտրություններ՝ մեկ նպատակով: «Մենք ձեզնից ստացած իշխանությունը վերադարձնում ենք ձեզ, դուք կորոշեք հետո ում վերադարձնեք, պատվիրակեք իշխանությունը: Բայց Հայաստանում ժողովրդի իշխանությունը պետք է լինի անառարկելի»,-ասաց Փաշինյանը՝ շեշտելով, որ ժողովուրդն է բարձրագույն իշխանությունը:

Նա նշեց, որ ընտրությունների անցկացման նպատակով իր հրաժարականից հետո ԱԺ-ն 2 անգամ իրեն չի ընտրի վարչապետի պաշտոնում, մյուս խմբակցություններն էլ վարչապետի թեկնածու չեն առաջադրի: Անդրադառնալով մտահոգություններին, թե ընդդիմադիր ուժերը վարչապետի հրաժարականից հետո կարող են փորձել իշխանափոխություն իրականացնել՝ պալատական հեղաշրջման միջոցով՝ Փաշինյանը վստահեցրեց, որ չեն կարող: «Բայց, եթե որոշ քաղաքական ուժեր և շրջանակներ դուրս գան, էլի ցանկանան, որ ժողովրդին չհասնի ընտրությունը, դրան էլ հեշտ լուծում կա՝ խորհրդարանական մեծամասնությունն ինձ նորից կընտրի վարչապետ և թեման կփակվի»,-ասաց նա ու հավելեց, որ բոլոր հնարավոր սցենարները հաշվի են առել:

Փաշինյանը շեշտեց, որ ՀՀ-ում կա ապագա, երեխաներն ապագա ունեն, և իրենց ապագան իրենց հողում է:

Այս թեմայով «Հրապարակ». Նիկոլից հիասթափվածների, Նիկոլ մերժողների և ատողների միջև չկա կոնսոլիդացիա Իշխանությունների 20 քայլն՝ ընդդեմ Հայ Դատի Նիկոլ Փաշինյանը լուսանկար է հրապարակել տիկնոջ հետ Որ քաղմաս մտնում ես, Նիկոլ են հայհոյում, ինքը գիտի՝ ոստիկաններն իր հետ են. Գեղամ Մանուկյան (տեսանյութ) Արամ Սարգսյա՜ն, Վազգենն է ազատագրել Ոսկեպարի տարածքները, օկուպա՞նտ էր, որ հիմա Նիկոլ ես պաշտպանում Կարևոր եմ համարում Մեծ եղեռնի ներքին հայեցումը․ Նիկոլ Փաշինյանի ուղերձը Երկու քարի արանքում. ո՞ւմ ի վերջո «կքցի» Փաշինյանը Գազի գինը կարող է բարձրանալ. Փաշինյանի միակողմանի զիջումների հետևանքը Փաշինյանը և ՀՀ-Ֆրանսիա բարեկամական խմբի ղեկավարը քննարկել են Տավուշում սահմանազատման գործընթացը «Նիկոլ դավաճան», «Քայլ արա, մերժիր գժին» վանկարկումներ՝ Նոյեմբերյանում