«Բոլորի պես դատարկել եմ իմ բաժին դառը բաժակները՝ կուլ տալով, չհաշտվելով իրականության հետ». Մարջան Ավետիսյան

Դերասանուհի Մարջան Ավետիսյանը նոր գրառում է կատարել՝ կոչ անելով առանց տրտնջալու խմել բաժին ընկած դառը բաժակները, «դրանք ձեզ պատժելու համար չեն»։

«Իշխանություն» ֆիլմի մասին լսեցի ու կարդացի բազմաթիվ վերլուծություններ: Շնորհակալ եմ բոլորին անդրադարձի, ջերմ խոսքերի ու անկեղծ վերլուծությունների համար:
Ինքս ինձ երբեք չեմ համարել տաղանդավոր, կամ ամենալավ դերասանուհի (հիմա էլ նույն կարծիքին եմ): Հանրային մարդ դառնալու նպատակներ չեմ փայփայել, ընդամենը ուզել եմ թատրոնում լինել: Թատրոնն ինձ հետ միշտ եղել է անկեղծ, երբեք զուր հույսեր չի ներշնչել: 5 տարի միջակից ցածր դերասանի կարգավիճակից հետո, հարցին` թե ես ինչո՞ւ դեր չեմ
ստանում, կրկին անկեղծ թատրոնն ասաց.- «Գնա դու շատ ես» ։ Ես համառորեն մնացի ևս 6 տարի:

Թատրոնն իր գլխից ինձ ռադ անելու համար փորձեց ավելի գայթակղիչ ուղղություն ցույց տալ, կամ գուշակելով, որ էնտեղ ինձնից մի բան դուրս կգա, կամ համոզված լինելով, որ չեմ հաջողելու ասաց. -«Գնա' կինո» :Սեփական կատու չունենալու, դատարկ գրպանի ու կինոյի մասին զրո գիտակցությամբ հպարտ գնում էի կինո, կինոն չկար, բայց կար Աստված: Միշտ եղել է և կա լրացնելու դաստիարակությանս բացերը:Ապացուցելու, որ մարդը միանշանակ չէ:

Ես էլ բոլորի պես դատարկել եմ իմ բաժին դառը բաժակները՝ կուլ տալով, չհաշտվելով իրականության հետ:

Մեղադրել եմ օտարներին իմ նեղ անձնական դժբախտությունների մեջ, նեղացել եմ հարազատ մարդկանցից, ընկերներից, պետությունից, բախտից ու Աստծուց: Աստծո դեմ կռիվ եմ հայտարարել, Աստծո տունը կռվադաշտ եմ համարել ու զինվել մարդկային ամենավերջին այլանդակ պահվածքով ու բառապաշարով։ Աստծո տան վրա կռիվ եմ գնացել, ամեն անգամ վստահ լինելով, որ այս անգամ դուռը չի բացի ու իր արհամարհանքով վերջ կդնի իմ անիմաստ գոյությանը: Միշտ հյուրընկալ ու բաց եմ գտել դուռը, օդն օծած ինձ ծնկի բերող, զինաթափող ու ապրեցնող խնկաբույրով: Աստված գիտի, որ կոտոշ եմ, սկզբունքային, բայց շարունակում է ինձ սիրել ու երես տալ իր նվերներով: Տվել է ամենացանկալին՝ իմ խելագար տեսակը սիրող մեկին, ու հիմա ես վայելում եմ քաղցրահամ ջրի իմ բաժակը, անհատակ ու կենարար…

Առանց տրտնջալու խմեք ձեզ բաժին ընկած դառը բաժակները, դրանք ձեզ պատժելու համար չեն:

Հավատացեք լավ կյանքից չէ, որ դերասան են դառնում:

Լավ դերասան դառնալու միակ նախադրյալը ուշադիր ապրելն է»,- գրել է նա։

Այս թեմայով Իրական ժողովրդավարությունը գոյություն ունի միայն այնտեղ, որտեղ որ բացառվում է մարդու շահագործումը, աղքատությունը․ Մհեր Ավետիսյան «Միասին» հասարակական շարժման նախաձեռնությամբ՝ Երևանում ՌԴ դեսպանության մոտ տեղի կունենա մոմավառություն․ Մհեր Ավետիսյան Շնորհավորում եմ և՛ Վլադիմիր Պուտինին, և՛ ռուս ժողովրդին․ Մհեր Ավետիսյան Արտակարգ իրավիճակների օդանավակայանը արդեն իսկ ամրացվել է ՊՆ-ին. Առնակ Ավետիսյան Հիմա էլ «մեղավորը» արտագնա աշխատանքի մեկնողնե՞րն են․ Թադևոս Ավետիսյան «Տաք» փողերը փախնում են Հայաստանից, հետևանքները չեն ուշանում. Թադևոս Ավետիսյան ՔՊ-ականների ուշագրավ գնումները՝ բյուջեի հաշվին. Ասլան Ավետիսյան 100 լավագույն ուսանող-մանկավարժներին իմ կողմից կշնորհվի Գրիբոեդովի անվան կրթաթոշակ. Մհեր Ավետիսյան Փաշինյանի թիմակիցների մանիպուլյացիաները. Ասլան Ավետիսյան Մհեր Ավետիսյանը պարգևատրվել է «Անկախ պետությունների վետերանների հասարակական կազմակերպությունների համագործակցություն» միջազգային միության շքանշանով