Սոթքի ոսկու հանքավայրի աշխատակիցների պահանջները բավարարվեցին. Թագուհի Թովմասյան

Սոթքի ոսկու հանքի աշխատակիցները բացել են մի քանի օր փակ պահվող ճանապարհը, երկաթգիծը, եւ հանքը սկսել է իր բնականոն աշխատանքը: Այս մասին այսօր՝ ապրիլի 19-ին, ֆեյսբուքյան իր էջում գրել է պատգամավոր Թագուհի Թովմասյանը։

«Հանքի աշխատակիցների պահանջները բավարարվեցին

Անցած շաբաթվա վերջից Գեղարքունիքի մարզի Սոթքի ոսկու հանքավայրի աշխատակիցները (մասնավորապես վարորդները) փակել էին հանք տանող ավտոճանապարհն ու երկաթգիծը։ Նրանք պահանջում էին արժանապատիվ աշխատավարձ, քանի որ նախկինում կատարելով նույն վտանգավորության աշխատանքը, ստանում էին մոտ 500 հազար դրամ աշխատավարձ, իսկ վերջին ամիսներին՝ էական կրճատումով՝ 120-150 հազար դրամ։

Իհարկե, հասկանալի է, որ հանքավայրի մի մասը նոյեմբերի 9-ի չարաբաստիկ հայտարարությամբ ադրբեջանական վերահսկողության տակ է անցել, ուստի հանքի շահագործման ծավալներն էապես կրճատվել են եւ շահագործող ընկերությունը տուժել է։ Բայց դրա հետեւանքով մոտ 300 աշխատակիցներ կրճատվեցին, մնացին անաշխատանք, ուստի ակնկալվում էր, որ գոնե մնացած աշխատակիցները կպահպանեն իրենց աշխատավարձը՝ առավել եւս, որ աշխատում են ադրբեջանցի զինվորների նշանառության տակ։

Այսպիսով, օրվա վերջում տեղեկացա, որ Սոթքի ոսկու հանքի աշխատակիցները բացել են մի քանի օր փակ պահվող ճանապարհը, երկաթգիծը, եւ հանքը սկսել է իր բնականոն աշխատանքը: Տեղեկացա, որ «ԳեոՊրոՄայնինգ Գոլդ» ՍՊԸ գլխավոր տնօրեն Անատոլի Գոգոտինը մեծամասամբ բավարարել է աշխատակիցների պահանջները, ինչի համար շատ ուրախ եմ։ Փոխզիջումային լուծումները միշտ ընդունելի են։ Թեեւ ցանկալի կլիներ հարցը չհասներ ճանապարհ փակելուն. դա չպետք է լինի հարց լուծելու ձեւ։

Հ.Գ. Ողջ ընթացքում կապի մեջ եմ եղել  երկու կողմերի՝ ինչպես աշխատակիցների, այնպես էլ՝ տնօրինության հետ՝ միջնորդի կարգավիճակով»,- գրել է նա։

Այս թեմայով Այս պահի դրությամբ որևէ խմբակցություն ՀՀ ՄԻՊ-ի թեկնածու չի առաջադրել․ Թագուհի Թովմասյան ՌԴ-ից ակնկալում ենք պատժել ագրեսոր Ալիևին. Թագուհի Թովմասյան Թուրք-ադրբեջանական տանդեմը կրկին հող է նախապատրաստում նոր ռազմական ագրեսիայի համար․ Թովմասյան Ազգային ժողովում լինելը և փողոցային պայքարը միմյանց չբացառող գործընթացներ են․ Թովմասյան Ահազանգ. զինծառայողների և պետական մի շարք մարմինների աշխատակիցների ամենամյա արձակուրդի վճարումը ճիշտ չի հաշվարկվում Ադրբեջանը մտադիր է նոր ագրեսիա անել. Թովմասյանը դիմել է միջազգային գործընկերներին՝ կանխարգելելու այն Մեր դարպասները փակելու խնդիր ունենք, հարևանն ուզում է մեր հաշվին մեծացնել իր տարածքը․ Թովմասյան Թշնամին ժամը 9:00-ից մինչ այժմ հրաձգային զինատեսակներից կրակ է բացել հայկական դիրքերի ուղղությամբ. ահազանգ Կուտականից Թագուհի Թովմասյանը պահեստազորայինների վարժական հավաքների մասով բողոքներ է ստացել Մինչ Փաշինյանի իշխանությունը փորձում է հիմնավորել խաղաղության պայմանագրի կնքման անհրաժեշտությունը, Ադրբեջանը գործում է հերթական պատերազմական հանցագործությունները. Թովմասյան