Սոցիալական աջակցության տարածքային բաժանմունքները լուծարվելու են․ Հրաչյա Սարգսյան

Սոցիալական աջակցության տարածքային բաժանմունքների լուծարումից հետո Երևանի ավագանին 6-րդ նստաշրջանի 3-րդ նիստին որոշեց հաստիքացուցակների փոփոխություններ իրականացնել:

Ինչպես հայտնեց զեկուցող, Երևանի քաղաքապետի առաջին տեղակալ Հրաչյա Սարգսյանը, այդ բաժանմունքների լուծարումից հետո լիազորություններն այսուհետև իրականացնելու են սոցիալական աջակցության տարածքային գործակալությունները:

«Այս գործընթցի համար որպես վերջնաժամկետ սահմանված էր ապրիլի 1-ը, այն արդեն իրականացվել է: Այժմ մեր հաստիքացուցակում պետք է կատարենք աշխատակիցների փոփոխություն»,- նշեց Սարգսյանը:

Երևանի քաղաքապետարանի և վարչական շրջանի ղեկավարի աշխատակազմերի կառուցվածքում, հաստիքացուցակում, աշխատակիցների թվաքանակում, ինչպես նաև Երևանի քաղաքապետի, նրա տեղակալների, խորհրդականների, օգնականների, մամուլի քարտուղարի, քաղաքապետարանի աշխատակազմի աշխատակիցների, վարչական շրջանների ղեկավարների, ղեկավարների տեղակալների, վարչական շրջանի աշխատակազմերի աշխատակիցների պաշտոնային դրույքաչափերը հաստատելու որոշման մեջ նույնպես փոփոխություններ են կատարվելու:

Մշակույթի, կրթության և սոցիալական հարցերի մշտական հանձնաժողովի նախագահ Սաթենիկ Մկրտչյանը նշեց, որ իրենք քննարկել են ու տվել դրական եզրակացություն:

«Սոցիալական բլոկում շատ մեծ ծավալով փոփոխություններ ենք նախաձեռնել, որոնք մտել են բովանդակային փուլ: Այս պահին վերապատրաստումներ են իրականացվում վարչական շրջանների սոցիալական բաժինների աշխատակիցների համար: Նրանցից ոչ ոք չուներ սոցիալական աշխատողի որակավորում: Երեկ անձամբ այցելել եմ և կարող եմ վստահեցնել, որ վերապատրաստված մեր մասնագետները շատ ոգևորվածությամբ են փոխանցում իրենց գիտելիքները»,- նշեց «Իմ քայլը» խմբակցության ավագանու անդամ Գայանե Վարդանյանը և հավելեց, որ մի քանի օրից այդ աշխատակիցները հանձնելու են առաջին քննությունը, ինչից հետո պարզ կդառնա, թե ովքեր կշարունակեն իրենց ուսումնառությունը:

Որոշումն ընդունվեց 40 «կողմ», 1 «ձեռնպահ» և 0 «դեմ» ձայներով:

Այս թեմայով Ոսկեպարի բնակիչները հայտարարել են, որ Փաշինյանն իրենց այլ բան էր խոստացել․ Ոսկան Սարգսյան Հայաստանի ու Սաուդյան Արաբիայի միջև 30 տարվա դադարից հետո հաստատվեցին դիվանագիտական կապեր․ Սարգսյան Դաշնակցական Գագիկ Սարգսյանը կշարունակի մնալ կալանավորված. 5 ՔՊ-ական տուժող է ճանաչվել ՀՀ-ն հայտնվեց տերությունների նման դիմակայության արդյունքում ձևավորված մահացու իրավիճակի կենտրոնում. Մանվել Սարգսյան Հասունացել է Հայաստանի և Չինաստանի միջև համագործակցությունը ռազմավարական մակարդակի բարձրացնելու պահը. Սերժ Սարգսյան Չի կարելի ինքնապաշտպանություն կազմակերպել. հիմա 90-ականների սկիզբը չի. Սերժ Սարգսյան (տեսանյութ) Ապրիլի 5-ի հանդիպումը բերելու է Արևմուտք-ՌԴ առճակատման ուժեղացմանը մեր տարածաշրջանում. Սարգսյան Քրիստոսի հարության հուսաբեր ավետիսը թող լուսավորի մեր ճանապարհը, ուժ ու հավատ տա բոլորիս. Սարգսյան Առաջիկա շաբաթներին հնարավոր հարձակման մասին խոսակցությունները չափազանցված են. Արամ Սարգսյան Մեր երկիրը կանգնած է իսկապես լուրջ ճամփաբաժանի առաջ. Սարգսյան