Ե՛վ ռուսները, և՛ Արևմուտքը վերցրել են այն, ինչ իրենց պետք էր. կողմերից ոչ ոք դեռ չունի ստատուս քվոյի փոփոխության ցանկություն. Մինասյան

Սուրբ Աթոռում ՀՀ նախկին դեսպան Միքայել Մինասյանն անդրադարձել է երեկվանից սկսված հակառուսական ալիքին, որի պատճառը ԵԽԽՎ ռուսական պատվիրակության քվեարկություն է: 

Ֆեյսբուքյան էջում Մինասյանը գրել է.

«Հայրենական արևմտամետները, իշխանության հրահանգով կամ լուռ համաձայնությամբ, երեկվանից հակառուսական նոր հիստերիա են բարձրացրել ԵԽԽՎ ռուսական պատվիրակության քվեարկության առթիվ: 

Կարո՞ղ եք ասել՝ ինչ եք ուզում, որովհետև ձեր քայլերում և գործողություններում կա խորը ողբերգություն։ Նախ, հուսով եմ՝ տեղյակ եք, որ դուք Արևմուտքին պետք չեք։ Պետք չեք ո՛չ որպես քաղաքական ուժ, ո՛չ որպես տեսակ։ Առհասարակ, Հայաստանն էլ պետք չէ, բայց դրա մասին ավելի մանրամասն՝ մեկ այլ առիթով: Երկրորդի ապացույցն այսօրվա մոռացված ժողովրդավարությունն ու արնահոսող ժողովուրդն է, իսկ առաջինինը՝ ձեր կարգավիճակը. լինելով արևմտամետ, ամբողջ ուժով սատարում եք Հայաստանի պատմության մեջ ամենառուսահպատակ ղեկավարին, ով ամբողջ ուժով լիզում է ռուսի կոշիկները։ Ի դեպ, նկատե՞լ եք, որքան շատ եք ավելացնում հակառուսականության քարոզը, այնքան շատ են ստիպում ոչնչությանը լեզուն բանեցնել։ 

Ցավոք, ժպիտ են առաջացնում նաև հայրենի ռուսամետները, որոնք կատաղի հարձակվել են հակառուսների վրա ԵԽԽՎ բանաձևի քվեարկության առթիվ՝ փորձելով ապացուցել, որ Ռուսաստանը չէր կարող կողմ քվեարկել, որովհետև նիստի օրակարգում ներառված էին հակառուսական ձևակերպումներ։ Ռուսամետները փորձում են միջխորհրդարանական դիվանագիտության տրամաբանությունը բացատրել դեբիլներին։ Մինչդեռ դուք էլ պակաս միամիտ չեք, քանի որ պաշտպանում եք Ռուսաստանին Նիկոլի ստրուկներից՝ նպաստելով Հայաստանի «николайիզացիային»։

Ի դեպ, վատ լուր ունեմ նաև ձեզ համար. դուք էլ Ռուսաստանին պետք չեք ո՛չ որպես քաղաքական ուժ, ո՛չ որպես տեսակ։ Իրականությունն այլ է. և՛ ռուսները և՛ Արևմուտքը վերցրել են այն, ինչ իրենց պետք էր։ Եվ քանի որ կողմերից ոչ ոք դեռ չունի ստատուս քվոյի փոփոխության ցանկություն, իսկ մենք շարունակում ենք տեսնել ու չհասկանալ, մնացածը քաղաքական ինքնախաբեություն է կամ ինքնաբավարարում։ Ոնց կուզեք։ 

Եթե նկատել եք՝ միջազգային ատյաններում պայքարելու և պատին կամ շերեփին դեմ առնելու մեր ոգևորությունն ու հիասթափությունը նոր չէ։ Խրիմյան Հայրիկից մինչև անտերի դեմքով ԵԽԽՎ-ում միայնակ ակցիա անող Էդմոն, մենք՝ հայերս, չհասկացանք կարևոր մի բան. պետություններն ունեն սեփական շահեր և հաջողելու միակ բանաձևը շահերի համադրումն ու համատեղ անդադար և հետևողական աշխատանքն է։ Իսկ դրա համար պետք է կրթություն, պրոֆեսիոնալիզմ, փորձ, մարդկային կապեր, բազմաշերտ հարաբերություններ, անդադար աշխատանք, դիվանագիտական հետևողականություն։ Մի խոսքով՝ հատկանիշներ, որոնք արդեն 3 տարի ընկալվում են առավելագույնը որպես «ավելորդ շքեղություն»։ 

Ու հենց այդ պատճառով ստացել են անհասկանալի հարաբերությունների մի լաբիրինթ, որտեղ Ռուսաստանին ատող Նիկոլը դարձավ Ռուսաստանի ստրուկ, Նիկոլից զզվող արևմտամետ ՀԿ-ները դարձան ռուսի ստրուկ Նիկոլին սատարողներ, ռուսամետ քաղաքական ուժերն աջակցում են Ռուսաստանին, որն էլ իր հերթին պահում է Նիկոլին, թեև զզվում է հեղափոխականներից։
Իսկ Հայաստանն այդ ընթացքում արնահոսում է՝ տալով 5000 զոհ, կորցնելով Արցախը, սեփական որդիների թողնելով անտառներում ու Բաքվի բանտերում։ Եվ այդքանից հետո դուք արդեն երկրորդ օրն է քննարկում եք երրորդական կազմակերպության չորրորդական նշանակության քվեարկության անիմաստ արդյունքը։

MediaPort-ի աղբյուրների փոխանցմամբ՝ Արցախի հանրապետության նախագահ Արայիկ Հարությունյանը տարբեր շրջանակներում պարբերաբար պարծենում է, որ իր տանիքը Ռուսաստանն է, և հենց պաշտոնական Մոսկվան է լռեցնում Հայաստանի ընդդիմության քննադատությունն իր հասցեին: Արայիկ Հարությունյանը որպես ապացույց բերում է այն հանգամանքը, որ հրապարակային խոսքում իրեն քննադատաբար չեն անդրադառնում առաջին, երկրորդ, երրորդ նախագահները, ինչպես նաև Հայաստանի ընդդիմության շարքերում ընգրկված այլ աչքի ընկնող քաղաքական դերակատարները: MediaPort-ի աղբյուրները նաև փոխանցում են, որ Արցախի նախագահի պարծենկոտության չափերն այնքան են անցել, որ հարցը հասել է Մոսկվա՝ արժանանալով խիստ բացասական վերաբերմունքի»:

Այս թեմայով Գեներալները թող իրենց հարց տան՝ հայրենիքի՞ն են ծառայում, թե՞ հայրենիքից հիշատակ և փլատակներ թողնող վարչակազմին․ Միքայել արք․ Աջապահյան Միայն հայկական ինքնություն չունեցող մարդը կարող է ասել՝ սա մեզ չի պատկանում. Տեր Միքայել Աջապահյան (տեսանյութ) Միքայել Վարդանյանի 117 մլն. դրամ աջակցության շնորհիվ Մասիս խոշորացված համայնքում ամբողջությամբ կլուծվի աղբահանության խնդիրը ԱԺ պատգամավորներ Ալեքսեյ Սանդիկովն ու Միքայել Թումասյանը գործուղվում են Մոսկվա Կատյա Գալստյանն ու Միքայել Միքայելյանը՝ դահուկավազքի մեծահասակների առաջնության բացարձակ հաղթողներ Միքայել Արզումանյանի գործով ավարտվել է առանցքային վկաներից մեկի հարցաքննությունը. «Հրապարակ» Հորդորում եմ որևէ ձևով անհարկի չհոլովել իմ անունը․ Հայր Միքայել 26-ամյա գեղանկարիչ Միքայել Հարությունյանն ազատվեց զինծառայությունից. Նրա համար միջնորդել են միջազգային հայտնի դեմքեր Զինծառայող Միքայել Դանիելյանի մահվան դեպքի առթիվ նախաձեռնվել է քրեական վարույթ Անցած տարին, մեղմ ասած, դրամատիկ էր, միանգամայն կանխատեսելի, հետևաբար՝ զզվելի․ Միքայել Մինասյան