Նիկոլ Փաշինյանի այցն, առանց պատշաճ բացատրության, ցույց է տալիս, որ նրանք սադրիչներ են. Մինասյան
ՔաղաքականՆիկոլ Փաշինյանը եւ նրա վարչակարգը դրդում եւ ստեղծում են հանրային տրամադրություններ, քրեածին իրավիճակներ եւ թիվ մեկ պատասխանատվությունը, որ կրում են իրենց հետ ներքաշել են ողջ իրավապահ համակարգին: Այս մասին այսօր՝ ապրիլի 22-ին, ՔԿ-ի դիմաց լրագրողների հետ զրույցում ասաց ՀՅԴ անդամ Արծվիկ Մինասյանը:
Մինասյանը նշեց՝ երեկ Սյունիքում ակնհայտորեն Նիկոլ Փաշինյանի դրդմամբ եւ սադրանքի միջոցով փորձ արվեց քաղաքացիների անհնազանդությունը ներկայացնել որպես հանցագործություն եւ սերմանել վախի մթնոլորտ. «Ըստ էության, Նիկոլ Փաշինյանի պետական ահաբեկչության ակտ է իրականացնում, որին պետք է դիմադրի ողջ հայ ժողովուրդը:
Հարուցված քրեական գործի շրջանակներում առաջին հերթին պետք է Նիկոլ Փաշինյանին ներգրավել եւ այն մարդկանց, որոնք կազմակերպել եւ իրականացրել են այդ այցը Սյունիք»,-ասաց նա:
Մինասյանը նշեց, որ նաեւ պետք է հասկանալ, թե ինչ նպատակ ուներ Նիկոլ Փաշինյանի Սյունիք կտարած այցը, քանի որ այն իրականացվել է առանց տեղական իշխանություններին պատշաճ ձեւով տեղեկացնելու:
«Եթե սա պարզապես սովորական մի այց էր, այլ բան է, բայց եթե բոլորն էլ խոսում են այն մասին, որ Փաշինյանն այցելել է մարզ իրականացնելու դավադիր մի ծրագիր, ու դու պատշաճ չես համարում այդ մարդկանց ներկայացնել քո մոտեցումները, պարզապես գնում ու հրահրում ես այս ամենը, դրանով եւս մեկ անգամ ապացուցում ես, որ դավաճան ես, իրականացնում ես դավադիր ծրագիր, եւ քաղաքացիների ընդվզումը պետք է լինի: Նիկոլ Փաշինյանի այցն առանց պատշաճ բացատրության ցույց է տալիս, որ նրանք սադրիչներ են»,-ասաց ՀՅԴ-ական գործիչը: