ԱՄՆ-ն և միջազգային հանրությունը պետք է խիստ արձագանքեն ՀՀ Սյունիքի մարզ Ադրբեջանի ներխուժմանը. Մենենդես Ադրբեջանի զինված ուժերը ներխուժել են հայկական տարածք. նրանք պետք է անհապաղ հետ քաշվեն. Մակրոն Գոնե բարձրաձայնելով` այսօր կարող եմ ուղիղ և հանգիստ խղճով նայել մեր համայնքի բնակիչների աչքերին․ Գորիսի փոխքաղաքապետ Ֆրանսիան հանդես է գալիս հայ-ադրբեջանական սահմանին իրավիճակի կարգավորման օգտին` ՄԱԿ-ի Անվտանգության խորհրդի մասնակցությամբ. Մակրոն Նիկոլ Փաշինյանը հեռախոսազրույց է ունեցել Էմանուել Մակրոնի հետ Ֆրանսիան պետք է պատժամիջոցներ կիրառի Ադրբեջանի նկատմամբ. Վալերի Բուայե Չեմ բացառում, որ հայտարարվի ռազմական դրություն եւ ընտրությունը չեղարկվի. Նաիրա Զոհրաբյան Արա Այվազյանը հեռախոսազրույց է ունեցել Սերգեյ Լավրովի հետ. քննարկել են ՀՀ պետական սահմանին ստեղծված իրավիճակը Անթույլատրելի ենք համարում մեր հայրենիքի նկատմամբ ցանկացած ոտնձգություն․ Գորիսի մտավորականության նախաձեռնող խումբ Ֆրանսիայի ԱԺ պատգամավորները կոչ են անում՝ թույլ չտալ Ադրբեջանին ապակայունացնել իրավիճակը 

ՀՀ ՄԻՊ-ն անդրադարձել է Սյունիքի մարզում տեղի ունեցած բողոքի ակցիաներին և դրանց հետ կապված ձերբակալումներին

Իրավունք
ՀՀ մարդու իրավունքների պաշտպանի մանրամասն անդրադարձը Սյունիքի մարզում տեղի ունեցած բողոքի ակցիաներին և դրանց հետ կապված ձերբակալումներին.
 
«ՀՀ Սյունիքի մարզում երեկվանից՝ ապրիլի 21-ից սկսած տեղի ունեցող իրադարձությունները գտնվում են ՀՀ մարդու իրավունքների պաշտպանի անմիջական ուշադրության կենտրոնում:
1. Նախ, բացարձակ անընդունելի է վիրավորանքի ու հայհոյանքի, ատելության խոսքի ցանկացած դրսևորում՝ անկախ նրանից, թե ով է դա անում կամ ում է ուղղված: Մարդու արժանապատվությունը վիրավորել չի կարելի:
Այս հարցում Մարդու իրավունքների պաշտպանի դիրքորոշումն անփոփոխ է ու այդ անընդունելի լինելը վերաբերում է նաև երեկ Սյունիքի մարզում ՀՀ վարչապետի այցի ընթացքում մի շարք բողոքների ակցիաների ժամանակ Վարչապետի նկատմամբ նման բառապաշարի օգտագործմանը:
Ցավոք, այս խնդիրը ձեռք է բերել համակարգային բնույթ, որի լուծման հարցում իրենց անձնական օրինակով առաջնահերթ մեծ դեր ունեն հանրային գործիչները, այդ թվում՝ պաշտոն զբաղեցնող անձինք: Այս արատավոր երևույթը ցանկացած դեպքում ավելացնում է լարվածությունը, բացասական է ազդում մարդու իրավունքների համակարգի վրա:
Նման երևույթները մեր հասարակությունում պետք է բացառվեն:
Կարևոր է նաև լրատվամիջոցների դերը. նրանք չպետք է դառնան վիրավորանքի ու հայհոյանքների, ատելության խոսքի տարածողը ու պետք է հատկապես ուշադիր լինեն վերնագրերի ընտրության հարցում:
2. Մարդու իրավունքների պաշտպանն ի գիտություն բոլորի ևս մեկ անգամ հատուկ հիշեցնում է, որ իր իրավասությունը ոչ թե իրենց լիազորությունների իրականացման կապակցությամբ կոնկրետ պաշտոնյաների իրավունքները պաշտպանելն է քաղաքացիներից, այլ մարդուն՝ պետական կամ տեղական ինքնակառավարման մարմինների և պաշտոնյանների արարքներից ու որոշումներից:
Ավելին, «Մարդու իրավունքների պաշտպանի մասին» ՀՀ սահմանադրական օրենքի 16-րդ հոդվածի 7-րդ մասն ուղիղ ամրագրում է. «Պետական և տեղական ինքնակառավարման մարմինները չեն կարող Պաշտպանին բողոքներ ներկայացնել»:
Սա է մարդու իրավունքների ազգային հաստատությունների դերը ողջ աշխարհում:
3. Ստորև Մարդու իրավունքների պաշտպանի գնահատականներն են պետական մարմինների և պաշտոնատար անձանց արարքների վերաբերյալ՝ կապված մարդու իրավունքների հետ:
4. Սյունիքի մարզի համայնքներ ապրիլի 21-ին ՀՀ վարչապետի այցի ընթացքում նրան ուղեկցող իրավապահ մարմինների թվում առկա էին դիմակով ծառայողներ (խոսքը չի վերաբերում բժշկական դիմակներին):
ՀՀ մարդու իրավունքների պաշտպանն արձանագրում է, որ դա ոչ միայն ինքնին մարդու իրավունքների ոտնահարում է, այլ հնարավոր միջադեպերի դեպքում բացառում է իրավապահ մարմնի կողմից մարդու իրավունքի խախտում թույլ տալու կամ, օրինակ, մարդու նկատմամբ ուժի գործադրման պարագայում կոնկրետ ծառայողի նույնականացումը՝ նրա արարքների օրինականությունը գնահատելու նպատակով:
Դիմակավորված ծառայողների առկայությունը կարող է կիրառելի լինել հանցավորության դեմ պայքարի նպատակով՝ կոնկրետ իրավիճակի հանգամանքները հաշվի առնելով, այլ ոչ թե հանրային վայրում հասարակական կարգի պահպանության համար: Ուստի, այս պրակտիկան պետք է բացառվի:
Այս իրավական պահանջները Մարդու իրավունքների պաշտպանը հայտարարել է թե՛ 2018 թվականի ապրիլյան իրադարձությունների, թե՛ 2020 թվականի հավաքների ժամանակ, երբ մի շարք դեպքերում հանրային վայրերում հավաքներ կամ քաղաքացիական այլ ակցիաներ իրականացնելու համար ներգրավվում էին իրավապահ մարմինների դիմակավորված ծառայողներ:
5. Քրեական արդարադատության ոլորտում մարդու իրավունքների տեսանկյունից անընդունելի էր ապրիլի 21-ին Սյունիքի մարզպետարանի շենքում քննարկման ժամանակ ՀՀ վարչապետի կողմից օրենքի խախտում որակելը կոնկրետ գործով մարդկանց արարքները ու այդ կոնկրետ գործով իրավապահ մարմինների գործողությունների կամ նրանց «կոշտ», «կտրուկ և հատուկ գործողություններով» արձագանքի հարց քննարկելը՝ մինչև իրավապահ մարմինների, այսինքն՝ մինչև այդ նպատակի համար օրենքով հատուկ լիազորված մարմինների արձագանքը:
Անընդունելի լինելուն ավելանում է նաև այն, որ հրապարակված խորհրդակցությանը ներկա էին գործադիր իշխանության տարբեր մարմինների ներկայացուցիչներ, որոնք որևէ առնչություն չպետք է ունենան կոնկրետ գործերով կոնկրետ մարդկանց քրեական հետապնդման ենթարկելու հարցերի հետ:
Քանի որ քրեական արդարադատության ոլորտը մարդու իրավունքների տեսանկյունից առանց այն էլ ռիսկային է, օրենքով ամրագրված է մարդու իրավունքներին միջամտող գործողություններ կատարելու կամ որոշումներ ընդունելու իրավասություն ունեցող սուբյեկտների սպառիչ շրջանակ: Այս իրավական չափանիշը մարդու իրավունքների պաշտպանության կոնկրետ երաշխիք է և ուղղակիորեն բխում է ՀՀ օրենսդրությունից:
6. Ու առհասարակ, ի գիտություն բոլոր պաշտոնյաների՝ Մարդու իրավունքների պաշտպանը հատուկ է նշում, որ դուք իրավասու չեք կոնկրետ գործերով կոնկրետ մարդկանց վերաբերյալ իրականացվող քննության ընթացքին, ելքին կամ կոնկրետ գործողություններին առնչվող գնահատականներ տալ:
Դուք դրանով ոչ միայն անում եք մարդու իրավունքները խախտող հայտարարություններ, այլ նաև խոչընդոտում եք իրավապահ մարմինների աշխատանքը, նրանց դնում ավելորդ թիրախի տակ ու նրանց գործողությունների առնչությամբ առաջացնում եք կանխակալ վերաբերմունք հասարակությունում:
7. Երեկ երեկոյան Մարդու իրավունքների պաշտպանը հատուկ հանձնարաությամբ աշխատանքային խումբ է գործուղել Սյունիքի մարզի Գորիս, Կապան և մի շարք այլ համայնքներ:
Այցի նպատակն է Պաշտպանի աշխատակազմի Սյունիքի մարզային ստորաբաժանման հետ համատեղ տեղում իրականացնել իրավիճակի, այդ թվում՝ լարվածության աստիճանի մշտադիտարկում, ինչպես նաև ապրիլի 21-ին Սյունիքի մարզի Մեղրի, Քաջարան, Կապան և մի շարք այլ համայնքներում տեղի ունեցած բողոքի ակցիաների առնչությամբ հարուցված քրեական գործի շրջանակում Ոստիկանության բաժիններ այցերի, հնարավոր բերման ենթարկվածների հետ առանձնազրույցների, նրանց իրավունքների պաշտպանության նպատակով:
8. Գիշերվա ընթացքում, ինչպես նաև այսօր վաղ առավոտյան Մարդու իրավունքների պաշտպանի աշխատակազմն ահազանգեր է ստացել ինչպես մի շարք քաղաքացիներից, այնպես էլ փաստաբաններից՝ կապված Սյունիքի մարզում բերման ենթարկելու և ձերբակալումների դեպքերի հետ: Ահազանգեր են արել նաև մի շարք լրագրողներ:
Մասնավորապես, փաստաբան Գայանե Պապոյանը վաղ առավոտյան բողոքով տեղեկացրել է, որ իր վստահորդին՝ Մեղրի համայնքի ղեկավար Մխիթար Զաքարյանին, ձերբակալելիս խախտվել են վերջինիս իրավունքները, բացակայում են նրան բերման ենթարկելու հիմքերը, և իրեն ու իր վստահորդին չի պարզաբանվել՝ ու՞ր են բերման ենթարկում: Դրանից բացի, ըստ Գ.Պապոյանի՝ իր վստահորդի նկատմամբ գործողություններն առանց որևէ անհրաժեշտության կամ առանց դրանց անհետաձգելիության հիմնավորման արվել են գիշեր, այլ ոչ թե ցերեկ ժամանակ:
Գայանե Պապոյանի հրապարակած՝ Մխիթար Զաքարյանին ազատությունից զրկելու տեսանյութերի ու ահազանգի ուսումնասիրությամբ Մարդու իրավունքների պաշտպանն արձանագրել է խնդիրներ՝ կապված Մ.Զաքարյանին ազատությունից զրկելիս նրա մի շարք նվազագույն իրավունքներ, այդ թվում՝ ազատությունից փաստացի զրկելիս այդ պահին ազատությունից զրկելու հիմքերը նրան պատշաճ ներկայացնելու, փաստաբանի իրավունքը երաշխավորելու հետ:
Մեղրի համայնքի հետ կապված՝ ահազանգ է ստացվել 2 փաստաբանից 2 հոգու բերման ենթարկելու վերաբերյալ: Փաստաբանները նշել են, որ իրենք տեղյակ չեն, թե իրավապահ մարմիններն իրենց վստահորդներին ուր են տարել և որ իրենց չեն պարզաբանվում վստահորդներին բերման ենթարկելու հիմքերը կամ վայրը:
9. Մի շարք ահազանգեր են ստացվել (այդ թվում՝ փաստաբանից) նաև Գորիս համայնքից մարդկանց բերման ենթարկելու կամ ձերբակալելու հետ կապված:
Մասնավորապես, վաղ առավոտյան ահազանգողները նշել են, որ շարունակաբար տեղեկություն չեն կարողանում ստանալ, թե որ իրավապահ մարմին են տարվել բերման ենթարկվածները կամ ինչ հիմքերով ու ինչ կարգավիճակ ունեն: Նման տեղեկությունների չեն տիրապետում նաև ազգականները: Խոսքը վերաբերում է Գորիս համայնքի ղեկավարի տեղակալին, համայնքի ավագանու անդամի, Հարթաշեն վարչական շրջանի ղեկավարին, Գորիս համայնքի մի շարք բնակիչների:
Գորիս համայնքի ղեկավարի տեղակալ Մենուա Հոփսեփյանը Մարդու իրավունքների պաշտպանի ներկայացուցիչներին առանձնազրույցի ընթացքում տեղեկացրել է, որ Գորիսից իրեն բերման ենթարկելուց հետո իրեն տեղափոխել են Քննչական կոմիտե, սակայն կոմիտեի շենք մուտք չեն գործել և մոտ 30 րոպե ոստիկանական ավտոմեքայի մեջ սպասելուց հետո տեղափոխել են Ոստիկանության Երևան քաղաքի վարչության շենք: Ըստ Մ.Հովսեփյանի՝ Ոստիկանությունում իր նկատմամբ գործադրվել է բռնություն, մասնավորապես՝ Ոստիկանության ծառայողներն, իրեն աշխատասենյակ տանելով, գցել են գետնին և ոտքերով հարվածել, հետո գետնին գցած վիճակում քարշ են տվել մեկ սենյակից մյուսը և տեսանկարել քարշ տալու ընթացքը: Այդ սենյակում թույլ չեն տվել նստել, ստիպված է եղել ոտքի վրա մնալ մոտ 30 րոպե: Այդ ողջ ընթացքում իր նկատմամբ ցուցաբերվել է արժանապատվությունը նվաստացնող վերաբերմունք, այդ թվում՝ հայհոյանքներով: Այդ ողջ ընթացքում եղել է ձեռնաշղթաներով՝ ձեռքերը մեջքի հետևում:
Այս նույնը պնդել են նաև փաստաբանները և տեղեկացրել, որ հանցագործության մասին հաղորդում են ներկայացրել Հատուկ քննչական ծառայություն: ՀՀ մարդու իրավունքների պաշտպանը նույնպես համապատասխան գրություն կհասցեագրի ՀՀ դատախազություն:
Գորիս համայնքի ավագանու անդամ Արարատ Աղաբեկյանի հետ կապված՝ Մարդու իրավունքների պաշտպանի աշխատակազմ ներկայացվել է ահազանգ այն մասին, որ Ա.Աղաբեկյանին բերման ենթարկելը որևէ հիմնավորում չունի. նա Շուռնուխում տեղի ունեցած բողոքի ակցիային չի մասնակցել, քանի որ եղել է անկողնային վիճակում՝ ամենայն հավանականությամբ նոր կորոնավիրուսային (COVID-19) վարակի ախտանիշներով:
ՀՀ մարդու իրավունքների պաշտպանի աշխատակազմն արձանագրել է Արարատ Աղաբեկյանի նկատմամբ իրավապահ մարմինների վերաբերմունքը, ով հրապարակված տեսանյութում մեջքի հետևում ձեռնաշղթաներով է և ում ուղեկցում են դիմակավորված ոստիկաններ:
Տեսանյութն ակնհայտորեն վկայում է Ա.Աղաբեկյանի նկատմամբ օրենքը խախտող վերաբերմունքի մասին, և նրան բերման ենթարկող կամ ձերբակալած իրավապահ մարմինների ծառայողների գործողությունները պետք է քննության արժանանա ոչ թե ծառայողական, այլ քրեական վարույթի շրջանակում, ուստի Մարդու իրավունքների պաշտպանն այս հարցով ևս գրություն կուղարկի Դատախազություն:
Այս պահին շարունակվում են Մարդու իրավունքների պաշտպանի աշխատակազմի այցերը երեկ տեղի ունեցած դեպքերի առնչությամբ ձերբակալվածներին ու բերման ենթարկվածներին:
10. Պաշտպանը ևս մեկ անգամ հստակ արձանագրում է, որ դիմակների ու ձեռնաշղթաների առանց տարբերակման, առանց կոնկրետ հիմքերի (օրինակ՝ փախուստի իրական վտանգ, վրեժխնդրություն և այլն) կիրառումն անթույլատրելի է: Այս խնդիրը, ցավոք, ունի համակարգային բնույթ. Մարդու իրավունքների պաշտպանը դրան բազմիցս է անդրադարձ կատարել, այդ թվում՝ տարեկան հազորդմամբ ու զեկույցներով և այս հայտարարությամբ նույնպես դա հաստատում է:
Նշված բոլոր հարցերի ամփոփումից հետո Մարդու իրավունքների պաշտպանի աշխատակազմից առանձին գրություն կուղարկվի իրավապահ մարմիններին՝ ըստ իրավասության:
Առանձին հարցադրումներով գրավոր պարզաբանումներ կպահանջվեն՝ կապված ապրիլի 21-ին Սյունիքի մի շարք համայնքներում տեղի ունեցած բողոքի ակցիաների առնչությամբ հարուցված քրեական գործի և այն հոդվածների հետ, որոնցով այդ գործով նախաձեռնվել է քրեական հետապնդում:
11. Մարդու իրավունքների պաշտպանը հատուկ արձանագրում է, որ ստեղծված լարված իրավիճակում իրավապահ մարմիններն ու, առհասարակ, բոլոր հանրային մարմինները, պաշտոնատար անձինք պետք է գործեն իրավունքի գերակայության խիստ պահպանմամբ:
Հաշվի առնելով, որ Սյունիքի մարզում տեղի ունեցած իրադարձությունների նկատմամբ հասկանալիորեն առկա է հանրային լայն հետաքրքրություն՝ իրավապահ մարմինները պարտավոր են գործադրել նաև միջոցներ, որպեսզի իրենց գործողությունների կամ որոշումների իրավաչափությունն ապահովվի նաև հանրային ընկալման համար:
Ցանկացած տեսակի խախտում ավելի է նպաստում լարվածությանը:
Արման Թաթոյան
ՀՀ մարդու իրավունքների պաշտպան»:
Հետևե՛ք -ին Youtube-ում`
Բրիտանիան կնախընտրեր, որ ԵԱՀԿ ՄԽ-ն բանակցեր զինադադարի շուրջ․ Բաքվում Մեծ Բրիտանիայի դեսպան Մայիսի 9֊ին նիկոլին աղ ու հացով դիմավորող գեղարքունիքցիներ, հը՞, լա՞վ եք, հարսները լա՞վ են, պատրաստվե՞լ են․ Ալվինա Աղաբաբյան ԱՄՆ-ն և միջազգային հանրությունը պետք է խիստ արձագանքեն ՀՀ Սյունիքի մարզ Ադրբեջանի ներխուժմանը. ՄենենդեսԱդրբեջանի զինված ուժերը ներխուժել են հայկական տարածք. նրանք պետք է անհապաղ հետ քաշվեն. ՄակրոնԳոնե բարձրաձայնելով` այսօր կարող եմ ուղիղ և հանգիստ խղճով նայել մեր համայնքի բնակիչների աչքերին․ Գորիսի փոխքաղաքապետ Ֆրանսիան հանդես է գալիս հայ-ադրբեջանական սահմանին իրավիճակի կարգավորման օգտին` ՄԱԿ-ի Անվտանգության խորհրդի մասնակցությամբ. ՄակրոնՆիկոլ Փաշինյանը հեռախոսազրույց է ունեցել Էմանուել Մակրոնի հետ «11-րդ հարկից ինձ գցել եմ ու ես էլ չեմ հասկանում ոնց փրկվեցի». անմահացած հերոսի ընկերուհու հուզիչ գրառումըՖրանսիան պետք է պատժամիջոցներ կիրառի Ադրբեջանի նկատմամբ. Վալերի ԲուայեՔանի դեռ Փաշինյանը իր կաբինետում նստած է, ձեր ու մեր երեխեքը ամեն օր կարող են մեռնել. Միքայել Մինասյան Չեմ բացառում, որ հայտարարվի ռազմական դրություն եւ ընտրությունը չեղարկվի. Նաիրա ԶոհրաբյանԱրա Այվազյանը հեռախոսազրույց է ունեցել Սերգեյ Լավրովի հետ. քննարկել են ՀՀ պետական սահմանին ստեղծված իրավիճակըԵթե վիրավորում չես ստացել, չի սպասարկվում պետպատվերի շրջանակներում. ԱՆ-ն մերժել է պատերազմի մասնակցին Իրավապահները փնտրում են Ոսկեհատ համայնքի ղեկավարին. ArmLur.am«Սու-30ՍՄ կործանիչն է թռչում Սև լճի վրա. նպատակը ո՞րն է»Անթույլատրելի ենք համարում մեր հայրենիքի նկատմամբ ցանկացած ոտնձգություն․ Գորիսի մտավորականության նախաձեռնող խումբ Ֆրանսիայի ԱԺ պատգամավորները կոչ են անում՝ թույլ չտալ Ադրբեջանին ապակայունացնել իրավիճակը ԱՄՆ Պետդեպարտամենտը Բաքվին և Երևանին զսպվածության կոչ է անումԱրա Այվազյանը հեռախոսազրույց է ունեցել Լիտվայի ԱԳ նախարարի հետ«Բաքուն զարմացած է հայկական կողմի արձագանքից». Ադրբեջանի ԱԳՆ հայտարարությունըԱրա Այվազյանը հեռախոսազրույց է ունեցել ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետՄուրադովը եւս երկու ամիս կմնա Արցախում. «Kotsnews»Դեռ ամբողջովին չի հաջողվել ադբեջանցիներին ՀՀ տարածքից դուրս հանել, բանակցություններն ընթանում են. ԱԽ քարտուղար Եկել ենք այն եզրակացության, որ ճիշտ է ՀԱՊԿ-ին 2-րդ հոդվածով դիմել, քանի որ ստեղծված իրողությունները համապատախանում են այդ հոդվածին. ԱԽ քարտուղարՄԻՊ-ին ահազանգեր են հասցեագրվել Գեղարքունիքի և Սյունիքի մարզերի բնակիչներից. Արման Թաթոյան Երեկվանից մինչ այսօրվա վերջ Գեղարքունիքի մարզում շատ բան է փոխվել. ճեղքում է եղել. Թագուհի Թովմասյան«Եթե սահմաններդ չես վերահսկում, ուրեմն այդպիսի սահմաններով պետություն չկա ․․․»․ Միքայել Ոսկանյան Արդբեջանի ԶՈՒ զինծառայողների կողմից ՀՀ պետական սահմանը հատելու և ՀՀ տարածքային ամբողջականությունը խախտելու փաստի առթիվ հարուցվել է քրգործՊայմանագրի ո՞ր կետով է ՀՀ-ն դիմել ՀԱՊԿ-ին Գյումրիում 24–ամյա մոտոցիկլավարը դպրոցականի է վրաերթի ենթարկել Հերքել անհերքելին. ՔՊ-ական մարզպետը կրկին հայտնվել է զավեշտալի իրավիճակումՊետական մակարդակով ստի և կեղծիքի տարածումը քայքայել են հայ ժողովրդի դիմադրողականությունը. Գոհար ՄելոյանՄԻԵԴ-ը քննության է ընդունել կարծիք ստանալու վերաբերյալ ՀՀ վճռաբեկ դատարանի դիմումը Մեր հասարակությունը հիվանդացել է, և այդ հիվանդությամբ էլ մեզ կործանելու են. Կարեն ՀովհաննիսյանԻրանում ՀՀ դեսպանը ԻԻՀ ԱԳ նախարարի տեղակալին է ներկայացրել Սյունիքի մարզում ստեղծված իրադրությունըՔՊ-ական պաշտոնյաներից ովքե՞ր են «ջրից չոր» դուրս եկել. մաս 6Նիկոլը Պուտինի հետ հանդիպումը չէր կարողանում պլանավորել, ում մեջ էր գցում՝ պասլատ էին անում. Սևակ Հակոբյան Զինված ուժերի գործողությունների արդյունքում ադրբեջանական զորքի առաջխաղացումը կասեցվել է. Գեղարքունիքի մարզպետ ՔՊ-ական պաշտոնյաներից ովքե՞ր են «ջրից չոր» դուրս եկել. մաս 5ԲՀԿ-ն հանդես է գալիս Աժ արտահերթ նիստ հրավիրելու նախաձեռնությամբԱրա Այվազյանը ԵԱՀԿ Գործող նախագահ Անն Լինդեի հետ քննարկել է ՀՀ սահմանամերձ տարածքում տիրող իրավիճակըԼավրովն ու Բայրամովը քննարկել են հայ-ադրբեջանական սահմանին իրավիճակի սրման հարցըՍյունիքում պայթյունավտանգ վիճակ է. Նիկոլ ՓաշինյանԴեսպան Պապիկյանը ԵԱՀԿ Մշտական խորհրդի նիստին անդրադարձել է ՀՀ ինքնիշխան տարածք Ադրբեջանի ներխուժմանը Հայաստանը պաշտոնապես դիմում է ՀԱՊԿ-ինՀովհաննես Դավթյանը նմանակում է Նիկոլ Փաշինյանին, Գագիկ Ծառուկյանին, Սերժ Սարգսյանին ու Ռոբերտ Քոչարյանին (տեսանյութ)Հայտարարություն Անվտանգության խորհրդի նիստում (տեսանյութ) 5-րդ զորամիավորումում անցկացվել են ուսումնական պարապմունքներ ՀԱՊԿ-ն ուշադրությամբ հետեւում է Հայաստանի Սյունիքի մարզի սահմանամերձ շրջաններում իրավիճակի զարգացմանը Անահիտ Ավանեսյանը մշակույթի ու սպորտի գործիչներին ներկայացրել է պատվաստումային գործընթացը
Ամենադիտված