2018 թվականի հեղափոխությունը, անկասկած, մտածել էին սրիկաները, սակայն իրականացրել են ռոմանիկները. Միքայել Մինասյան

Սուրբ Աթոռում ՀՀ նախկին դեսպան Միքայել Մինասյանն իր թելեգրամյան ալիքում գրառում է կատարել՝ անդրադառնալով 2018 թվականի հեղափոխության հետևորդների հիասթափությանն ու Նիկոլ Փաշինյանի՝ դրանից օգտվելու հնարավորությանը: Գրառումը՝ ստորև․

«2018 թվականի հեղափոխությունը, անկասկած, մտածել էին սրիկաները, սակայն իրականացրել են ռոմանիկները: Եթե ուշադիր նայենք, ապա Նիկոլից և նրա նեղ շրջանակից, նրան միացած «դրամաշնորհ ուտողներից» բացի, պղտոր ջրում ձուկ և ֆլորայի ու ֆաունայի այլ ներկայացուցիչներ որսալու սիրահարների մեծամասնութուն կհայտնաբերենք: Մեծամասնություն, որը դժգոհ էր կեղծ ժողովրդավարությունից և հույս ուներ ձերբազատվել այդ «կեղծ» նախդիրից և ապրել ճիշտ, պիտանի ժողովրդավարության մեջ: Մեծամասնություն, որը հավատացել էր միֆերին և կեղծ գիտական մանտրաներին: Մեծամասնութուն, որին խաբելու ուղղությամբ աշխատում էր այն ժամանակվա ընդդիմության ստի ողջ արդյունաբերությունը:

Հասկանում եմ հեղափոխության անկեղծ հետևորդների ապատիան: Ձերբազատվելով կեղծ ժողովրդավարությունից՝ նրանք իրենք, առանց դա նկատելու, երկիրը բերեցին կեղծ բռնապետության: Արժեքներից հիասթափվելը միշտ ցավալի է եղել, իսկ ժամանակակից մարդու համար, որը սովոր է ինքնարտահայտման, որը տիրապետում է իրական և թվային ընկերների լայն շրջանակի, կրկնակի ցավալի է:

Ես մշտապես խոսակցություններ եմ լսում արտագաղթի մասին և հասկանում եմ, որ դա ևս բնական է: Արտագաղթի հետ կապված դժբախտությունն ահա թե ինչում է. մարդիկ, որոնք հուսախաբ են եղել և պատրաստ են շնորհակալություն հայտնել թեկուզ մտադրության համար, մեկ քայլի վրա են գտնվում նրանից, որ կեղծ բռնապետությունը ձերբազատվի «կեղծ» նախդիրից:

Ամենաողբերգականն այն է, որ կրկին նրանց օգնությամբ: Սակայն այս անգամ Նիկոլը և նրա ավազակախումբը կօգտագործեն ոչ թե նրանց գործողությունները, այլ նրանց անգործությունը և ապատիան: Իսկ նրանց հեռանալը վերջնականապես կազատի նրա ձեռքները:

Ամենից հեշտն այս պահին 3 տարի առաջ իրենց բարոյական գերազանցության մասին հիշեցնելն ու չարախնդալն է: Սակայն դա ճիշտ չէ, վախենամ, անգամ, որ հակաարդյունավետ է:

Ինձ թվում է` ավելի մարդկային է խնդրել նրանց մտածել: Տեսնել, թե ինչպես են ոստիկանները ծնկի բերում մի մարդու, որը հրդեհել է իր տունը, որպեսզի այն չհասնի ադրբեջանցիներին: Ինչպես են Մուամմար Փաշինյանի պահանջով հետապնդում անհնազանդ Գորիսի և Մեղրիի քաղաքապետներին, որոնք, զենքները ձեռքին, պաշտպանել են իրենց հողը: Ինչպես է Հրաչյա Հակոբյանը ծաղրում բերման ենթարկվածներին` արդարացնելով նրանց ստորացումը: Այդ ամենը կատարվում է ձեր աչքի առաջ: Այդ ամենը կատարվում է ձեր լուռ համաձայնությամբ:

Ես ձեզ չեմ պատմելու ժողովրդավարության մասին, որը դուք չեք ստացել: Ես զգուշացնում եմ ձեզ այն բռնապետության մասին, որը դուք հենց հիմա կառուցում եք` լուռ հետևելով այս ամբողջ ֆարսին:

Այս թեմայով Միքայել Մինասյանն ինձ խնդրեց դադարեցնել ընտրությունների արդյունքներին ու «Հայաստան» դաշինքին անդրադառնալը. Ես խոստացա, որ 14 օր կլռեմ «Հրապարակ». Ի՞նչ են քննարկել Վիկտոր Սողոմոնյանն ու Միքայել Մինասյանը Հիշենք՝ ինչ ձեռնարկեց հեղափոխական ուժը, լավագույն դեպքում ավարտվեց ձախողմամբ, առավել հաճախ՝ ողբերգությամբ. Մինասյան Նիկոլը պլանավորում է հայի արյունը թափել հայի ձեռքով. Միքայել Մինասյանը տեսանյութ է ներկայացրել Ձայնագրության հերոս դատավոր Վաչե/Հրաչ Մարգարյանը բավարարել է Միքայել Մինասյանին կալանավորելու միջնորդությունը. փաստաբան Այսօր ապացուցվեց, որ Հայաստանը ներկայացնում է ոչ թե գիժը, այլ գիժ ձևացողը. Միքայել Մինասյան Ալիևի հետ բանակցողն էլ ես, հետը լիֆտերում ու գաղտնի, ուղիղ կապերով խոսողն էլ ես, նարկաման տղուդ փոխանակող ես, զանգի փոխանակի, ի՞նչ ես շոու սարքում. Մինասյան Նիկոլը վերաբերվում է ուրիշի երեխաներին ոնց ուզում է, ինչպես իր սեփականություն. Մինասյան Տեսե՛ք և մի՛ մոռացեք մեր նորագույն պատմությունը. Միքայել Մինասյանը տեսանյութ է տարածել Էլ ո՞ր մայրն իր զավակին կնվիրի հայրենիքին, եթե որդու ոսկորներից «տոպրակ» են սարքում ու նկուղի հատակին գցում. Միքայել Մինասյան