Ի՞նչ չափանիշներով են զուգընկեր ընտրում կանայք և տղամարդիկ

Ամեն մարդ պոտենցիալ զուգընկերոջ նկատմամբ պահանջների իր ցուցակն ունի, յուրաքանչյուրն անհատական մոտեցում է դրսեւորում: Բայց ի՞նչն է առանցքային դեր խաղում կանանց կողմից տղամարդկանց գնահատման մեջ եւ հակառակը:  Այս մասին գրում է Style.news.am-ը` հղում անելով La viva.ru-ին:

Եթե խոսենք կարճաժամկետ հարաբերությունների մասին, կանայք այս դեպքում ավելի խիստ մոտեցում ունեն զուգընկերոջ ընտրությանը, քան տղամարդիկ: Այն կինը, որը մտադիր է ծանոթանալ տղամարդու հետ, նույնիսկ կարճաժամկետ սիրավեպի համար չի դավաճանում իր սկզբունքներին եւ շատ պահանջկոտ վերաբերմունք ունի իր զուգընկերոջ ընտրությանը:  Տղամարդիկ այդ առումով այնքան էլ խստապահանջ չեն, նրանք պատրաստ են զոհել իրենց սկզբունքները կարճաժամկետ սիրավեպի համար, բացի արտաքինին վերաբերող կետից:  

Ինչ վերաբերում է հետագա համատեղ կյանքի եւ ամուսնանալու համար զուգընկերոջ ընտրությանը, այդ առումով ինչպես կանայք, այնպես էլ տղամարդիկ շատ ընտրողական  են:  

Կանայք հակված են կյանքի ընկերոջ ընտրություն կատարել այնպիսի մեկի օգտին, որը համապատասխան կարգավիճակ ունի: Եթե կինը բարձր սոցիալական ծագում ունի, իր ընտրյալին էլ կտեսնի նման մարդկանց թվում: Ընդ որում, բոլորովին կարեւոր չէ, թե ինչ հարաբերություններ կձեւավորվեն նման մարդկանց միջեւ` ընկերական, կարճատեւ սիրավեպ, թե ամուսնական կյանք:   Այս հարցում տղամարդիկ տարբեր են: Որպես կանոն, ուժեղ սեռի ներկայացուցիչը, որը բարձր կարգավիճակ ունի, վիճակագրության համաձայն գերադասում է պակաս հաջողակ կնոջը: Սակայն ամուսնության հարցում ամեն ինչ տրամագծորեն հակառակն է:  

Բոլոր կանայք, առանց բացառության, ջանում են իրենց տղամարդու հետ հավասարը հավասարի պես լինել, իսկ ոմանք ջանում են նույնիսկ ցույց տալ իրենց կամային եւ ուժեղ բնավորությունը: Չնայած դրան, ընտանեկան մասնագետները պնդում են, որ կինն ավելի շուտ նախապատվությունը կտա քնքուշ եւ բարի ընտանեսերին, քան տիրական եւ համառ զուգընկերոջը: Կանանց համար հատուկ կարեւորություն ունեն արդար եւ առատաձեռն տղամարդիկ, որոնք չեն զիջում նույնիսկ գրավիչ եւ ապահովված տղամարդկանց: 

Զույգի ընտրության հարցում տղամարդիկ ելնում են սեփական բնավորությունից: Մեկն ուզում է ենթարկվող տնային տնտեսուհու տեսնել, մյուսները` հոգատար մայրիկի, երրորդներին գրավում է կնոջ իմաստնությունը: Կան նաեւ այնպիսիք, որոնց անփորձ զուգընկերուհի է անհրաժեշտ, որովհետեւ կարծում են, որ նման զուգընկերուհուն կարելի է դարձնել այնպիսին, ինչպիսին իրենք են ուզում:  

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել «Օրական 12-13 անգամ». Նատալյա Շտուրմն անկեղծացել է հայ տղամարդու հետ իր սիրավեպի մասին Տղամարդկանց զգուշացրել են երկար ժամանակ սեռական հարաբերություններ չունենալու վտանգների մասին Բժիշկը պատմել է, թե ինչպես կարելի է բարձրացնել տղամարդկանց ֆերտիլությունը Զույգը սիրով է զբաղվել ինքնաթիռում և բերման ենթարկվել Սեքսապաթոլոգը բացատրել է, թե ինչու են կանայք ընտրում մորուքով տղամարդկանց Երևանի կենտրոնում օտարերկրացու նկատմամբ սեքսուալ բնույթի բռնի գործողություններ են կատարվել Գիտնականներն նշել են ըմպելիքը, որը բարձրացնում է լիբիդոն Բրազիլացի երգչուհին բեմում սեքսով զբաղվելուց հետո հետաքննության օբյեկտ է դարձել