«Ժառանգությունը» պահանջում է դադարեցնել պառակտիչ գործողությունները ՀՀ քաղաքացիների հանդեպ

Նիկոլ Փաշինյանի ինքնիրավ նախընտրական քարոզարշավն արդեն ստեղծում է Հայաստանի կայունության եւ անվտանգության իրական սպառնալիքներ: Այս մասին հայտարարություն է տարածել «Ժառանգություն» կուսակցությունը:

Հայտարարությունում, մասնավորապես, ասվում է. «Չունենալով որեւէ օրինական, պաշտոնական որոշում Հայաստանի Հանրապետությունում արտահերթ խորհրդարանական ընտրություններ անցկացնելու՝ վարչապետը, ակներեւ չարաշահելով իր պաշտոնական դիրքը եւ վարչական հնարավորությունները, գնում է մարզից մարզ՝ սեր եւ բարեկամություն քարոզելու անվան ներքո, սակայն իրականում անհանդուժողականություն եւ հակամարտություն է առաջացնում իր քայլերով:

Հայաստանի սահմանները, պետության արտաքին եւ ներքին տնտեսական, սոցիալական պաշտպանունակությունը 44-օրյա պատերազմի ծանր պարտությունից հետո վերականգնելու փոխարեն՝ գործող վարչախումբը, տեսնելով հանրային վստահության ցածր աստիճանը, անիրավաչափ բռնություն եւ ուժ է կիրառում իր քաղաքացիների հանդեպ, որի ծայրակետը դարձավ Սյունիքում ձախողված ընտրարշավից հետո ձերբակալությունների եւ քաղաքացիների իրավունքների ոտնահարումների անընդունելի գործողությունը:

«Ժառանգություն» կուսակցությունը խոր մտահոգությամբ արձանագրում է, որ նոյեմբերի 9-ի զինադադարի հետո, երբ Ադրբեջանը չի դադարեցրել ուղղակի սպառնալիքները Հայաստանի եւ Արցախի հանդեպ, չի կատարել զինադադարի հայտարարությամբ նախատեսված կետերը, հայ գերիներին պատանդ է պահում, պարբերաբար գնդակոծում է ՀՀ ճանապարհները եւ խոչընդոտում ՀՀ ու Արցախի քաղաքացիների ազատ տեղաշարժի եւ կյանքի իրավունքը, ՀՀ ազգային անվտանգության եւ ոստիկանության բոլոր ուժերը պետք է ուղղվեն մեր պետության կենսական շահերի պաշտպանությանը եւ ոչ թե միայն մեկ անձի կամ նրա թիմի խնդիրների լուծմանը:

«Ժառանգությունը» պահանջում է դադարեցնել պատժիչ ու պառակտիչ գործողությունները ՀՀ քաղաքացիների հանդեպ, հարգել եւ պաշտպանել օրենքներն ու սահմանադրությունը: Այն վարչախումբը, որը պարտություններ եւ ձախողումներ է կրել արտաքին ու ներքին քաղաքականության մեջ, չի կարող դրանք չեզոքացնել ոստիկանական ուժերով. Հայաստանը ժողովրդավարական պետություն է»:

Այս թեմայով Վարդան Ղուկասյանը սկսում է փողոցային պայքար. ապրիլի 18-ից կլինեն կոնկրետ գործողություններ Հութիները գործողություններ են իրականացրել ԱՄՆ-ի, Իսրայելի և Բրիտանական նավերի դեմ Երևան քաղաքի՝ կարգազանց վարքով հայտնի բնակչի կողմից հանցավոր մի շարք գործողություններ կատարելու վարույթի նախաքննությունն ավարտվել է Մոսկվայում այդ ամենի հետևում կանգնած խմբավորումը փորձել է մի քանի գործողություններ կատարել նաև Ֆրանսիայում. Մակրոն Բերեք առաջ չընկնենք, բայց վստահ եմ՝ գործողություններ կլինեն. ՀՀ փոխվարչապետը՝ ադրբեջանցի մարդասպանին ազատ արձակելու մասին Քննչական գործողություններ՝ Էկոնոմիկայի նախարարության շենքում. ԱԱԾ-ն ձերբակալել է նախարարի տեղակալին «Forbes India»-ի հոդվածներից մեկում ներկայացվել է Հայաստանի մշակույթն ու ժառանգությունը Իրանը որևէ կողմի թույլ չի տա վտանգավոր գործողություններ իրականացնել սահմանին. ՊՆ ղեկավար Նաիրի Զարյան փողոցում 36-ամյա տղամարդը սեռական բնույթի բռնի գործողություններ է կատարել կնոջ նկատմամբ Նախնական վարկածով` հրդեհն առաջացել է հոսանքի տատանումից․ ԵՊՀ խոսնակ