Ռոնալդուն պատրաստ է աշխատավարձի կրճատման՝ «Մանչեսթեր Յունայթեդ» տեղափոխվելու համար
ՍպորտԹուրինի «Յուվենտուսի» ֆուտբոլիստ Կրիշտիանու Ռոնալդուն պատրաստ է կրճատել իր աշխատավարձը անգլիական «Մանչեսթեր Յունայթեդ» տեղափոխվելու համար, հաղորդում է Football Italia-ն՝ վկայակոչելով La Gazzetta dello Sport-ին:
36-ամյա Ռոնալդուի պայմանագրի ժամկետը «Յուվենտուսի» հետ կավարտվի 2022-ի հունիսին, բայց ֆուտբոլիստը մտածում է ակումբը լքելու մասին, քանի որ այս մրցաշրջանը նրա համար չի ստացվել, ինչպես պլանավորում էր:
«Մանչեսթեր Յունայթեդը» ֆինանսական խնդիրներ ունի։ Սա էր Սուպեր լիգային միանալու պատճառներից մեկը, որի նախագիծն ի վերջո դադարեցվեց: «Յուվենտուսի» հետ գործող պայմանագրով Ռոնալդուն տարեկան ստանում է 31 միլիոն եվրո: Պորտուգալացին պատրաստ է կրճատել աշխատավարձը, որպեսզի վերադառնա Մանչեսթեր, բայց չի համաձայնի տարեկան 20 միլիոնից պակաս աշխատավարձի: 2018-ի ամռանը Ռոնալդուն «Ռեալից» տեղափոխվեց «Յուվենտուս»։ Տրանսֆերի գումարը, ներառյալ բոլոր բոնուսներն ու միջնորդավճարները, կազմում էր 115 միլիոն եվրո: Մադրիդի «Ռեալից» առաջ նա խաղում էր «Մանչեսթեր Յունայթեդում»:
Այս մրցաշրջանում պորտուգալացին «Յուվենտուսի» կազմում անցկացրած 38 խաղում դարձել է 32 գոլի հեղինակ: