Նիկոլի անօրինությանը դիմակայելու իրական մեխանիզմները դատավորներն են, փաստաբաններն ու մարդու իրավունքների պաշտպանը․ Արմեն Գևորգյան

ՀՀ նախկին փոխվարչապետ Արմեն Գևորգյանը տելեգրամյան իր ալիքում գրում է․

«Նայում էի ոստիկանությունում ծեծի ու նվաստացման կադրերին, մտածում էի ՝ համազգեստով այս մարդիկ իսկապե՞ս ոստիկաններ են: Պարոնայք, ոստիկաններ, քննիչներ և դատախազներ, պատկերացրեք, որ հիմա Ձեր այսպես ասած կոլեգաները Ադրբեջանում հայ գերիերի հետ վարվում են նույն կերպ: Այդ դեպքում ասեք ինձ, ինչո՞վ եք տարբերվում:

Վերջին օրերի իրադարձություններն ինձ մոտ մեկ հարց է առաջացնում. Ինչպես են արեւմտյան դիվանագետները աշխատելու Հայաստանում Նիկոլից հետո: Ի վերջո, լուռ դիտարկումը, թե ինչպես է նա խախտում օրենքի և ժողովրդավարության բոլոր նորմերը, Հայաստանի ապագա իշխանություններին լիարժեք իրավունք կտա բացառել այդ թեմաները համագործակցության օրակարգից:

Wikileaks- ի հրապարակումներն այն մասին, թե ինչպես են արեւմտյան դիվանագետները 2008-2009 թվականներին պայքարել ընդդիմության իրավունքների համար, անընդհատ մեր աչքի առաջ կլինեն: Ես չէի կարծում, որ մարդու իրավունքները կարող են աշխարհաքաղաքական ծագում ունենալ: Ինձ թվում էր, որ դրանք համընդհանուր են, ինքնին արժեք են և միշտ կիրառելի:

Ասել եմ և ուզում եմ մեկ անգամ ևս հաստատել, որ այսօր Նիկոլի անօրինությանը դիմակայելու իրական մեխանիզմները դատավորներն են, փաստաբաններն ու մարդու իրավունքների պաշտպանը: Շնորհակալություն խիզախության և արժանապատվության համար»:

Այս թեմայով Կա՞ ըմբռնում, որ Ալիևի՝ «Վերականգնելու ենք Ղարաբաղը և Զանգեզուրը» կարգախոսը աղետի հստակ բաղադրատոմս է Դատարանը թույլատրեց Արմեն Գևորգյանին մեկնել Ստրասբուրգ Կոչ եմ անում Թուրքիայի ներկայացուցիչներին նույն ջանասիրությամբ լծվել Ցեղասպանությունը ճանաչելու գործին․ Արմեն Գևորգյան Հայաստանի նոր օրակարգը. Արմեն Գեւորգյան Խաղաղության հայկական մոդելի և ազգային ինքնիշխանության մասին. Արմեն Գևորգյան Հաագայում այս հայցը պետք է ընկալվի ոչ որպես ձևական գործընթաց. Արմեն Գևորգյան Արմեն Գևորգյանը հանդիպել է ՀՀ-ում ՌԴ դեսպան Սերգեյ Կոպիրկինի հետ Ալեն Սիմոնյանն Արմեն Գևորգյանի մասով հատուկ միջնորդել է դատարանին. «Հրապարակ» «Հարևանների հետ խաղաղություն չի կարող լինել, եթե չկա խաղաղություն սեփական երկրում» Մի քանի ժամ կարող եք բացակայել ԱԺ նիստից․ Դանիբեկյանը չընդունեց Արմեն Գևորգյանի խնդրանքը