Հայաստանը մեծապես գնահատում է պատերազմի օրերին Ֆրանսիայի որդեգրած սկզբունքային և անկողմնակալ դիրքորոշումը․ Միրզոյան

Հայաստանը մեծապես գնահատում է պատերազմի օրերին Ֆրանսիայի որդեգրած սկզբունքային և անկողմնակալ դիրքորոշումը: Այս մասին ասաց ՀՀ ազգային ժողովի նախագահ Արարատ Միրզոյանը՝ Ֆրանսիայի Հանրապետության Սենատի նախագահ Ժերար Լարշեի հետ համատեղ հայտարարությանը՝ հանդիպումից հետո:

Միրզոյանը նախ ասաց. «Այսօր մենք ոգեկոչում ենք 1.5 մլն հայերի հիշատակը, որոնք սպանվեցին միայն նրա համար, որ հայ էին և քրիստոնյա: Այսօր այդ իրադարձությունների 106-րդ տարելիցն է, թեև այդ իրադարձությունը մեկ տարով չի սահմանափակվել»:

Նա նշեց, որ այսօր նաև Ֆրանսիայի կողմից Հայոց ցեղասպանության պաշտոնական ճանաչման և դատապարտման  20-րդ տարեդարձն է՝ հիշեցնելով, որ այդ գործընթացը նախաձեռնել է Ֆրանսիայի այդ ժամանակվա նախագահ Ժակ Շիրակը: Միրզոյանը խորհդաշնական համարեց, որ Սենատի նախագահ Լարշեի պատվիրակության այցը Հայաստան տեղի է ունենում Արցախի և հայ ժողովրդի դեմ Ադրբեջանի կողմից Թուրքիայի բացահայտ աջակցությամբ սանձազերծված պատերազմից հետո: «Ուստի այս այցը մենք գնահատում ենք որպես համերաշխության և աջակցության հստակ ուղերձ՝ մեր բարեկամ Ֆրանսիայի կողմից նաև այս համատեքստում: Մենք մեծապես գնահատում ենք պատերազմի օրերին Ֆրանսիայի որդեգրած սկզբունքային և անկողմնակալ դիրքորոշումը»,-ասաց ԱԺ նախագահը:

Միրզոյանը հիշատակեց 2020-ի նոյեմբերի 25-ին ձայների աննախադեպ լայն աջակցությամբ ընդունված ԼՂ-ի ճանաչման անհրաժեշտության մասին պատմական բանաձևը: Սենատի այդ բանաձևին հաջորդել էր Ֆրանսիայի ԱԺ-ի ընդունած նմանատիպ բանաձևը: Միրզոյանը շնորհակալություն հայտնեց Սենատի նախագահին՝ բանաձևը Սենատի օրակարգում ներառելու համար, ապա դրական եզրակացություն տալու համար անվանապես շնորհակալություն հայտնեց Սենատի անդամներին, որոնք պատվիրակության կազմում էին:

Ըստ Միրզոյանի՝ այդ բանաձևի ընդունումն անկասկած կարևոր նշանակություն ունի ԵԱՀԿ Մինսկի խմբի համանախագահության ձևաչափի ամրապնդման հարցում, ինչպես նաև Արցախի միջազգային կարգավիճակի ճանաչման գործում՝ որպես արցախահայության անվտանգության կարևորագույն երաշխիք: «Այն նաև սթափեցնող ուղերձ է՝ ուղղված Թուրքիային և Ադրբեջանին, որտեղից հակահայ, հայատյաց, ռազմատենչ հայտարարությունները չեն դադարում առ այսօր»,-ասաց ԱԺ նախագահը:

Ֆրանսիայի Հանրապետության Սենատի նախագահ Ժերար Լարշեի գլխավորած պատվիրակության հետ հանդիպմանը ՀՀ ԱԺ-ում ընդգծվել է, որ քաղաքացիական անձանց և ռազմագերիների պահպանումը և նրանց քաղաքական սակարկությունների համար պատանդի վերածումն անընդունելի է և հակասում է բոլոր հնարավոր միջազգային իրավունքի նորմերին:

Ֆրանսիական պատվիրակության անդամները Հայաստան են ժամանել Հայոց ցեղասպանության 106-րդ տարելիցի միջոցառումներին մասնակցելու համար:

Այս թեմայով ՀՀ քաղաքացիներն ունեն եվրոպական ձգտումներ, Հայաստանի և ՌԴ–ի հարաբերություններում կան որոշ խնդիրներ․ Միրզոյան Միրզոյանը ողջունել է G7-ի արտգործնախարարների հայտարարությունները Հարավային Կովկասի վերաբերյալ Միրզոյանն ու Խալեդ ալ-Էնանին մտքեր են փոխանակել համագործակցության հեռանկարների շուրջ (տեսանյութ) Հայաստանը սահմանազատման բանակցություններում կարող է առաջնորդվել միայն լեգիտիմության հիմքերի վրա. Միրզոյան (տեսանյութ) Միրզոյանը Մարտին Վասալին ներկայացրել է Հայաստանի և Ադրբեջանի միջև վերջին շրջանի քննարկումները Միրզոյանը չի մասնակցելու Մինսկում կայանալիք ԱՊՀ ԱԳ նախարարների խորհրդի նիստին․ խոսնակ ՀՀ ժողովուրդն ունի եվրոպական ձգտումներ, և մենք կառաջնորդվենք այդ ձգտումներով․ Միրզոյան (տեսանյութ) «Սա կարևոր քաղաքական հայտարարություն էր, որի կարիքն իսկապես այսօր ունենք»․ Միրզոյան Բրյուսելյան հանդիպումը մեծ գործընթացի մի մասն էր․ Միրզոյանը մանրամասներ է ներկայացրել (տեսանյութ) Մեկ քայլով մոտենում ենք ՀՀ-ԵՄ Համապարփակ և ընդլայնված գործընկերության համաձայնագրի իրականացմանը․ Միրզոյան (տեսանյութ)