«Որտե՞ղ էիր, Ամերիկա, այս աշնանը. թեկուզ հոնքդ շարժե՞լ ես». Մարգարիտա Սիմոնյան

RT-ի գլխավոր խմբագիր Մարգարիտա Սիմոնյանը Տելեգրամի իր ալիքում քննադատել է ԱՄՆ նախագահ Ջո Բայդենի հայտարարությունը, որով նա ճանաչել է Օսմանյան կայսրությունում Հայոց ցեղասպանությունը:

Սիմոնյանը նշել է, որ ԱՄՆ-ն ավելի քան հարյուր տարի չէր ճանաչում իր ժողովրդի ցեղասպանությունը: «Չէր ճանաչում ակնհայտը: Չէր ճանաչում ճշմարտությունը: Չէր ճանաչում մարդկության պատմության ամենամեծ ողբերգություններից մեկը: Հիանալի իմանալով, որ նա՝ այդ ողբերգությունը, եղել է »,- ընդգծել է Սիմոնյանը:

Նա հավելել է, որ չճանաչելու պատճառը աշխարհաքաղաքական կոնյունկտուրան է եղել: Բայց երբ այդ կոնյունկտուրան փոխվեց, Վաշինգտոնը ստիպված էր ճանաչել ամեն ինչ: ԱՄՆ-ը հանդես չի եկել հանուն պատմական արդարության, իսկ արված հայտարարությունը պետք է դիտարկել որպես «ողորմություն»:

Սիմոնյանը կարծում է, որ ամերիկյան ղեկավարության իրական վերաբերմունքը հայերի նկատմամբ երեւում է Լեռնային Ղարաբաղի պատերազմի հանդեպ Վաշինգտոնի վերաբերմունքից։ «Որտե՞ղ էիր, Ամերիկա, այս աշնանը: Թեկուզ հոնքդ շարժե՞լ ես»,- հարցնում է լրագրողը: Սիմոնյանը հավելել է, որ, ըստ էության, չկա ԱՄՆ-ի որեւէ վերաբերմունք հայերի նկատմամբ` ոչ լավ, ոչ վատ:

Թուրքիայի հետ ԱՄՆ-ի հարաբերությունները «վերամբարձ են»,- գրել  է Սիմոնյանը: Ցեղասպանության այս ճանաչումը հետագայում կարող է կարեւոր դեր ունենալ: «Բայց հայերը պարզապես փոքր զենք են ԱՄՆ-ի համար: Զենքերից մեկը: Որը կարելի է հարյուր տարի պահել պահեստում, եւ կարելի է հանել անհրաժեշտ պահին»,- նկարագրել է նա ամերիկացի քաղաքական գործիչների մոտեցումը:

Սիմոնյանը հավելել է, որ Հայոց ցեղասպանության ոգեկոչման օրը աղոթում է իր նախնիների հոգիների հանգստության համար: Իսկ ահա Բայդենը դրա հետ ոչ մի կապ չունի:

Նաև նաև հավելել է «Ահա Ղրիմը ճանաչեք` կխոսենք: Եթե դուք արդարության կողմնակից եք»

Այս թեմայով Հայ ժողովրդի դավաճանն անուն ու ազգանուն ունի, որն սկսվում ու ավարտվում է «ն» տառով. Մարգարիտա Սիմոնյան Քեոսայանը խոստացել է այցելել Ղազախստան առանց իշխանությունների թույլտվության՝ չնայած մուտքի արգելքին «Ալյոնա Խմելնիցկայան մեղավոր չէ, որ ես հանդիպեցի իմ սիրելի Մարգարիտային»․ Տիգրան Քեոսայան Մարգարիտա Սիմոնյանը կրկին հիշել է Լեռնային Ղարաբաղը Այս տրամաբանությամբ հայերը նույնպես կարող էին վրդովվել. Մարգարիտա Սիմոնյանը` Կադիրովին Կովկասցիներին շուտով ցույց կտան, թե «ով է շեֆը Մոսկվայում». Մարգարիտա Սիմոնյան «Սա պատերազմ է». Մարգարիտա Սիմոնյանը պահանջներ է ներկայացրել Ռուսաստանի իշխանություններին Մարգարիտա Սիմոնյանը ընդգրկվել է երկրի բիզնես֊լիդերների ցուցակում ԱՄՆ֊ն պատժամիջոցներ է սահմանում Մարգարիտա Սիմոնյանի և Վլադիմիր Սոլովյովի դեմ Դադարել եմ ծննդաբերել. Մարագարիտա Սիմոնյանը նիհարել է 19 կգ-ով (տեսանյութ)