Այվազյանը հույս հայտնեց, որ միջազգային գործընկերները կարձագանքեն Արցախին օգնելու մարդասիրական կոչին

ՀՀ արտաքին գործերի նախարարի պաշտոնակատար Արա Այվազյանն արձանագրեց, որ պատերազմի ավարտից շուրջ կես տարի անց էլ Արցախում առկա են հումանիտար խնդիրներ, և հույս հայտնեց, որ միջազգային հանրությունը կարձագանքի Արցախի օգնելու մարդասիրական կոչին:

Այս մասին Այվազյանն ասաց հրավիրված մամուլի ասուլիսի ընթացքում:

«Մինչ օրս լիարժեք լուծում չեն ստացել Լեռնային Ղարաբաղի հակամարտության համատեքստում հրատապ հասցեագրում պահանջող հարցերը, առաջին հերթին` ռազմագերիների և պատանդների կարգավիճակում պահվող քաղաքացիական անձանց անհապաղ հայրենադարձումը: Հայաստանն, անշուշտ, Արցախի մեր եղբայրների և քույրերի կողքին է` Արցախում առաջացած հումանիտար աղետի հասցեագրման հարցում, սակայն այստեղ մենք նաև միջազգային հանրության աջակցության կարիքն ունենք: Լիահույս եմ, որ մեր միջազգային գործընկերները կարձագանքեն մարդասիրական կոչին, ինչը նաև կարևոր ներդրում կլինի` մեղմելու 44-օրյա պատերազմի հետևանքները»,- ասաց Այվազյանը:

Անդրադառնալով Լիտվայի արտաքին գործերի նախարար Գաբրիելյուս Լանդսբերգիսի` Հայաստան կատարած այցին՝ ԱԳ նախարարի պաշտոնակատարը նշեց, որ Հայաստանը և հայ ժողովուրդը բարձր են գնահատում ցեղասպանության հանցագործության կանխարգելման օրակարգում Լիտվայի ունեցած կարևոր ներդրումը:

«Ցավով պետք է արձանագրենք, որ միջազգային հանրության կողմից գործադրվող ջանքերին զուգահեռ, մենք այսօր կրկին բախվում ենք ծայրահեղականության, մարդու իրավունքների և միջազգային մարդասիրական իրավունքի նորմերի կոպիտ խախտումների, մարդկային կյանքի և արժանապատվության ոտնահարման արհավիրքին, ինչի ծայրահեղ դրսևորումը դարձան 2020թ. սեպտեմբերի 27-ին Թուրքիայի անմիջական մասնակցությամբ, այս անգամ Արցախի հայության դեմ սանձազերծված ադրբեջանական ռազմական ագրեսիան, իրականացված պատերազմական հանցագործություններն ու վայրագությունները և դրանց հետևանքով առաջացած հումանիտար-ճգնաժամային իրավիճակը»,- նշեց Արա Այվազյանը:

Այս թեմայով Իմ պաշտոնավարման ժամանակ ԱԳՆ դիրքորոշումը էապես տարբերվում էր այսօրվա վիճակից. Արա Այվազյանն Ազատության հրապարակում է «Հրապարակ». ԱԳՆ-ում հերթական սկանդալն է հասունանում Չեմ կարծում, որ ունենք իրավիճակ, որտեղ նման խնդիր կա. Գրիգորյանը՝ Այվազյանի հայտարարության մասին «Հրապարակ». Հրաժարական՝ երրորդ փորձից Արա Այվազյանը ՀՀ-ում Հնդկաստանի դեսպանի հետ քննարկել է Հայաստանի սահմանամերձ մարզերում ստեղծված իրավիճակը Արա Այվազյանը հանդիպել է Իրանի ԱԳ նախարար Մոհամմադ Ջավադ Զարիֆի հետ Այս պայմաններում մեր տարածաշրջանային գործընկերների հետ երկխոսությունն առավել քան կարևոր է. Արա Այվազյանը՝ Զարիֆին Արա Այվազյանը հանդիպել է ՀՀ-ում ԵԽ գրասենյակի նորանշանակ ղեկավար Մարտինա Շմիդտի հետ «Ադրբեջանը մինչ օրս շարունակում է իրագործել միջազգային մարդասիրական իրավունքի խախտումներ». Այվազյանի ելույթը ԵԽ Նախարարների կոմիտեի 131-րդ նստաշրջանին «Հրապարակ». Արա Այվազյանը հրաժարական է տալիս