Ռուսաստանը «Սպուտնիկ V»-ի առաջին խմբաքանակն է ուղարկել Լեռնային Ղարաբաղ

«Լազարեւյան ակումբը» «Սպուտնիկ V»-ի առաջին խմբաքանակն է ուղարկել Լեռնային Ղարաբաղ` բնակչությանը պատվաստելու համար: Ապրիլի 26-ին Մոսկվայից Երեւան է ուղարկվել ռուսական «Սպուտնիկ V» պատվաստանյութի 7500 կրկնակի դեղաչափ՝ Լեռնային Ղարաբաղի բնակչության համար, որը գտնվում է ռուսական խաղաղապահ զորախմբի պատասխանատվության գոտում:

Այս մարդասիրական ակցիան ձեռնարկվել է Ռուսաստանի կառավարության կողմից` միջազգային ռուս-հայկական «Լազարեւյան ակումբի» նախաձեռնությամբ եւ ֆինանսական աջակցությամբ: «Այս տարվա հունվարին Պետդուման կողմ քվեարկեց Ռուսաստանի Դաշնության կառավարությանը դիմելու իմ առաջարկությանը` «թեժ կետերում», այսպես կոչված, «չճանաչված պետություններում»՝ Մերձդնեստրում ԴԺՀ-ում, LԺՀ-ում եւ Լեռնային Ղարաբաղում քաղաքացիական բնակչությանը պատվաստելու հարցում օգնելու համար»,- ասել է «Լազարեւյան ակումբի» համակարգող, Պետդումայի պատգամավոր Կոնստանտին Զատուլինը:

«Այսօր մենք՝ ՄՊՀ բժշկական կենտրոնի տնօրեն, ակադեմիկոս Կամալովի հետ միասին, Երեւան ենք ուղարկել մի չվերթ, որից, մեր հանձնարարությամբ, Ռուսաստանի կառավարության կողմից հատկացված եւ «Լազարեւյան ակումբի կողմից գնված պատվաստանյութը» կուղարկվի անմիջապես Ստեփանակերտ՝ ռուս բժիշկներին, ովքեր արդեն խաղաղապահ զորքերի պատվաստման փորձ ունեն: Ուզում եմ շնորհակալություն հայտնել նրանց, ովքեր մասնակից են այս պատվաբեր գործողությանը՝ Ռուսաստանի նախագահի աշխատակազմի ղեկավարի տեղակալ Դմիտրի Կոզակին, ՌԴ կառավարության փոխվարչապետ Տատյանա Գոլիկովային, Արմայիս Կամալովին, Սամվել Կարապետյանին, Սերգեյ Համբարձումյանին, Կամո Ավագումյանին եւ «Լազարեւյան ակումբից» մնացած բոլոր նվիրատուներին։

Ակցիային աջակցություն է ցուցաբերում ԼՂՀ նախկին նախագահ Բակո Սահակյանը: Այս նպատակով միջոցները տնօրինելու նախաձեռնությամբ են հանդես եկել նաեւ Լեռնային Ղարաբաղի նախկին նախագահներ Ռոբերտ Քոչարյանը եւ Արկադի Ղուկասյանը:

Այս թեմայով «Տոսպան» դատի է տվել ՀՌՀ-ին՝ կապված «Սպուտնիկ Արմենիայի» հեռարձակման սահմանափակման հետ. «Փաստ» «Սպուտնիկ Արմենիա»-ի նկատմամբ ՀՌՀ կողմից կիրառված տույժն ակնհայտորեն անհամաչափ է եղել. ՀԺՄ Հայաստանում արտադրված «Սպուտնիկ Լայթ»-ն արդեն կիրառության մեջ է. կօգտագործվի որպես խթանիչ դեղաչափ Սան Մարինոյում որպես խթանիչ դեղաչափ կիրառվելու է «Սպուտնիկ Լայթը» Հայաստանը մտադիր է իր արտադրած «Սպուտնիկ Լայթ» պատվաստանյութն առաջիկայում արտահանել ԱՀԿ-ն վերսկսել Է «Սպուտնիկ V» պատվաստանյութին շտապ կիրառման համար հավանություն տալու ընթացակարգը Հայաստանում կարտադրվի «Սպուտնիկ Լայթ» պատվաստանյութ «Ժողովուրդ». Պոլիկլինիկաներում «Սպուտնիկ-V» պատվաստանյութ չկա Հանրապետությունում կատարվել է 108 հազար 107 պատվաստում «Սպուտնիկ-V»-ով պատվաստման տարիքային շեմը հանվել է