Նրանց հայտնաբերման միջոցառումներին ներգրավվեցին ոստիկանության Երեւան քաղաքի վարչության ու Շենգավիթի բաժնի քրեական հետախույզները, ինչպես եւ ոստիկանության այլ ստորաբաժանումների ծառայողներ։ Նախ ապրիլի 20-ին բերման ենթարկվեցին 27 եւ 30 տարեկան երկու տղամարդիկ՝ երկուսն էլ մայրաքաղաքի բնակիչ։
Նրանց խուզարկությամբ հայտնաբերվեցին մեթամֆետամինի եւ մարիխուանայի նմանվող զանգվածներ։ Նույն օրը, մեքենայով հանդերձ, բերման ենթարկվեց նաեւ 26-ամյա մի երիտասարդ՝ դարձյալ Երեւանի բնակիչ։ Նրա խուզարկությամբ եւս մեթամֆետամին հայտնաբերվեց։ Մեթամֆետամին կար նաեւ երիտասարդի մեքենայում։
Հաջորդ օրը հայտնի դարձավ, որ բերման ենթարկվածներին թմրամիջոցն իրացրել էր Նուբարաշենում հաշվառված 36-ամյա մի տղամարդ, որը նույն թաղամասի բնակիչ 39-ամյա ընկերոջ հետ ապրիլի 21-ի գիշերը հայտնաբերվեց ու բերման ենթարկվեց։
Նրանց խուզարկությամբ հայտնաբերվել են փամփուշտներով գազային ատրճանակ ու մեթամֆետամինի նմանվող զանգվածներ։
Հարուցված քրեական գործի շրջանակներում, դատարանի որոշմամբ, իրավապահները խուզարկեցին նաեւ 36-ամյա տղամարդու բնակարանը՝ հայտնաբերելով 100 գրամից ավելի մեթանֆետամինի նմանվող զանգված։
Նշանակվել են փորձաքննություններ։ Բերման ենթարկվածներից չորսը ձերբակալվել է։ Օպերատիվ-հետախուզական միջոցառումները շարունակվում են։