Պատգամավոր Ծովինար Վարդանյանը պատվաստվել է կորոնավիրուսի դեմ «AstraZeneca» պատվաստանյութով

Ազգային ժողովի «Իմ քայլը» խմբակցության պատգամավոր Ծովինար Վարդանյանը պատվաստվել է կորոնավիրուսի դեմ «AstraZeneca» պատվաստանյութով: «Արմենպրես»-ի հետ զրույցում պատգամավորը նշեց, որ պատվաստվել է կամավոր, իր ցանկությամբ:

Հարցին, թե ինչո՞ւ է պատգամավորի կողմից ընտրվել հենց «AstraZeneca» պատվաստանյութը, հաշվի առնելով տեղական և միջազգային մամուլում առկա բացասական կարծիքներն ու այդ պատվաստանյութից մահացության մասին հրապարակումները, Վարդանյանը նշեց, որ պատվաստանյութի ընտրությունը կատարվել է հենց այդ շահարկումներին պատասխանելու պատճառով:

«Քանի որ ուսումնասիրել եմ տեղական և միջազգային հրապարակումները, կարող եմ ասել, որ դրանք իսկապես շահարկումներ են: Բացի այն, որ ուսումնասիրություն եմ կատարել, նաև խորհրդակցել եմ բժիշկների հետ, նրանք էլ վստահեցրել են, որ խնդիր չկա»,- ասաց Վարդանյանը:

Ծովինար Վարդանյանը հայտնեց, որ տեղեկություն ունի նաև այլ պատգամավորների պատվաստվելու մտադրության մասին, սակայն չգիտի՝ կան արդեն պատվաստված այլ պատգամավորներ, թե ոչ:

Ծովինար Վարդանյանը պատվաստանյութի առաջին ներարկումը ստացել է ապրիլի 26-ին, իսկ երկրորդը պետք է ստանա հաջորդող 8-12 շաբաթների ընթացքում:

Ապրիլի 26-ին Հայաստան է ներկրվել ռուսական «Sputnik-V» պատվաստանյութի նոր խմբաքանակ` 14000 անձի համար (առաջին բաղադրիչը): 

Մարտի 28-ին «COVAX FACILITY» նախաձեռնության միջոցով Հայաստան էր ներկրվել կորոնավիրուսային հիվանդության (COVID-19) դեմ  «AstraZeneca» ընկերության պատվաստանյութի առաջին խմբաքանակը` 24 000 դեղաչափ: Իսկ  ապրիլի 8-ին ներկրվել էր «Sputnik-V» պատվաստանյութի առաջին խմբաքանակը՝ 15 000 դեղաչափ` 7500 անձի համար։  

COVID-19-ի դեմ պատվաստումները շարունակվում են հանրապետության ամբողջ տարածքում, առաջնային օղակում ռիսկի խմբում գտնվող անձանց համար` շաբաթվա բոլոր օրերին։

ՀՀ-ում ինչպես բոլոր, այնպես էլ COVID-19-ի դեմ պատվաստումներն իրականացվում են միայն կամավորության սկզբունքով:

Այս թեմայով Մենք մշտապես կարևորում ենք հայ-ֆրանսիական խորհրդարանական հարաբերությունների զարգացումը․ Վարդանյան «Մեկի քթից արյուն էկավ, պատասխանը տալու ես», «Դու ԱԺ պատգամավոր ես, հեռու գնա». բողոքի ակցիա (տեսանյութ) Պատգամավոր Գառնիկ Դանիելյանը ուշագնաց էր եղել, բուժօգնություն է տրամադրվում. Տավուշում գերլարված է Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան Մենք պետք է պատրաստվենք միասնական պայքարի` հանուն Հայրենիքի փրկության և հզորացման. «Միասնություն» համազգային շարժում Խաղաղության Նոբելյան մրցանակը միջազգային օգնություն կդառնա Ռուբեն Վարդանյանի ազատ արձակման գործում. Սահակյան Երբեք չեմ դադարեցնի պայքարը, որպեսզի Ցեղասպանության ժխտումը չհանգեցնի դրա կրկնությանը․ ԵԽ ֆրանսիացի պատգամավոր Հայոց Ցեղասպանությունը պարզապես անցյալի ողբերգություն չէ, այն շարունակական իրականություն է. ԵԽ գերմանացի պատգամավոր Տավուշում չեք կարող ցույց տալ որևէ տարածք, որը զիջվելու է Ադրբեջանին. Վլադիմիր Վարդանյան (տեսանյութ) Տարածքների փոխանակման մասին խոսակցությունները հիմք չունեն. ՔՊ պատգամավոր, Նիկոլ Փաշինյանի քավոր Վահե Ղալումյան