Գարիկ Սարգսյանը «մատնում» է բյուջեի դատարկությունը. ի՞նչ գույք է հանվել վաճառքի

Արարատի նախկին մարզպետ, այժմ Պետգույքի կառավարման կոմիտեի նախագահ Գարիկ Սարգսյանի պաշտոնավարման մի քանի ամիսների ընթացքում այս կառույցը մամուլի ուշադրության կենտրոնում է հայտնվել միայն կադրային ջարդերի և ահռելի չափի հասնող պետական գույքի վաճառքի առիթներով: Բանն այն է, որ վերջին ամիսներին բավական լայն տեմպերի է հասել պետական գույքի վաճառքը, ինչը որոշակի տարակուսանք է առաջացնում` հատկապես հաշվի առնելով իշխանությունների հավաստիացումները, որ բյուջեն լցնելու խնդիր կառավարության առջև դրված չէ:

Բանը հասել է նրան, որ վաճառվում են «Երևանի Գուրգեն Մարգարյանի անվան թիվ 94 ավագ դպրոց» ՊՈԱԿ-ի հիմնանորոգման արդյունքում առաջացած երկշերտ  պատուհանները, «Հայաստանի ազգային պատկերասրահ» ՊՈԱԿ-ին անհատույց օգտագործման իրավունքով տրամադրված Երևան քաղաքի  Արամի փողոցի թիվ 1 հասցեում գտնվող շենքի ապամոնտաժված գույքը, «Գ. Սունդուկյանի անվան ազգային ակադեմիական թատրոն» ՊՈԱԿ-ի կաթսայատնից  ապամոնտաժված նախկինում օգտագործված սարքավորումները, ՀՀ ազգային անվտանգության ծառայության պետական պահպանության ծառայությանն ամրացված «ԼԵՔՍՈՒԶ LX 570»-ը, ՀՀ վարչապետի աշխատակազմին ամրացված գույքը՝ 1/ գայլիկոնման ուղղահայաց հաստոց ՏՈՒ-200, «Վաղարշապատի Մ.Գորկու անվան թիվ 5 ավագ դպրոց» ՊՈԱԿ-ի շենքի հիմնանորոգման արդյունքում ապամոնտաժված շինարարական նյութերը, «Հայաստանի ազգային պատկերասրահ» ՊՈԱԿ-ին անհատույց օգտագործման իրավունքով տրամադրված Երևան քաղաքի  Արամի փողոցի թիվ 1 հասցեում գտնվող շենքի ապամոնտաժված գույքը: Բացի այդ, Պետական գույքի կառավարման կոմիտեն վաճառքի է հանել Գորիսում բացառիկ նշանակություն ունեցող  պատմական շենքերից մեկը։ Գորիսի ուսուցչի տան շենքը դեռեւս 1950 թվականին եղել է էքսկուրսիայի պետական ծառայության շենքը, հետո դարձել է առաջնորդարան, ավելի ուշ Գորիսի ուսուցիչների տունն է եղել։

Ինչպես տեսնում ենք, Սարգսյանն ակտիվորեն լծվել է պետական գույքի վաճառքին` առանց նույնիսկ ուսումնասիրելու այդ գույքի պատմական նշանակությունը, իսկ սա խոսում է միայն մեկ բանի մասին, որ պետական բյուջեում առաջացած անցքերը իշխանությունները փորձում են փակել պետական գույքի տոտալ վաճառքի միջոցով` չխորանալով անգամ, թե ինչ են վաճառում և ում...

Այս թեմայով Սերժ Սարգսյանը մասնակցում է Ցեղասպանության զոհերի հիշատակը հավերժացնող ջահերով երթին Ոչ ոք չի կարող Հայոց ցեղասպանությունը կասկածի տակ առնել․ Սերժ Սարգսյան Ես իրատեսական եմ համարում Նիկոլ Փաշինյանի հեռացումը. Սերժ Սարգսյան (տեսանյութ) Վլադիմիր Կազիմիրովի մեծագույն ցանկությունն էր խաղաղության մեջ տեսնել Լեռնային Ղարաբաղը․ Սերժ Սարգսյան Ոսկեպարի բնակիչները հայտարարել են, որ Փաշինյանն իրենց այլ բան էր խոստացել․ Ոսկան Սարգսյան Հայաստանի ու Սաուդյան Արաբիայի միջև 30 տարվա դադարից հետո հաստատվեցին դիվանագիտական կապեր․ Սարգսյան Դաշնակցական Գագիկ Սարգսյանը կշարունակի մնալ կալանավորված. 5 ՔՊ-ական տուժող է ճանաչվել ՀՀ-ն հայտնվեց տերությունների նման դիմակայության արդյունքում ձևավորված մահացու իրավիճակի կենտրոնում. Մանվել Սարգսյան Հասունացել է Հայաստանի և Չինաստանի միջև համագործակցությունը ռազմավարական մակարդակի բարձրացնելու պահը. Սերժ Սարգսյան Չի կարելի ինքնապաշտպանություն կազմակերպել. հիմա 90-ականների սկիզբը չի. Սերժ Սարգսյան (տեսանյութ)