Մարալ Նաճարեանը նոր անձնագիր ստանալու համար գրավոր դիմում չի ներկայացրել․ պարզաբանում

Համացանցում տարածված «Մարալ Նաջարյանին անձնագիր չեն տալիս» վերտառությամբ հրապարակումների վերաբերյալ ոստիկանությունը տեղեկացնում է, որ ո՛չ Մարալ Նաճարեանը, ո՛չ նրա կողմից լիազորված որևէ անձ ՀՀ ոստիկանության անձնագրային և վիզաների վարչություն կամ տարածքային ստորաբաժանումներ Մարալ Նաճարեանին նոր անձնագիր տրամադրելու վերաբերյալ գրավոր դիմում չեն ներկայացրել, պարզաբանում են ոստիկանությունից։

«Միաժամանակ հարկ է նշել, որ «ՀՀ քաղաքացու անձնագրի մասին» ՀՀ օրենքով և ՀՀ կառավարության 25.12.1998 թ. թիվ 821 որոշմամբ հստակ սահմանված է անձնագիր ստանալու համար Հայաստանի Հանրապետության քաղաքացիների կողմից անձամբ դիմելու պահանջ։

Քաղաքացին անձնագիր ստանալու մասին դիմում ներկայացնում է Հայաստանի Հանրապետությունում՝ ոստիկանություն, օտարերկրյա պետությունում՝ Հայաստանի Հանրապետության դիվանագիտական ներկայացուցչություն կամ հյուպատոսական հիմնարկ։
Տպագրված անձնագիրը քաղաքացին կարող է ստանալ ինչպես անձամբ, այնպես էլ լիազորված անձի միջոցով։ Լիազորագիրը նոտարական կարգով վավերացում չի պահանջում։

Մարալ Նաճարեանը ՀՀ քաղաքացու նոր անձնագիր ստանալու համար կարող է անձամբ դիմել ինչպես ՀՀ ոստիկանության ԱՎ վարչություն կամ տարածքային ստորաբաժանումներ, այնպես էլ օտարերկրյա պետություններում ՀՀ ցանկացած դիվանագիտական ներկայացուցչություն, այդ թվում՝ Լիբանանի (նստավայրը՝ Բեյրութ) ՀՀ դեսպանություն։

Հորդորում ենք չկատարել ո՛չ հիմնավոր, ո՛չ հավաստի հայտարարություններ և անհիմն չշահարկել պատերազմի հետևանքով զրկանքներ ու կորուստներ կրած մեր հայրենակիցների այս կամ այն խնդիրները՝ ոստիկանության որևէ ստորաբաժանման աշխատանքը թիրախավորելու եւ ոչ բարենպաստ լույսի ներքո ներկայացնելու համար»-նշված է հայտարարության մեջ։

Այս թեմայով Ավտովթարի հետևանքով տուժած Մարալ Նաջարյանը մանրամասներ է հայտնել իր առողջական վիճակի մասին Խոշոր վթար Երևանում. տուժածների մեջ է գերությունից փրկված Մարալ Նաջարյանը Մարալ Նաջարյանը հայկական նոր անձնագիր, աշխատանք և Գառնիում հողամաս է ստացել (տեսանյութ) ԱՀ ՄԻՊ-ը հեռախոսազրույց է ունեցել Մարալ Նաջարյանի հետ Գերությունից վերածնված Մարալն ասում է. «Հույսը երբե՛ք մի կորցրեք» Լիբանանի նախագահն ընդունել է գերությունից ազատ արձակված Մարալ Նաջարյանին Մարալ Նաջարյանը խոստովանել է՝ մի քանի անգամ փորձել է ածելիով վերջ տալ կյանքին (տեսանյութ) Շոկային վիճակում է, դեռ չի հասկանում՝ ինչ է կատարվում շուրջը. նոր մանրամասներ՝ գերությունից վերադարձած Մարալ Նաջարյանից Հաճախ պատկերները ավելին են քան խոսքերը (լուսանկարներ) «Ձեր անտարբերության պատճառով է, որ սրանք ինչ ուզում անում են ու մենք դեռ վագոնով գերիներ ունենք»