«Պարի Սեն Ժերմենը» Մեսսիին «2 + 1» պայմանագիր է առաջարկել
ՍպորտՖրանսիական «Պարի Սեն Ժերմենը» «Բարսելոնայի» խաղացող Լիոնել Մեսսիին երկու տարվա պայմանագիր է առաջարկել՝ ևս մեկ մրցաշրջան երկարաձգելու տարբերակով, - Թվիթերում հաղորդում է TNT Sports-ի լրագրող Մարսելո Բեխլերը: «ՊՍԺ»-ն գտնում է, որ իրենց առաջարկը տնտեսապես անհասանելի է մրցակիցների համար: «Բարսելոնան» շատ առաջընթաց չի գրանցել Մեսսիի հետ բանակցություններում՝ ակումբի վրա կորոնավիրուսային համաճարակի ֆինանսական ազդեցության պատճառով: Արգենտինացին ինքը կենտրոնացած է միայն մրցաշրջանի ավարտի վրա և մինչ այդ պահը մտադիր չէ որևէ առաջարկ դիտարկել: «Բարսելոնայի» հետ 33-ամյա հարձակվողի պայմանագրի ժամկետը լրանում է 2021 թվականի հունիսին: