Գեղարքունիքի մարզում լիքը աշխատատեղ կա, գնացեք, աշխատեք. Վահան Քերոբյանը՝ նախարարության կրճատված աշխատակիցներին
ՀասարակությունԳյուղնախարարությունը լուծարվեց հասկացանք, միացավ էկոնոմիկայի նախարարությանը, չնչին մարդկանց թվաքանակ թողնելով, ամբողջ մարզի բաժնում թողել եք 8 կամ 9 հոգի, հիմա՝ կրճատելով թողել եք 3 հոգի։ Այս մասին այսօր՝ ապրիլի 29-ին, կառավարության շենքի դիմաց ակցիայի ժամանակ ասաց ակցիայի մասնակից Սարիբեկ Դալլաքյանը:
«Դուք պատկերացնում եք 3 հոգի ամբողջ Գեղարքունիք մարզում, որն ունի 92 համայնք։ Ձեզ սպասելուց այս կես ժամվա ընթացքում 10 զանգ եմ ստացել ֆերմերներից, գյուղացիներից, որոնք դիմում են տարբեր հարցերով։ Հիմա խնդրում եմ պարզաբանեք՝ ունենք և′ տարիքային, և′ երիտասարդ աշխատողներ. հիմա դուք 69 ընտանիքի հացազուրկ եք անում ձեր կառավարության որոշման հիման վրա և խնդրում եմ, որ նույնը լսի նաև պարոն Փաշինյանը՝ ինչպե՞ս է 69 ընտանիք ապրելու»,- ասաց ակցիայի մասնակիցը:
«Իմ արած գործողությունը որևէ կոնկրետ մարդու դեմ չի, ճիշտ է արանքում ինչ-որ բաներ են լինում և էտ 69 ընտանիքի աշխատավարձը տալիս է 6000 հազար աշխատող, որոնք մեզ հարկեր են վճարում նրանք ուզում են, որ այս կառավարությունը արդյունավետ աշխատի։ Մենք հիմա պետք է նախնադարյան մեթոդներով աշխատենք, այսինքն ցանկացած արտադրողականության բարձրացմանը ուղղված գործողություն նշանակելու է այսօրվա աշխատատեղի կրճատում և էտ աշխատատեղի փոխարեն ստեղծվելու են նոր աշխատատաեղեր»,- նշեց Քերոբյանը:
Էկոնոմիկայի նախարարը դիմելով նախարարությունում կրճատված աշխատակիցներին ասաց. «Գեղարքունիքի մարզում լիքը աշխատատեղ կա, գնացեք, աշխատեք»: