Կարեն Կարապետյանին քննադատող Փաշինյանը բռնել է նրա ուղին

Ապրիլի 25-ին Նիկոլ Փաշինյանը հրաժարական ներկայացրեց, բայցև իր ուղերձում նշեց, որ մինչև նոր կառավարության ձևավորումն ինքը շարունակելու է իրականացնել ՀՀ վարչապետի լիազորությունները՝ որպես վարչապետի ժամանակավոր պաշտոնակատար։ Այս հանգամանքը հասարակության շրջանում բուռն քննարկումների առիթ տվեց, քանի որ 2018 թվականին Հանրապետության հրապարակի հարթակից հենց Նիկոլ Փաշինյանը, քննադատելով Կարեն Կարապետյանին,  հայտարարել էր. «Կարեն Կարապետյանը իրեն հռչակել է Հայաստանի Հանրապետության վարչապետի ժամանակավոր պաշտոնակատար, այսօր իրավաբանները, վերլուծելով Հայաստանի օրենսդրությունը, արձանագրել են, որ վարչապետի հրաժարականի պարագայում չի կարող լինել վարչապետի ժամանակավոր պաշտոնակատար, հետևաբար Կարեն Կարապետյանը ոչ թե վարչապետի ժամանակավոր պաշտոնակատար է, այլ առաջին փոխվարչապետի ժամանակավոր պաշտոնակատար»,- ասել էր Նիկոլ Փաշինյանը: Մամուլում սկսվեց քննարկվել նաև այլ հարց՝ վարչապետի ԺՊ-ն չի կարող օգտվել վարչապետի արտոնություններից՝ ինքնաթիռներից, առանձնատներից և այլ առավելություններից: Նշենք, որ երեկ Նիկոլ Փաշինյանը անձնական ինքնաթիռով մեկնել էր Կազան և դեռ շարունակում է բնակվել կառավարական առանձնատանը: 

Անդրադառնալով այս թեմային փաստաբան Երվանդ Վարոսյանը  ԼՈՒՐԵՐ.com-ի հետ զրույցում կարծիք հայտնեց՝ Նիկոլ Փաշինյանը իրավունք չուներ ԺՊ նշանակվելու. «Ներկա իշխանությանը երբեք էլ չի հետաքրքրել օրենսդրական և սահմանադրական կարգավորումները, այս պարագայում էլ, եթե նրանց քաղաքական հաշվարկներում խանգարում է օրենքը, ապա պատրաստ են այն անտեսել»,- նշեց փաստաբանը:

Ինչ վերաբերում է Նիկոլ Փաշինյանի հրաժարականից հետո վարչապետի արտոնություններից օգտվելուն, ապա Երվանդ Վարոսյանն ասաց. «Մարդը ղեկավարում է Հայաստանը հրաժարականից հետո, որի իրավունքը չունի, և այդ պարագայում քննարկել Փաշինյանի՝ դաչայում ապրելը, իրար հետ չի համընկնում: Նա ոչ միայն պետք է ամառանոցում չբնակվեր, վարչապետի արտոնություններից չօգտվեր, այլ, առհասարակ, պետությունը պետք է չկառավարեր»,- եզրափակեց փաստաբանը:

 Զվարթ Պետրոսյան

Այս թեմայով Անվտանգությո՞ւն, թե կուշտ որովայն. ՔՊ-ականների «առաջարկը»՝ ժողովրդին Տեղի է ունեցել ՔՊ նախաձեռնող խմբի նիստ․ ներկայացվել է Բրյուսելյան հանդիպման վերաբերյալ զեկույց Ինչ աղետների է հանգեցնելու Փաշինյանի արկածախնդրությունը Փաշինյանը հայտնել է՝ ինչ է պետք հաջողակ պետություն ունենալու համար (տեսանյութ) «Ժողվարչապետը» տվեց-անցավ բոլորին. Փաշինյանի «կոմպլեքսներն» ու վախերը Փաշինյանը ՔՊ-ականների հետ նիստ է անցկացնում (տեսանյութ) Փաշինյանն ու ԵԱՀԿ ՄԽ Ֆրանսիայի համանախագահը քննարկել են տարածաշրջանային նշանակության հարցեր Միզող ոստիկանների պատմությունը ծանր հանցանքից շուտով կդառնա անեկդոտ, այնուհետև կմոռացվի. փաստաբան Խորը խնդիրներ եմ տեսնում պետական համակարգի կառավարման առաջնային օղակում․ Փաշինյան Վաղը Սամվել Վարդանյանին հրավիրում են հարցաքննության․խոշտանգման գործով սայլը տեղից շարժվում է․ փաստաբան