Եղեգնաձորում տղամարդը սպանել է քրոջ 28–ամյա որդուն

Մայիսի 1-ի երեկոյան ոստիկանության Եղեգնաձորի բաժնում տեղեկություններ ստացվեցին, որ Եղեգնաձոր քաղաքի Երևանյան խճուղում կրակոց է հնչել: Անմիջապես դեպքի վայր մեկնեցին բաժնի տարբեր ստորաբաժանումների ծառայողներ։ Դեպքի վայրում՝ գինու գործարանի տարածքում, արնանման հետքեր, հրազենից վնասված մեքենաներ կային։

Տեղում իրականացված օպերատիվ-հետախուզական միջոցառումների արդյունքում Եղեգնաձորի ոստիկանները պարզեցին հետևյալը։ Նախնական տվյալներով՝ Եղեգնաձորում բնակվող 50-ամյա տղամարդը միջանձնային հարցերի շուրջ օրեր առաջ վիճել էր քրոջ 28-ամյա որդու հետ, իսկ երբ մայիսի 1-ին նրան տեսել էր Երևանյան խճուղում, իր անվամբ հաշվառված որսորդական հրացանից կրակել էր մեքենայից իջած 28-ամյա զարմիկին։

Երիտասարդին անմիջապես տեղափոխել էին «Եղեգնաձոր» բժշկական կենտրոն, սակայն վնասվածքները կյանքի հետ անհամատեղելի էին։
Դեպքի վայրի զննությամբ իրավապահները հայտնաբերել են հանցագործության գործիք հրացանը, որն առգրավվել է։ Եղելությունը պարզելուց հետո Եղեգնաձորի քրեական հետախույզները սկսեցին 50-ամյա տղամարդուն հայտնաբերելու միջոցառումները։ Այդ ընթացքում նա ներկայացավ ոստիկանության Եղեգնաձորի բաժին, որտեղից էլ տեղափոխվեց Վայոց ձորի մարզի քննչական վարչություն ու ձերբակալվեց։
Սպանության հատկանիշներով հարուցված քրեական գործի նախաքննությունը շարունակվում է։

Այս թեմայով Հադրութի հրապարակում տարեց և երիտասարդ անձինք գնդակահարվեցին. սա հստակ էթնիկ սպանություն էր 36-ամյա տղամարդը հարվածել է կնոջը, սպանության փորձ կատարել աներոջ նկատմամբ. նախաքննության ավարտ Մանրամասներ՝ Պուշկին փողոցում դաժան սպանությունից․ որոնվում է «Բեսլան Հարութը»․ Shamshyan Սպանություն Գյումրիում՝ ցայտաղբյուրի մոտ շան միզելու պատճառով․ տուժողի ձերբակալված հարևանին մեղադրանք է ներկայացվել Քարակերտ գյուղի գիշերային ակումբում սպանություն է կատարվել Սպանություն՝ Գյումրիում․ տան բակում հայտնաբերվել է տղամարդու մարմին (լուսանկար) Սպանություն կատարած 21-ամյա երիտասարդը հայտնաբերվեց Սիսիանում Քասախում 50-ամյա տղամարդուն դաժանաբար կյանքից զրկելու դեպքից մանրամասներ են հայտնի դարձել. ArmLur.am Սպանություն Քասախ համայնքում․ հանցագործություն կատարած անձանց ինքնությունը պարզվել է Սպանություն՝ Երևանում. կասկածյալը, ով մահացածի որդին է, չկարողացավ ոստիկաններից ճողոպրել