Մեր ծրագրում կա կետ, ըստ որի՝ մինչեւ 3 մլն դրամ վարկեր ունեցողները կազատվեն այդ բեռից. Գագիկ Ծառուկյան

Այսօր շատ երիտասարդներ վարձի պատճառով բուհերից դուրս են մնում: Այս մասին ԲՀԿ-ին անդամագրվել ցանկացող շուրջ 1500 երիտասարդների հետ հանդիպման ժամանակ նշել է ԲՀԿ առաջնորդ Գագիկ Ծառուկյանը:

Նրա խոսքով, Եվրոպայի շատ երկրներում կա օրենք, որ եթե ուսանողն ընդունվել է, գիտելիք ունի,  պետության հետ պայմանագիր է կնքում, պետությունը վարձի գումարը վճարում է, ավարտելուց հետո ուսանողին տեղավորում է աշխատանքի, նա էլ իր աշխատանքի ընթացքում 5 տարվա ընթացքում իր վարձի գումարը փակում է: 

Ծառուկյանն անդրադարձավ նաեւ ուսանողների կրթաթոշակին՝ նշելով, որ 30 տարի շարունակ այն 5 հազար դրամ է, պետք է բարձրացվի. «Չլուծվող խնդիր չկա, մարդը պետք է լիարժեք ոլորտը պատկերացնի եւ լիարժեք պատասխանատվությունը կրի»:

Ծառուկյանը երիտասարդ ընտանիքներին բնակարաններով ապահովելու հարցում առաջարկ արեց. «Հարկավոր է ամեն մի վարչական շրջանում 10 հազար քմ բնակարան կառուցվի եւ տրվի երիտասարդ ընտանիքներին: Ոչ թե կանխավճարով, որովհետեւ երիտասարդ ընտանիքը կանխավճար չի կարող վճարել, բայց կարող են երկուսն էլ աշխատելով ամսական 60-70 հազար դրամ առանձնացնել եւ 10 տարում փակել պարտքը: Վերջում էլ բնակարանը կմնա իրենց»:

Ծառուկյանի խոսքով, իրենց ծրագրում կա կետ, ըստ որի մինչեւ 3 մլն դրամ վարկեր ունեցողները կազատվեն այդ բեռից. «Պետությունը այդ հնարավորությունը պետք է տա, որ մարդը չկորցնի իր տունը, ունեցվածքը, հողը:

Եթե էսօր որոշողը ժողովուրդն է, պետությունը ժողովուրդն է, ուրեմն լիարժեք էսօր ժողովուրդը ճահճի մեջ է, խեղդվում է, ուրեմն լիարժեք պետք է քայլ կատարես, մարդու մատից փուշ հանելու հնարավորություն տաս»,-ասաց նա:

Ծառուկյանն առաջարկեց նաեւ ամեն տարի 10 տոկոսով բարձրացնել թոշակները. «Թոշակառուն ասենք, ստանում է 30 հազար դրամ թոշակ, բայց գները բարձրանում են: Կարելի՞ է ինդեքսավորել, որ ինչքան դրամն արժեզրկվել է, դրա հիման վրա մարդու թոշակը ավելացնել»:

Այս թեմայով Նիկոլա Անելկան հանդիպել է Գագիկ Ծառուկյանի հետ Գագիկ Ծառուկյանն ու հազվագյուտ ցեղատեսակի առյուծիկը (տեսանյութ) Ցանկանում եմ, որ ուսումնառության բոլոր տարիներին ձեզ ուղեկցի գիտելիքներ ստանալու ծարավն ու բարձր առաջադիմությունը. Ծառուկյան Կրկին շեշտեմ՝ մոնումենտալ արձանը եկեղեցական կառույց չէ. Գ. Ծառուկյան «Սահմանադրության կարևորագույն առաքելությունը հասարակական համերաշխության ապահովումն է». Գագիկ Ծառուկյանի ուղերձը Պատմության դասն ու պատգամն է մեզ՝ լինել միասնական, լինել համախմբված ազգային երազանքների․ Գ․ Ծառուկյան «Սա Աստծու տված գործ ա, պետք է լինի ամենա-ամենան». Ծառուկյանը՝ Քրիստոսի արձանի մասին «Հավատքն աշխարհում ամենաուժեղ զենքն է». Գագիկ Ծառուկյան «Փաստ». Ծառուկյանի հայտարարած մրցույթին մասնակցելու 100-ից ավելի հայտ կա «Փաստ». Գագիկ Ծառուկյան. Որոշ պարզաբանումներ Քրիստոսի արձանի թեմայով