Իրավունք չունենք հերոսապատումը վերածելու ողբերգության. ԵՊՀ ժուռնալիստիկայի ֆակուլտետում բացվեց լրագրող ազատամարտիկների լսարան (տեսանյութ)

Երևանի պետական համալսարանի ժուռնալիստիկայի ֆակուլտետում այսօր՝ ապրիլի 5-ին, բացվեց լրագրող ազատամարտիկների լսարան։ 1993 թվականին զոհված Նորայր Մարությանի լուսանկարի կողքին ավելացան ևս 3-ը՝ Արցախյան վերջին պատերազմում անմահացած Վաչագան Մանուկյանի, Աշոտ Խաչատրյանի և Սլավա Բադալյանի:

Ֆակուլտետի դեկան Նաղաշ Մարտիրոսյանը նշեց, որ 2006 թվականին, երբ բացեցին Նորայր Մարությանի անվան լսարանը, վստահ էին՝ նա լինելու է միակը, ում լուսանկարի կողքին այլ տղաների նկարներ այլևս չեն լինի, բայցև, Նորայրը օրինակ պիտի լինի բոլորի համար:

«Անցել է 15 տարի ու Նորայրի նկարի կողքին ևս 3 նկար է ավելացել: Երբ լսարանը կահավորելու, անվանակոչելու խնդրի առաջ էի կանգնած՝ մտածում էի՝ թողնել Նորայրի լսարանն առանձին և տղաների համար մեկ այլ լսարան բացել, սակայն որոշեցի, որ բոլորը մեկ տեղում պիտի լինեն: Նորայրի մայրն էլ համաձայնություն տվեց որոշմանս»,- բացման խոսքում ասաց Մարտիրոսյանը:

Աշոտ Խաչատրյանն ընդունվել էր համալսարան ու զորակոչվել բանակ, Վաչագան Մանուկյանն այս տարի կավարտեր մագիստրատուրան, իսկ Սլավա Բադալյանը գերազանցությամբ էր ավարտել ժուռնալիստիկայի ֆակուլտետը:

«Վաչագան Մանուկյանը բացառիկ անհատականություն էր, ով մագիստրատուրան ավարտելուց հետո պիտի ընդունվեր ասպիրանտուրա և ստանձներ համալսարանում սերունդ կրթելու դժվար պարտականությունը: Սլավա Բադալյանի՝ համալսարան մտնելու առաջին իսկ օրից  դասախոսների և ուսանողների համար ակնհայտ էր, որ նա բացառիկ է, մաքրամաքուր, աստվածատուր ձիրք ու շնորհ ունի: Այդքան երիտասարդ, բայց դեմք ու դիմագիծ ունեցող: Աշոտ Խաչատրյանը ոչ մի օր չի սովորել համալսարանում, բայց պիտի նրանց կողքին լինի»,- ընդգծեց ֆակուլտետի դեկանը:

Միջոցառմանը ելույթ ունեցան Վաչագան Մանուկյանի հայրը՝ բանաստեղծ Խաչիկ Մանուկյանը, Սլավա Բադալյանի քույրը՝ Վիկտորյա Բադալյանը, Աշոտ Խաչատրյանի մայրը՝ Անժելա Խաչատրյանը, Տավուշի թեմի առաջնորդ Բագրատ Եպիսկոպոս Գալստանյանը:

Լսարանի բացման նախաձեռնությունը հերոսների ընկերներ Էդգար Ղուշչյանինն ու Դավիթ Մարտիրոսյանինն է: Լսարանի վերանորոգումն իրականացրել են Սյունիքի նախկին մարզպետ Վահե Հակոբյանն ու կինը՝ Էլիզաբեթ Պետրոսյանը:

Մանրամասները՝ տեսանյութում:

Արփինե Հակոբյան

Այս թեմայով Ժամանակին 800 հեկտարի համար վայնասուն բարձրացնողները Տավուշի չորս գյուղերը թղթի վրա հանձնում են թշնամուն․ Թագուհի Մելքոնյան Ձերբակալված տղային ծեծողներն ինչո՞ւ են դիմակավորված եղել․ վերևներում ո՞նց կիմանան իրենք էին, որ պարգևատրեն․ լրագրող Լրագրողի հարցը զայրացրել է Յակուբովիչին Արտակարգ դեպք՝ Երևանում․ բլոգեր, լրագրող ներկայացած տղամարդը հայտնել է, որ Եգիպտոսում, ապա Երևանում փորձել են իրեն սպանել Լրագրող Լիա Սարգսյանը դատարանում հաղթեց ՔՊ-ական պաշտոնյային Գազայի հատվածում պատերազմն սկսվելուց ի վեր` 61 լրագրող է զոհվել Լրագրող Փաշինյանը բոլորին զրպարտել է, բայց անգամ 1 ամիս չի նստել, հիմա տեղի ունեցողը աբսուրդ է Պաղեստինաիսրայելական հակամարտության ընթացքում 46 լրագրող է զոհվել Կյանքից հեռացել է ազատամարտիկ, երգիչ Մկրտիչ Մկրտչյանը «Իմ եղբորը հանգիստ թողեք». լրագրող Անի Գևորգյանը ահազանգում է