Տեղահանված 20 000 արցախցի և մոտ 4000 հյուրընկալող ընտանիքներ կստանան ՀԲ-ի աջակցությունը

Ծրագրային միջոցները տրամադրվում են Պետականաշինության և խաղաղաշինության բազմակողմանի հիմնադրամի (SPF) կողմից՝  3.72 մլն ԱՄՆ դոլար արժողությամբ մեկամյա դրամաշնորհի միջոցով:

Հայաստանի Կառավարությունը մշակել է սոցիալական պաշտպանությանն ուղղված արձագանքման լայն փաթեթ՝ զարգացման գործընկերների և հասարակական կազմակերպությունների աջակցությամբ: Այս ծրագիրը կիրականացվի ՀՀ աշխատանքի և սոցիալական հարցերի նախարարության «Միասնական սոցիալական ծառայություն» առանձնացված ստորաբաժանման միջոցով: Ծրագրի նպատակն է բարձրացնել հակամարտությունից տուժած ընտանիքների դիմադրողականությունը և նվազեցնել հյուրընկալող ընտանիքների ֆինանսական բեռը՝ հատուկ ուշադրություն դարձնելով  կանանց և խոցելի բնակչությանը:

«Ուրախ ենք ստորագրել այս պատեհաժամ համաձայնագիրը՝ Պետականաշինության և խաղաղաշինության հիմնադրամի դրամաշնորհի աջակցությամբ»,- ասել է Համաշխարհային բանկի Հայաստանի գրասենյակի տնօրեն Սիլվի Բոսութղոն:  

 Ծրագրի նպատակներն են.

• Աջակցել շուրջ 11530 տեղահանված անձանց՝ վճարելով նրանց ամսական դրամական նպաստ նվազագույն աշխատավարձի չափով (68000 դրամ), ըստ Հայաստանում գտնվող չափահասի/երեխայի, մինչև 4 ամիս տևողությամբ:
• Ապահովել դրամական օգնություն/եկամտային աջակցություն Հայաստանի 3975 ընտանիքներին, որոնք հյուրընկալել են տեղահանված մարդկանց, հիմնական կարիքները հոգալու նպատակով:
• Ժամանակավորապես սուբսիդավորել զբաղվածության ծրագիր 936 տեղահանված անձանց համար, ովքեր ցանկանում են ձեռք բերել աշխատանքային փորձ Հայաստանում և նպաստել նրանց մասնակցությանը աշխատաշուկային և տնտեսական ներգրավվածությանը:
• Աջակցել 115 տեղահանված անձանց հանրային աշխատանքների ծրագրի միջոցով (դրամ աշխատանքի դիմաց):

«Ծրագիրը նախատեսված է օգնելու մասնավորապես հակամարտությունից տուժած կանանց»,- ասել է Համաշխարհային բանկի աշխատանքային խմբի ղեկավար Մադալենա Հոնորատին:  

Պետականաշինության և խաղաղաշինության հիմնադրամը Համաշխարհային բանկի կողմից կառավարվող գլոբալ հիմնադրամ է` անկայունության, հակամարտության և բռնության իրավիճակներում զարգացման կարևորագույն գործողությունների և վերլուծության ֆինանսավորման համար: Հիմնադրամին սիրով աջակցում են Ավստրալիան, Դանիան, Ֆրանսիան, Գերմանիան, Նիդերլանդները, Նորվեգիան, Շվեդիան, Շվեյցարիան, Միացյալ Թագավորությունը և Համաշխարհային բանկը:

Այս թեմայով Ավելի քան 48 մլրդ դրամ կհատկացվի ԼՂ-ից տեղահանված անձանց աջակցություն տրամադրելու համար Սահմանամերձ բնակավայրերում մեկ ընտանիքին կարող է տրամադրվել մինչև 60 մլն դրամ աջակցություն Բանտերում արտոնյալներ կան, ովքեր սկի իրենց տանը տենց լավ չեն ապրում, աշխատակիցների աջակցություն կա Տարածաշրջանի մյուս երկրներից ակնկալում ենք աջակցություն «Զանգեզուրի միջանցքի» նախագծին. Ֆիդան ՀԱՊԿ նիստերին չեք մասնակցում, բայց ուզում եք աջակցություն ցուցաբերվի․ Ագնեսա Խամոյանը՝ Միրզոյանին ՀՀ-ն մինչև 2018-ը ստացել է մեծ ռազմական աջակցություն, գործող իշխանությունը մսխել է դրա էական հատվածը. Աբրահամյան 100 հազար դրամ միանվագ աջակցություն կտրամադրվի ԼՂ-ից բռնի տեղահանված շուրջ 1200 շահառուի Ինչքա՞ն աջակցություն կստանան երեխա ունեցող ընտանիքները, որոնք հիփոթեք են փակում. Կառավարության նոր ծրագիրը «Եվրախորհրդարանի բանաձևերը սոսկ բարոյական աջակցություն են. մեզանից էլի սպասելիքներ ունեն»․ «Փաստ» Պետական աջակցություն՝ սահմանամերձ գյուղերում տուն կառուցելու համար. ծրագրից արդեն իսկ 412 ընտանիք է օգտվում