Ուսուցչի որակավորման տարակարգի փոփոխությունները հաստատվել և հրապարակվել են. Ժաննա Անդրեասյան
ԲլոգոսֆերաՈւսուցչի որակավորման տարակարգի փոփոխությունները հաստատվել և հրապարակվել են։ Այս մասին գրել է ԿԳՄՍ նախարարի պաշտոնակատարի տեղակալ Ժաննա Անդրեասյանը և հավելել․
«Հիշեցնեմ. այս փոփոխությամբ.
այն առարկաների և դասարանների ուսուցիչները, որոնց մասով առարկայական օլիմպիադաներ չեն անցկացվում, հնարավորություն են ստանում որպես բնութագրիչ ներկայացնել նախարարության հետ համագործակցության արդյունքում հանրապետությունում անցկացվող ամենամյա կրթական բնույթի առարկայական մրցույթներում մրցանակակիր սովորող ունենալը. կանխելով հարցերը, այո, Կենգուրու, Մեղու և մյուս մրցույթները, որոնք բավարարում են նշած պահանջը, հաշվի կառնվեն։ Բնութագրիչը հատուկ հստակեցվել է նաև ֆիզկուլտուրայի ուսուցիչների մասով՝ տարընթերցումներից խուսափելու համար։
ավելացվել է նոր բնութագրիչ՝ գիտական աստիճան կամ կոչում ունենալը
մյուս բնութագրիչները հստակեցվել, խմբավորվել են՝ հիմնվելով նախորդ փուլերում առաջ եկող հարցերի և խնդիրների վրա
կարևոր փոփոխություն է, որ փաստաթղթերը կարող են ընդունվել նաև էլեկտրոնային եղանակով, ուսուցիչները այլևս կարիք չունեն առձեռն նախարարություն բերել փաթեթը։
Բոլոր մանրամասները՝ այստեղ»,- գրել է նա։