Մեծ Հաղթանակը Ռուսաստանի և Հայաստանի ընդհանուր ժառանգության փառավոր էջերից մեկն է. ՌԴ դեսպանի ուղերձը

Հայաստանում Ռուսաստանի դեսպան Սերգեյ Կոպիրկինն ուղերձ է հղել Հայրենական մեծ պատերազմում հաղթանակի 76-ամյակի առթիվ՝ նշելով, որ Մեծ Հաղթանակը Ռուսաստանի և Հայաստանի ընդհանուր պատմության, ընդհանուր ժառանգության փառավոր էջերից մեկն է, որի կարևորագույն տարրերից են Ռուսաստանի և Հայաստանի միջև իրական եղբայրական հարաբերություններն այսօր, մշակույթների փոխկապակցվածությունը, հոգևոր ընդհանրությունը, հավատարմությունը մնայուն արժեքներին:

 ՌԴ դեսպանի ուղերձում ասված է․

 «Հարգելի ընկերներ:

Այսօր մենք նշում ենք Հայրենական մեծ պատերազմում հաղթանակի 76-րդ ամյակը։

Ամեն անգամ, երբ երկրները և ժողովուրդները դժվարին ժամանակներ են ապրում, նրանք նայում են դեպի իրենց անցյալը, փնտրում են այնտեղ այն հենարանը, այն աղբյուրը, որը կարող է բարձրացնել ոգին, ամրացնել բարոյական ուժերը։ Հայրենասիրությունը, հայրենիքի հանդեպ սերը եղել են, կան ու կլինեն ցանկացած երկրի անվտանգության ու զարգացման ապահովման որոշիչ գործոն:

Ռուսաստանցիների և հայերի, ինչպես նաև նախկին Խորհրդային Միության մյուս ժողովուրդների համար, որն իր վրա է վերցրել սարսափելի պատերազմի ծանրությունը, Հաղթանակի օրը հատուկ տոն է, շատ առումներով խորապես անձնական, քանի որ մեր երկրներում, թերևս, չկան ընտանիքներ, որոնց չի անդրադարձել պատերազմը: Դա պարզապես պատմական ամսաթիվ չէ, դա հիշողություն է մեր պապերի ու նախապապերի հերոսության ու արիության մասին, հիշեցում անչափ բարձր գնի մասին, որը մեր ժողովուրդները վճարել են խաղաղության համար։ Մենք ոչ միայն սգում ենք զոհվածների համար, այլև հպարտանում ենք նրանցով, ովքեր գլուխ չեն խոնարհել չարիքի առջև և նվաճել են կյանքի և արժանապատվության իրավունքը՝ ոչ միայն իրենց համար:

Մեծ Հաղթանակը մեր ընդհանուր պատմության, մեր ընդհանուր ժառանգության փառավոր էջերից մեկն է, որի կարևորագույն տարրերից են Ռուսաստանի և Հայաստանի միջև իրական եղբայրական հարաբերություններն այսօր, մեր մշակույթների փոխկապակցվածությունը, հոգևոր ընդհանրությունը, հավատարմությունը մնայուն արժեքներին: Մեր երկրներում խնամքով են վերաբերվում պատերազմի հիշատակին, մեծ նշանակություն տալիս դրա մասին պատմական ճշմարտության պահպանմանը: Ցավոք, դրա համար հիմա ստիպված ենք պայքարել, դիմակայել պատմության կեղծման, նացիզմի հերոսացման, ֆաշիստների կողմից մարդկության դեմ կատարած հանցագործությունների ժխտման փորձերին`ազատարարների դերի նսեմացմանը:

Հաղթանակի օրը լուսավոր, ուրախ և միևնույն ժամանակ տխուր տոն է: Տոն` արցունքներն աչքերին, ինչպես հայտնի երգում է ասված: Այս օրը երկրագնդի բոլոր ազնիվ մարդիկ գլուխ են խոնարհում ի նշան հիշատակի և երախտագիտության նրանց, ովքեր իրենց կյանքով, իրենց մարտական սխրանքով և ծանր աշխատանքով ապահովեցին Մեծ հաղթանակը: Այս տարի մենք նշում ենք ևս մեկ հոբելյան, ողբերգական` Խորհրդային Միության վրա Ֆաշիստական Գերմանիայի նենգ հարձակման 80-ամյակը:

Հաղթանակի օրը, ինչպես միշտ, հատուկ շնորհավորանքներ և երախտիքի խոսքեր են ուղղված մեր թանկագին վետերաններին: Դուք մեզ համար կենդանի հիշողություն եք` արժանի ընդօրինակման: Խորին խոնարհում, քաջ առողջություն և հոգու տոկունություն ձեզ, իսկ մեզ բոլորիս` խաղաղություն, համաձայնություն և բարեկեցություն»։

Այս թեմայով Հայաստանի և Ադրբեջանի սահմանին ռուս սահմանապահները տեղակայվել են Փաշինյանի խնդրանքով. Կոպիրկին Լեռնային Ղարաբաղ հայերի վերադարձի հարցը կարևոր է Ռուսաստանի համար. ՀՀ–ում ՌԴ դեսպան Ռուսաստանը պատրաստ է կատարել իր դաշնակցային պարտականությունները՝ Հայաստանի դեմ արտաքին ագրեսիայի դեպքում․ Կոպիրկին Ռուսական կողմը լրջորեն է վերաբերում Հայաստանին զենք տրամադրելու պարտավորությանը. Կոպիրկին (տեսանյութ) ՌԴ-ի դեմ հարձակումները բացահայտ սուտ են. այս ամենը տագնապեցնող է․ Կոպիրկին (տեսանյութ) Դուք անտարբեր չեք ռուս-հայկական հարաբերությունների հանդեպ․ Կոպիրկինը՝ հայ երիտասարդներին ՌԴ–ում հասկանում են, թե Արևմուտքն ինչպիսի ճնշում է գործադրում Հայաստանի վրա․ դեսպան ՌԴ սահմանապահներն ակտիվ դեր են ունեցել Սյունիքում էսկալացիա թույլ չտալու գործում. դեսպան Հայրենիքի պաշտպան հասկացությունը մեզ համար հատուկ նշանակություն ունի․ Կոպիրկին Հարավային Կովկասը մեզ համար կենսական տարածաշրջան է․ Կոպիրկին