Ստեփանակերտում կայացել է Մեծ Հայրենականի և Արցախյան պատերազմի հերոսներին նվիրված Անմահների գնդի երթ

 Ստեփանակերտում Մայիսի 9-ի առթիվ կայացել է Հայրենական մեծ պատերազմի հայ հերոսների, անվանի զորավարների ու Արցախյան պատերազմում նահատակված զինվորների մեծադիր լուսանկարներով ավանդական «Անմահների գնդի երթ»: «Արմենպրես»-ի հաղորդմամբ՝ երթը մեկնարկեց Ստեփանակերտի Վերածննդի հրապարակից:

 Մասնակիցները քաղաքային հուշահամալիրում ծաղիկներ են խոնարհել Անմար կրակի մոտ և հարգանքի տուրք մատուցել  Մեծ Հայրենականի ու Արցախյան պատերազմի զոհերի հիշատակին:

Ամենամյա «Անմահների գնդի երթ»-ի կազմակերպիչ «Արցախի երիտասարդության զարգացման կենտրոն» հասարակական կազմակերպության նախագահ Սուսաննա Պետրոսյանի հաղորդմամբ՝  միջոցառումը կազմակերպվել է նաև Մարտակերտում և Մարտունիում:

«Մենք պիտի հիշենք, որ Հայրենական մեծ պատերազմին շատ հայեր են մասնակցել ու այդ հաղթանակը միասնական ուժերով է կերտվել: Պետք է հիշենք բոլոր նրանց, ովքեր իրենց կյանքն են զոհաբերել՝ հաղթանակի օրը մեզ պարգևելու համար: Միջոցառմանը մենք ավելացրել ենք նաև «Արցախյան պատերազմի հերոսներ» խորագիրը՝ մեր նահատակված զինվորների լուսանկարներով: Մյուս տարի նախատեսում ենք ավելացնել նաև 44-օրյա պատերազմի հերոսների լուսանկարներ»,- ասաց Պետրոսյանը:

Ստեփանակերտում «Անմահների գնդի երթ»-ին մասնակցում էր նաև Արցախի Հանրապետության Անվտանգության խորհրդի քարտուղար Վիտալի Բալասանյանը:

Այս թեմայով Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Իսրայելի նախագահը Իրանի հարձակումն անվանել է պատերազմի հայտարարություն Ղազախստանում ձերբակալել են ռուսաստանցու, որը մեղադրվում է տաջիկներին այլ երկրներում պատերազմի մեջ ներքաշելու համար ԱՊՀ-ում առաջարկել են Հայրենական մեծ պատերազմում հաղթանակի 80-ամյակին նվիրված հոբելյանական մեդալ ստեղծել «Հրապարակ». Ստեփանակերտում մնացած Սարգիս Գալստյանը ադրբեջանցիների կողմից ճնշումների ու հետապնդումների է ենթարկվել «Հրապարակ». Ինչու են ձգձգում 44-օրյա պատերազմի հանգամանքները քննող ԱԺ հանձնաժողովի զեկույցը Ադրբեջանցիները տեսանյութ են հրապարակել Ստեփանակերտում Արայիկ Հարությունյանին պատկանող գինու և կոնյակի գործարանից Խորհրդարանական լսումներ՝ նվիրված Հայաստանի նոր հեռանկարներին ու մարտահրավերներին «ՀայաՔվեն» հանձն առավ Արցախյան վերջին պատերազմում զոհվածների հիշատակի հավերժացումը. «Փաստ» ՅՈՒՆԵՍԿՕ-ի կենտրոնակայանում բացվել են Սերգեյ Փարաջանովի 100-ամյակին նվիրված հոբելյանական ցուցադրությունները