«Օրենքով գող» Շահումյանցի Ժիրոն կալանավորվել է

«Օրենքով գող» Շահումյանցի Ժիրո մականունով հայտնի Ժիրայր Բրուտյանը կալանավորվել է։ Տեղեկությունը  ԼՈՒՐԵՐ․com-ի հետ զրույցում հաստատեց ՀՀ գլխավոր դատախազության հանրային կապերի բաժնի պետ Արևիկ Խաչատրյանը։

Նրան մեղադրանք է առաջադրվել քրեական աստիճանակարգության բարձրագույն կարգավիճակ ունեցող անձի կողմից քրեական ենթամշակույթ կրող խմբավորում ղեկավարելու համար: 

Նշենք, որ քրեական գործը քննվում է ՀՀ քննչական կոմիտեի հատկապես կարեւոր գործերի քննության գլխավոր վարչությունում։ Ըստ ՔԿ-ի հաղորդագրության՝ քրեական աստիճանակարգության բարձրագույն կարգավիճակ ունեցող, «օրենքով գող» «Ժ.Շ.»-ն, հանդիսանալով քրեական աստիճանակարգությամբ ու միջանձնային հիերարխիկ հարաբերություններով օժտված անձանց միավորման՝ քրեական ենթամշակույթ կրող խմբավորման անդամ, ղեկավարել է քրեական ենթամշակույթ կրող խմբավորում՝ հանցագործություն կատարելու վերաբերյալ հանձնարարություններ տալով խմբավորման անդամներ հանդիսացող անձանց: Վերջիններս, ստանալով եւ կատարելով նրա հանձնարարությունները, մասնակցել են քրեական ենթամշակույթ կրող խմբավորմանը:

Մասնավորապես՝ քննությամբ պարզվել է, որ «Ժ.Շ.»-ն «Նուբարաշեն» ՔԿ հիմնարկում պահվող,  նույն հիմնարկում, այսպես կոչված, «զոն նայողի» գործառույթներն իրականացնող «քրեական հեղինակության» քրեական աստիճանակարգության բարձրագույն կարգավիճակ ունեցող «Կ.Հ.»-ին հանձնարարել է՝ «Արմավիր» ՔԿՀ-ում պահվող, «քրեական հեղինակության», այսպես կոչված, «զոն նայող» Ս.Ա.-ին իր անունից հրահանգել ծեծի ենթարկելու միջոցով «պատժել» նույն ՔԿՀ-ի կալանավորին, ինչը, սակայն, Ս.Ա.-ն հրաժարվել է կատարել: Իր հանձնարարությունը չկատարելու համար «Ժ.Շ.»-ն նախաձեռնել է «Արմավիր» ՔԿ հիմնարկի «զոն նայողին» փոխարինելու գործընթաց՝ «Կ.Հ.»-ին հանձնարարելով «Արմավիր» ՔԿՀ-ի քրեական ենթամշակույթ կրող խմբավորման կողմից սահմանված ու ճանաչված վարքագծի կանոններով առաջնորդվող, «իրենց խոսքը պահող նորմալ մարդ» գտնել: Իր հերթին «Կ.Հ»-ն հանձնարարության կատարմանը ներգրավել է «Արմավիր» ՔԿ հիմնարկում պահվող, նույն հիմնարկի «զոն նայող» «քրեական հեղինակության» քրեական աստիճանակարգության բարձրագույն կարգավիճակ ունեցող Ա.Բ.-ին, ով երաշխավորել, ապա առաջարկել է ՔԿՀ-ում պահվող «Պ.» մականվամբ կալանավորին: Վերջինս, կրելով քրեական ենթամշակույթ կրող խմբավորման վարքագծի կանոնները,  ժամանակավորապես ստանձնել է նշված ՔԿՀ-ում «զոն նայողի» գործառույթները եւ 20 օրվա ընթացքում 3 անգամ ծխախոտի, ուտելիքի եւ այլնի տեսքով «դրսից բերված գրեֆներ» է բաժանել քրեակատարողական հիմնարկի կալանավորված եւ դատապարտված անձանց, ինչպես նաեւ՝ հանձնարարել 2021թ. հունվարի 18-ին եւ հունվարի 24-ին իրականացնել անկարգություններ:

Այս թեմայով Արագածոտնի մարզում բնակչի սպանության մեղադրանքով կալանավորվել է վերջինիս համագյուղացին «Օրենքով գող» Շաքրո Մոլոդոյը հոսպիտալացվել է սրտի հետ կապված խնդիրների պատճառով Ֆուչիկի փողոցում տեղի ունեցած զինված միջադեպի գործով ևս մեկ անձ է կալանավորվել Բացահայտվել է թմրամիջոցների շրջանառության հերթական դեպքը․ Արարատի մազի բնակիչը կալանավորվել է ԼՂ-ից տեղափոխվածը լրտեսության մեղադրանքով կալանավորվել է Բացահայտվել է Երևանում թմրամիջոցների ապօրինի շրջանառության դեպք. Ուկրաինայի երկու քաղաքացի կալանավորվել է «Օրենքով գող» Շաքրո Մոլոդոյն ազատ է արձակվել Զենքի գործադրմամբ խուլիգանություն, սպանության փորձ կատարելու վարույթով կալանավորվել է նույն քաղաքի 32–ամյա բնակիչը (լուսանկարներ) 29-ամյա երիտասարդը կալանավորվել է դանակով համաքաղաքացու սպանության փորձի մեղադրանքով Խարդախության մեղադրանքով հետախուզվողը հայտնաբերվել և կալանավորվել է