Վերլուծաբանները կանխատեսում են համաշխարհային տնտեսական ճգնաժամ

Համաշխարհային տնտեսության դրամավարկային խթանը գերլարում է շուկաները՝ 2025 թվականին մեկնարկ տալով նոր տնտեսական ճգնաժամի, գրում է «Իզվեստիան»՝ հղում անելով մակրոտնտեսական վերլուծության և կարճաժամկետ կանխատեսումների կենտրոնի զեկույցին: Այսպիսով՝ փորձագետները կազմել են համաշխարհային տնտեսության զարգացման երկու հիմնական սցենար: Ըստ դրանցից մեկի՝ կորոնավիրուսի համաճարակը կավարտվի այս տարվա կեսերին, ՀՆԱ-ի համաշխարհային աճը կանխատեսվում է տարեկան 4%, իսկ տասնամյակի վերջին նավթի գները կբարձրանան մեկ բարելի դիմաց 82-85 դոլարով: «Կառուցվածքային ճգնաժամի» սցենարը ենթադրում է, որ համաճարակը կշարունակվի մինչև 2022-ի կեսերը, համաշխարհային ՀՆԱ-ի աճի տեմպը կկազմի տարեկան 2-3%, իսկ նավթի գինը կնվազի մինչև 50-55 դոլար մեկ բարելի դիմաց, և 2030 թվականի սկզբին կբարձրանա 65 դոլարով:
Տնտեսագետները նշում են, որ երկու սցենարներն էլ ենթադրում են ցիկլային անկում, որը սպասվում է 2020-ականների կեսերին, բայց առաջին սցենարում դա կլինի փողերի խթանման պատճառով շուկաների գերլարման արդյունք, իսկ երկրորդում՝ պարտքային ճգնաժամի շարունակություն մասնավորապես՝ հարավային Եվրոպայում և Թուրքիայում` երկարատև համաճարակի պատճառով: «2025 թվականին համաշխարհային ՀՆԱ-ի աճի տեմպը կնվազի մինչև 1-2%», - ասում են փորձագետները:

Այս թեմայով Գների աճը ձեռնտու է հենց կառավարությանը. Սուրեն Պարսյան Պուտինը 2020 թվականն անվանել է Երկրորդ համաշխարհային պատերազմից հետո համաշխարհային տնտեսության համար ամենավատ տարին Մեր ռեսուրսները չենք կարող ծախսել այնպես, ինչպես նախկինում, շռայլություններ չենք կարող մեզ թույլ տալ. Սուրեն Պարսյան Աշնանը տնտեսական ճգնաժամի խորացում կլինի․ Մանե Թանդիլյան