Այս ողբերգական իրադարձությունը, որը խլել է մարդկային 9 կյանք, ցնցել է մեզ բոլորիս․ Արման Թաթոյանը՝ Տատյանա Մոսկալկովային

«Մարդու իրավունքների պաշտպան Արման Թաթոյանը ցավակցական հեռագիր է հղել Ռուսաստանի Դաշնության մարդու իրավունքների դաշնային հանձնակատար Տատյանա Մոսկալկովային՝ Կազան քաղաքի «Թիվ 175 գիմնազիայում» այսօր տեղի ունեցած ողբերգական միջադեպի կապակցությամբ: Այս մասին հայտնում է ՀՀ մարդու իրավունքների պաշտպանի ֆեյսբուքյան էջը։

«Ընդունեք իմ խորին ցավակցությունները Կազան քաղաքի «Թիվ 175 գիմնազիայում» տեղի ունեցած ողբերգական կրակոցների կապակցությամբ:

Այս ողբերգական իրադարձությունը, որը խլել է մարդկային 9 կյանք, ցնցել է մեզ բոլորիս:

Իմ խորին վշտակցությունն եմ հայտնում զոհվածների հարազատներին, մաղթում եմ հոգու տոկունություն այս դժվար պահին և բոլոր տուժածներին շուտափույթ ապաքինում»,- մասնավորապես ասված է ցավակցական հեռագրում։

Ավելի վաղ հայտնել էինք, որ կրակոցներ ու պայթյուն է տեղի ունեցել Կազանի դպրոցներից մեկում: Կրակոցների հետևանքով սպանվել է 1 ուսուցիչ և 7 աշակերտ, կա 32 վիրավոր, երկրի ԱԻ ծառայության փոխանցմամբ, 2 աշակերտ էլ մահացել է երրորդ հարկի պատուհանից ցատկելուց հետո:

Հիվանդանոց տեղափոխված 18 աշակերտներից 6-ի վիճակը գնահատվում է ծայրահեղ ծանր:

ՌԴ քննչական կոմիտեն քրեական գործ է հարուցել զանգվածային սպանություն կատարելու հոդվածով։

Իլնազ Գալյավիևը զինված է եղել Hatsan ESCORT ինքնաձիգով:

«Այն դպրոցում, որտեղ տեղի է ունեցել հրաձգությունը, անվտանգության աշխատակիցներ չեն եղել, կար միայն «կարմիր կոճակ»,-այս մասին հայտարարել է Ռուսական գվարդիայի ղեկավարի խորհրդականը։

Նշվում է, որ հարձակվողը հրազեն պահելու թույլտվություն է ստացել բոլորովին վերջերս` ապրիլի 28-ին:

Գալյավիևը քննիչներին ասել է․ «Ես հասկացել եմ, որ Աստված եմ, մոտ 2 առաջ եմ հասկացել, որ Աստված եմ։ Ես սկսեցի բոլորին ատել, իմ մեջ հրեշ է արթնացել»։

Նշենք, որ 19-ամյա Իլնազ Գալյավևը ծնվել է 2001 թվականի սեպտեմբերի 11-ին՝ Նյու Յորքի Երկվորյակ աշտարակների հայտնի ահաբեկչության օրը:

Այս թեմայով «Էկոակտիվիստները» շինծու մարդասիրական քայլերով փորձում են մոլորեցնել միջազգային հանրությանը Երկարաժամկետ երաշխիքներ են անհրաժեշտ Արցախի համար, Բաքուն նոր սադրանքների է գնալու. Թաթոյան (տեսանյութ) Եռօրյա այցով Սյունիքում ենք. բոլոր փաստերը կվերլուծվեն և կուղարկվեն միջազգային կառույցներին. Թաթոյան «Google Maps»-ից և «Google Earth»-ից հեռացվել են Սյունիքի համայնքների տեղանունների կեղծ` ադրբեջաներեն տարբերակները «Եվս մեկ ապացույց, որ հայերի նկատմամբ հանցանքների անպատժելիությունը հովանավորում են հենց նրանք» «Նրանք, ում ժամանակին գնահատման հարցում ընդառաջել եք, կործանարար են դառնում պետության համար» Ադրբեջանը 44-օրյա պատերազմի ժամանակ հայերին խոշտանգած հանցագործներին պետական մակարդակով հերոսացրել է․ Թաթոյան Միջոցներ են ձեռնարկվում վերացնելու Սյունիքի համայնքների տեղանունների կեղծ` ադրբեջաներեն տարբերակները. Թաթոյան Արման Թաթոյանն ԱՄՆ-ում ներկայացրել է Ադրբեջանի կողմից պատերազմական հանցանքների ապացույցները Չպետք է թույլ տանք, որ այս դժվար օրերը մեր մեջ սերմանեն անճարության ու պայքարի անկարողության կործանարար զգացումը. Թաթոյան