«Ոտքս հեչ, ես հո՜ղ եմ կորցրել». ասում է պատերազմում ոտքը կորցրած Զավեն Մարությանը

Զինծառայողների ապահովագրության հիմնադրամը ֆեյսբուքյան էջում գրում է․

««Ոտքս հեչ․․․ ես հո՜ղ եմ կորցրել»,-առյուծի նման մռնչալով, գլուխը կախ ասում է Զավենն ու շեշտում, որ ցանկացած պահի պատրաստ է զենքը վերցնել ու վերադառնալ սահմանագիծ։

Զավեն Մարությանը մեր շահառուներից է։ Նա մասնակցել է 3 պատերազմի։ Արցախյան ազատամարտի ժամանակ 17 տարեկան էր․ «92 թիվն էր, ընկերներով փախանք տնից, հիշում եմ, փոստատնից զանգեցի տուն ու ստեցի, թե Դսեղ գյուղ եմ գնում՝ ընկերոջս տատիկի տուն․․․ Գնացինք մեր հայրենիքը պաշտպանելու։ Հիշում եմ, դժվարություններով հասանք Շորժա, հետո էնտեղից էլ Ճամբարակ։ Մասնակցել եմ Ճամբարակի պաշտպանական մարտերին։

1993թ․ ապրիլին բավական թրծված էի և մասնակցել եմ Մարտակերտի շրջանի մարտական գործողություններին։ 93-ի դեկտեմբեր ամսից արդեն Ներքին զորքերի համահավաք ջոկատի կազմում՝ Օմոնի կազմում, մասնակցել եմ մարտական գործողություններին Հորադիսում և Ֆիզուլու շրջանում։ Արդեն 19 տարեկան էի։

Երկրորդ պատերազմը՝ Ապրիլյանն էր, առաջին օրից Երկրապահի կազմով մեկնել ենք սահման, Լելե Թեփե բարձրունքն ենք պահել այդ օրերին, դիվերսիոն հետախուզական խումբ ենք ոչնչացրել։ Այս պատերազմին 2020 թ․-ի սեպտեմբերի 29-ից սահմանին եմ եղել ՝ Ղարաբաղյան պատերազմի վետերանների կազմով»։

Զավենը հիշում է՝ ինչպես կորցրեց ոտքը․ «Ծխում էի․․ մեկ էլ տեսա ոտքս մի ջլի վրա կախված ընկած, ցավազրկող չկար, սարի վրա էինք, երբ տղեքը զգացին, որ կորցնում են ինձ՝ արյունաքամ եմ լինում։ Իրենց կյանքը վտանգելով, ռմբակոծության և հրետանու կրակի տակ՝ դրեցին ինձ կտորի մեջ և սկսեցին վազելով իջեցնել սարից»։

Զավենը պրոթեզով պարում է բոլորից լավ և իր ձեռքերով «կապում» իր առանձնատան տանիքը։

Զավենը Հիմնադրամից ստացել է միանվագ գումարը և օգտագործել առանձնատան կառուցման համար անհրաժեշտ շինանյութ ձեռք բերելով։ 20 տարի շարունակ ամեն ամիս Զավեն Մարությանը կհատուցվի Հիմնադրամի կողմից։ Մենք պատասխանատու ենք մեր հերոսների առաջ»։

Այս թեմայով Քաղաքացիական պատերազմ են հրահրում․ արշավ Եկեղեցու և Կիրանցում ակցիայի մասնակիցների դեմ Բանակցողը պետք է փոխվի, հակառակ դեպքում սա պատերազմ է ժողովրդի դեմ, Ալիևն իր մարդուն է նշանակել Փաշինյանը Ալիևի դեսպանի կարգավիճակով սպառնում է հայ ժողովրդին, եթե չանենք կլինի պատերազմ. Սուրենյանց «Զինվոր ծնվել ենք, զինվոր էլ կմեռնենք». լարված վիճակ Տավուշում, ցուցարարները չեն բացում ճանապարհը Սա պատերազմ է մեր ինքնության դեմ, ոչ թե ուղղակի տարածքի խնդիր, մեզ ծնկի չեն բերելու. Արսեն Գրիգորյան (տեսանյութ) Իսրայելը հայտարարել է, որ պատերազմ չի ցանկանում Իրանի և Լիբանանի հետ, բայց հարձակման դեպքում պատրաստ է դրան Եթե պատերազմ լինի, այդ պատերազմը բերելու է Նիկոլ Փաշինյանը. Սաղաթելյան Թաիլանդում «պատերազմ» է սկսվել կապիկների խմբերի միջև (տեսանյութ) Պատերազմում կյանքեր փրկած կին հրամանատարը․ ՀՀ ՊՆ–ն տեսանյութ է հրապարակել Դե յուրե հատուկ ռազմական գործողություն է, դե ֆակտո՝ պատերազմ. Պեսկովը՝ Ուկրաինայի մասին