Անհայտ կորած համարվող փոխգնդապետ Մարատ Ղարայանը զոհվել է պատերազմում

Անհայտ կորած համարվող փոխգնդապետ Մարատ Ղարայանը զոհվել է պատերազմում: Այս մասին հայտնում են Արցախի ԿԳՄՍ նախարարությունից:

Հաղորդագրության մեջ, մասնավորապես, ասված է. «Արցախի Հանրապետության կրթության, գիտության, մշակույթի և սպորտի նախարարությունը խոր կսկիծով ու ափսոսանքով հայտնում է նախազորակոչային պատրաստության և արտադպրոցական ծրագրերի վարչության պետ, փոխգնդապետ Մարատ Բորիսի Ղարայանի մահվան մասին։ Մարատ Բորիսի Ղարայանը ծնվել է 1972թ. հունիսի 1-ին, քաղաք Ստեփանակերտում։ 1989թ. ավարտել է Ստեփանակերտ քաղաքի ռուսական թիվ 3 միջնակարգ դպրոցը։ 1990թ. ընդունվել և 1995 թվականին ավարտել է Ստեփանակերտի Մանկավարժական ինստիտուտի «Պատմություն և օտար լեզու» ֆակուլտետը։ 1998թ. ընդունվել և 2003թ. ավարտել է ԱրՊՀ-ի «Հումանիտար» ֆակուլտետի «Իրավաբանական» բաժինը։ 01.09.1992թ.-01.09.1993թ. աշխատել է ԼՂՀ զինվորական դատախազությունում։ 1993-1995թթ. աշխատել է ԼՂՀ ռազմական տրիբունալում, իսկ 1995թ. որպես ԼՂՀ ԱԱԾ ազգային անվտանգության պետական վարչության պետ։ 2013թ. թոշակի անցնելու կապակցությամբ ազատվել է աշխատանքից։ 01.08.2018թ.-22.07.2020թ. աշխատել է ԼՂՀ ԱԱԾ-ին կից գործող գերիների, պատանդների և անհայտ կորածների հարցերով հանձնաժողովի նախագահի օգնականի պաշտոնում։ 22.07.2020 թվականից աշխատել է ԱՀ ՌԵՍԶ նախարարությունում, որպես ռազմահայրենասիրության վարչության պետ։ 01.03.1992թ.-30.05.1994թ. մասնակցել է արցախյան առաջին պատերազմին։ 2020թ. մասնակցել է Ադրբեջանի և Թուրքիայի կողմից Արցախի Հանրապետության դեմ սկսված պատերազմական գործողություններին՝ որպես ԱԱԾ պահեստազոր։ Մարատ Ղարայանն 2020թ. հոկտեմբերի 14-ից համարվում էր անհայտ կորած։ Ամուսնացած է, ունի երեք անչափահաս որդի։

Մեծ է նրա ավանդը նաև մատաղ սերնդի ռազմահայրենասիրական դաստիարակության գործում։

Մարատ Բորիսի Ղարայանը մեր հիշողության մեջ կմնա որպես իսկական հայրենասեր։ Խորապես ցավակցում և վշտակցում ենք պարոն Մարատ Ղարայանի հարազատներին և մերձավորներին ու մեր զորակցությունն ենք հայտնում կորստյան անսփոփ ցավը մեղմելու համար»:

Նշենք, որ փոխգնդապետն արժանացել է Մարտական խաչ 1-ին աստիճանի շքանշանի:

Այս թեմայով «Հանրապետական» կուսակցությունը այցելել է ազգային հերոս Թաթուլ Կրպեյանի շիրիմին «Զինվոր ծնվել ենք, զինվոր էլ կմեռնենք». լարված վիճակ Տավուշում, ցուցարարները չեն բացում ճանապարհը Արցախի Քարինտակ գյուղը Ադրբեջանը լիովին ջնջել է հողի վրայից Ադրբեջանը քանդել է օկուպացված Շուշիի «Կանաչ ժամ» եկեղեցին ԵՄ–ում արձագանքել են Արցախից ռուս խաղաղապահների վաղաժամ հեռանալուն Պետդումայում ռուս խաղաղապահների առաքելությունն անվանել են «լիովին կատարված» Խաղաղապահների դուրսբերումը ՀՀ ղեկավարի կողմից ԼՂ–ն Ադրբեջանի կազմում ճանաչելու հետևանք է. Կարասին Արցախցիները միջազգային ո՞ր երաշխիքի տակ պիտի վերադառնան Արցախ․ Մխիթարյան Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ) Ադրբեջանում հայտարարել են, թե մեկնարկել է Արցախից խաղաղապահների դուրսբերման գործընթացը