Վարդենիսի ուղղությամբ ադրբեջանական ԶՈՒ-երը երեկ ևս առաջ են եկել, տրամադրված չեն հետ գնալու. Վերին Շորժայի գյուղապետ

Գեղարքունիքի մարզում՝ Վարդենիսի ուղղությամբ ադրբեջանական ԶՈՒ-երը երեկ ևս, մոտավորապես, 300-400 մետր առաջ են եկել։ Այս մասին այսօր՝ մայիսի 14–ին, ԼՈՒՐԵՐ.com-ի հետ զրույցում ասաց Վերին Շորժա համայնքի վարչական ղեկավար Արտյոմ Երանոսյանը:

Վերջինիս խոսքերով՝ ադրբեջանական կողմն այս անգամ առաջացել է Վարդենիսի սարատեղիի ձախ հատվածում, որը ոչ հայկական կողմինն է, ոչ էլ՝ ադրբեջանական. «Նրանք ոչ մի քայլ հետ չեն արել, տրամադրված չեն հետ գնալու, բայց մեր կողմը ոնց պետք է՝ կանգնած է: Մեր զինվորները վերահսկում են իրավիճակը»,– ասաց նա։

Արտյոմ Երանոսյանը նշեց, որ ողջ գիշեր սահմանին հակառակորդի ծանր տեխնիկան է աշխատել. «Տեխնիկա են բերել սարի ծայրին, ամբողջ գիշեր լույսերը վառած աշխատում էին, ձայներն էլ բարձր լսվում էին, բայց թե խրամատ էին փորում, թե ինչ էին անում՝ չեմ կարող ասել»,- ասաց Վերին Շորժա համայնքի վարչական ղեկավարը:

Նա նշեց, որ այս պահին ադրբեջանցի զինվորների հետ որևէ բանակցություն չի ընթանում, իսկ բնակչության շրջանում էլ որևէ խուճապ և անհանգստություն չկա:

Հիշեցնենք, որ ադրբեջանցիները Վարդենիսի ուղղությամբ Հայաստանի պետական սահմանը հատել էին երկու օր առաջ՝ առաջ գալով մոտ 500 մետր։

Զվարթ Պետրոսյան

Այս թեմայով Ախուրյան համայնքի «Երազգավորսի միջնակարգ դպրոց» ՊՈԱԿ-ում փորձարկվելու է էլեկտրական շչակ «Հրապարակ». «Միասնական հայրենիք»-ի ղեկավար Մհեր Տերտերյանը հայտնվել է ամբաստանյալի կարգավիճակում Զարեհ Սինանյանն ու Արա Գոչունյանը խոսել են Թուրքիայի հայ համայնքի ներկայիս իրավիճակի և խնդիրների մասին Վարդենիս համայնքի Բանավան թաղամասում գործարկվելու է էլեկտրական շչակ Շիրակի մարզի Ախուրյան համայնքի Գետք բնակավայրում փորձարկվելու է շչակ Իսրայելը պետք է հարգի Երուսաղեմի Հայոց պատրիարքության և հայ համայնքի իրավունքները. ՀՅԴ Վայք համայնքի Գոմք բնակավայրում գործարկվելու է էլեկտրական շչակ ԵՄ դիտորդական առաքելությունը պարեկություն է իրականացրել Սոթք, Վերին Շորժա, Արավուս և Մովսես բնակավայրերում Պարույր Հովհաննիսյանն ՀՀ-ում ընդունել է Եվրոպայի խորհրդի գրասենյակի նորանշանակ ղեկավար Մաքսիմ Լոնգանգեին Ադրբեջանը կրակել է Սոթքի, Վերին Շորժայի, Կութի և Չինարիի ուղղությամբ, ՀՀ-ն իրադրությունը չի սրել. ՊՆ