Մխիթարյանի գոլը նպաստեց «Ռոմա»-ի հաղթանակին «Լացիո»-ի դեմ խաղում
ՍպորտԻտալիայի ֆուտբոլի առաջնության 37-րդ տուրի շրջանակներում «Ռոմա»-ն Հռոմի Օլիմպիական մարզադաշտում ընդունեց «Լացիո»-ին:
«Արմենպրես»-ի հաղորդմամբ` «հավերժական քաղաքի դերբի»-ում այս անգամ հաղթեց «Ռոմա»-ն: Հանդիպման առաջին կեսի վերջնամասում` 42-րդ րոպեին, Հենրիխ Մխիթարյանն առաջ մղեց «Ռոմա»-ին` խփելով իր 12-րդ գնդակը Սերիա Ա-ի ընթացիկ առաջնությունում: «Գայլերն» իրենց առավելությունը կրկնապատկեցին 78-րդ րոպեին: Այս անգամ աչքի ընկավ Պեդրոն: «Ռոմա»-ն հաղթեց դերբիում` Մխիթարյանը մասնակցեց ամբողջ խաղին:
Այս տուրից հետո «Ռոմա»-ն մրցաշարային աղյուսակում 7-րդն է, իսկ «Լացիոն»-ն` 6-րդը:
Մխիթարյանն առաջին անգամ է գոլի հեղինակ դարձել հռոմեական դերբիում՝ խփելով իր 12-րդ գոլն Ա Սերիայի ընթացիկ խաղարկությունում։ OptaPaolo թվիթերյան էջը հայտնում է, որ այսպիսով Մխիթարյանը ռեկորդ է սահմանել եվրոպական թոփ-5 լիգաներում՝ մեկ մրցաշրջանի ընթացքում խփած գոլերի քանակով։
Ավելին, Մխիթարյանն Ա Սերիայում, Անգլիայի Պրեմիեր-լիգայում և Բունդեսլիգայում հանդես գալու ընթացքում առաջին անգամ է երեք անընդմեջ խաղերում դարձել գոլի հեղինակ։