Դուք բոլորդ, կանգ առեք և ազգային միաբանություն ձևավորեք. Ասողիկ աբեղա Կարապետյան

Ասողիկ աբեղա Կարապետյանը ֆեյսբուքյան էջում գրել է․

«Դուք բոլորդ՝ տարբեր տեսակի գործիչներդ, հին կամ նոր, հայտնի կամ անհայտ, կուսակցական կամ անկուսակցական, քանի դեռ չեք խորտակել ձեր միջի բելին՝ մահաբեր հպարտությունը, քանի դեռ ձեր միջից արմատախիլ չեք արել անձնական ու խմբակային շահը, քանի դեռ չեք գիտակցել ազգային շահի գերակայությունը և ծնկել միա՛կ առաջնորդի՝ հավիտենական Հայաստանի առջև, արտաքին ու ներքին թշնամին վտանգելու են հայ կյանքը, սպառնալու են Ամենակալ Աստծո՝ Իր իսկ հիմնած Մայր Աթոռով պահած այս փոքրիկ Հայաստանին:

Մի՛ փորձեք ձեր Տեր Աստծուն. ձեր բաժանյալ հետևորդներով մի՛ ջլատեք ազգային միասնությունը. անսացե՛ք ողջախոհության ձայնին, որ, վստահաբար, աղեկտուր ճչում է ձեր անապատացյալ ներաշխարհում՝ կոչելով միաբանության:

Ես հավատում եմ, որ Ողորմած Աստված պահելու է այս մի սերմնահատիկ Հայաստանը՝ որպես գալիք ատոք ցորյան հասկ Հայաստանի առհավատչյա, սակայն դուք բոլոր գործիչներդ, անտարակույս, նետվելու եք բորբոքյալ հնոցը, քանի որ կարող էիք սրբորեն պահել ձեզ շնորհված հող Հայրենին, բայց գտնվեցիք թուլակամ, վատհոգի և թողեցիք ձեր բաժին խաչը՝ փախչելով Գողգոթայի անձնազոհ ճանապարհից...

Որպես հայ մարդ, որպես իմ Երկրին հավատարիմ զավակ, որպես ևս առավել հայ հոգևորական դիմում եմ ձեզ ամենքիդ՝ երբևէ Մայր Հայաստանին ծառայած այրերիդ ու գործիչներիդ, կա՛նգ առեք և ազգային միաբանություն ձևավորեք, մեկ զորեղ բռունցք դարձեք և խորտակեք արտաքին ու ներքին թշնամուն, միայն այդպես կճանաչենք և կընդունենք ձեզ՝ որպես ազգասեր, հայրենանվեր ու պետականաշեն առաջնորդներ:

Սարդարապատի հրաշքով և անձնվեր հայորդյաց սխրանքներով մեզ ժառանգություն տրված Մայր Հայաստանը չփորձե՛ք դարձնել առևտրի առարկա. Հայկյան եռաթև նետը բոլոր տեսակի բելերին է հասնում:

Քաջալերվեցեք, արթուն հայեր, մնացեք աղոթող և միշտ պատրաստ Դավթյան վճռորոշ զարկը տալու:

Ասողիկ աբեղա Կարապետյան»։

Այս թեմայով Մայր Աթոռն ինքն է որոշում՝ ով պիտի ներկայացնի իր դիրքորոշումները. տեղեկացրեք նկարահանման տեղն ու ժամը Նոր նշանակումներ Մայր Աթոռում «Հրապարակ». Ոսկեպարի Սուրբ Աստվածածին եկեղեցու տեսահոլովակը 2 օրվա ընթացքում 2 մլն-ից ավելի դիտում է ունեցել Սուրբ Գայանե վանքում կկատարվի հոգեհանգստյան կարգ վթարից զոհված զինծառայողների համար Երևանում խմելու ջրի մայր խողովակի վնասման պատճառով ջուրը ողողել է բնակելի տներ, տեղի է ունեցել փլուզում Մայր Աթոռն առնվազն խախտել է պատվիրաններից մեկը՝ «մի՛ ստիր»-ը․ Վահագն Ալեքսանյան Կլինի՞ մի օր Մայր Աթոռը կուսակրոնությունից խոսա, «ֆեյք նյուզ» է տարածում. ՔՊ-ական Մտահոգիչ է նախագծում «զուգընկեր» հասկացության նորամուծությունը. Մայր Աթոռ Օպերայի շենքի լուսավորության հարցը լուծենք, անցնենք «Մայր Հայաստանի» արձանին. պատշաճ լուսավորված չէ Փորձությունով լցված այս օրերին, Սուրբ Կույսին ուղղված հրեշտակի ավետիսը ձեզ համար է՝ Աստված ձեզ հետ է. Գարեգին Բ