Հերթական կեղծ մեղադրանքով ՀՔԾ է կանչվել Արմեն Գևորգյանը. «Այլընտրանքային նախագծեր խումբ»

Այլընտրանքային նախագծեր խմբի փորձագետներ Վահե Հովհաննիսյանը, Էլինար Վարդանյանը, Ստեփան Մարգարյանը և Գեղամ Նազարյանը հանդես են եկել հայտարարությամբ, որում ասվում է․

«Մեր ունեցած տեղեկություններով՝ այսօր առավոտյան հերթական կեղծ մեղադրանքով ՀՔԾ է կանչվել Արմեն Գևորգյանը։ Սա տեղի է ունեցել Արմեն Գևորգյանի՝ «Հայաստան» դաշինքի շտաբի պետ նշանակվելու որոշումից անմիջապես հետո։ Աբսուրդը ոչ միայն բուն՝ ակնհայտ քաղաքական հետապնդման մեջ է, այլև այն բանի, որ այս պահին, երբ երկիրը կանգնած է նոր «նոյեմբերիննյան» փաստաթղթի և սահմանային բախումների մեծ ռիսկի առջև, այս իշխանության գործունեության միակ նպատակը և իմաստը դարձյալ քրգործերի հարուցումն է։ Երկիրը նորից պատերազմի շեմին է, տարածքային կորուստների շեմին է, կուլիսներում ստորագրվող փաստաթղթերի շեմին է, սոցցանցերը ողողված են մեր զինուժի ստորացման կադրերով, և նույնիսկ նման պահերին քաղաքական իշխանությունը հրահանգներ է տալիս՝ քրեական հետապնդման, նոր գործերի, քննչական մարմինները շարունակում են հնազանդորեն կատարել այս քաղաքական իշխանության պատվերները, քննչական ողջ համակարգն անգամ այս պայմաններում պատանդի պես կատարում է քաղաքական հրահանգներ։

Խնդիրը մասնավոր չէ, Արմեն Գևորգյանի անձի մեջ չէ խնդիրը, թեև, նրանից սկսած, բոլորս պետք է փոխենք երկրում առկա խաղի կանոնը և մթնոլորտը։ Իներտ, դիտորդական պահվածքից պետք է անցում անել ավելի հստակ քայլերի։ Անել դա փողոցում, թե քաղաքական գործիքներով՝ որոշման հարց է, բայց միանշանակ է, որ դա պետք է արվի։ Սա վերաբերում է բոլորին՝ սկսած «Հայաստան» Դաշինքից, մինչև մյուս իրական ընդդիմադիր ուժեր, քաղաքացիական հասարակություն, պարզապես քաղաքացիներ։

Այսօր պարտության դեմքը նույն ոճով շարունակում է ղեկավարել երկիրը. սա նշանակում է, որ հետևանքներն էլ լինելու են նույնը։

Վստահ ենք, որ կա անհրաժեշտություն.

1.  Խստիվ զգուշացնել պետական համակարգին, իրավապահներին, որ ապօրինի գործունեությունը անհետևանք չի լինելու, ապօրինի հրահանգների կատարումը նոր իշխանության ձևավորումից հետո խստորեն պատժվելու է։ Անհատապես՝ պատժվելու են։

2.  Անհապաղ սկսել խորհրդակցություններ, հանրային լայն համախմբման գործընթաց՝ փոխելու համար ուրվագծվող նոր զարգացումների ընթացքը։ Համախմբում՝ իրական ուժերի, իրական շրջանակների, իրական անհատների, և ոչ թե՝  անարդյունավետ ֆորմատներով։

Այլընտրանքային նախագծեր խումբ

Վահե Հովհաննիսյան

Էլինար Վարդանյան

Ստեփան Մարգարյան

Գեղամ Նազարյան

Այս թեմայով Էդ ո՞վ ա էդ Արմեն Գրիգորյանը, թող գա տեսնենք՝ ինչ անվտանգություն կա, թող գա ստեղ աշխատի. կիրանցեցի (տեսանյութ) Գրիգորյանը չի մասնակցի Պետերբուրգում Անվտանգության հարցերը համակարգող ներկայացուցիչների հանդիպմանը ՀԻՄԱ․ ՀՀ ԱԺ արտաքին հարաբերությունների մշտական հանձնաժողովի հերթական նիստ Երևանում հերթական ավտովթարն է տեղի ունեցել ավտոբուսի մասկանցությամբ Ինչ է անում փաշինյանական խունտան Հայաստանի սահմանները թուլացնելու առումով․ Արմեն Այվազյան Որոնվող 63-ամյա տղամարդու սպանության մեղադրանքով կալանավորվել է Կապանի բնակիչ Սակրավորների նոր խումբ եկավ Ոսկեպարի Եկեղեցու տարածք. ցուցարարները փորձում են կանխել ականազերծումը (տեսանյութ) Իշխանության կողմից մեծաքանակ կեղծ լուրերի դաշտ նետելը ցույց է տալիս իրենց ներսում առկա խորը մտահոգությունը. Աբրահամյան Տավուշի վարչական ղեկավարները կանչվել են կառավարություն. Բագրատ Սրբազան Ներքին զգացողություն ունեմ, որ այս տարվա Ջահերով երթը չի լինի պարզապես հերթական զբոսանքը Երևանի փողոցներով․ Էդգար Ղազարյան