Այս իշխանության օրոք ցանկացած որոշում եղել է ի վնաս Հայաստանի. Վազգեն Մանուկյան

Այս իշխանության օրոք ցանկացած որոշում եղել է ի վնաս Հայաստանի: Այս մասին այսօր` մայիսի 20-ին, Կառավարության շենքի մոտ NEWS.am-ի հետ զրույցում ասաց «Հայրենիքի փրկության շարժման» վարչապետի թեկնածու Վազգեն Մանուկյանը:

«Կապիտուլյացիայի պայմանագիրը սարսափելի էր, բայց այն, ինչ որ դրանից հետո շարունակվեց կատարվել, նույն սարսափը շարունակում է առաջացնել դա: Դուրս գալ Զանգելան-Կուբաթլուից, Սյունիքի սահմանների համար ստեղծել  վտանգ, GPS-ով սահման որոշել, թողնել Իշխանաասարը, Սեւ լիճը: Երեկ որ հրապարակվեց, որ Տավուշից ինչ-որ գյուղեր պիտի տան, բայց դա նորություն չէր,  դա եռակողմ հայտարարության առաջին խմբագրության մեջ գրված էր, որ Տավուշի շրջանի որոշ տարածքներ պետք է տրվեն Ադրբեջանին: Հետո դա քողարկեցին, մտցրեցին գաղտնիի մեջ:  Հիմա մի փաստաթուղթ կլինի, վաղը ուրիշ փաստաթուղթ կլինի, մենք անընդհատ կորցնելով, գնում ենք առաջ»,-ասաց նա:

Մանուկյանի խոսքով` սահմանները պետք էր որոշել միջազգային ընդունված կանոնակարգով, ոչ թե GPS-ով, որի դեպքում մենք նորից տարածքներ ենք կորցրել:

«Հետո էլ իրանք եկան առաջ, հիմա էլ փաստաթղթի մեջ գրած է, որ հաշվի առնել սովետական սահմանները, նաեւ ստեղծված իրավիճակը, իսկ իրավիճակն այն է, որ Իշպանասարը իրենց ձեռքում է, վաղը մյուս օրը Քյարքիի հարցը կառաջանա եւ այլն, եւ այլն»,-ասաց նա:

Հարցին, թե հնարավոր է այս փաստաթուղթը իրավիճակ փոխի, Մանուկյանը ասաց, որ հուսով է որ պետք է փոխի եւ ինքն էլ շատ բացասաբար է վերաբերում նշանակված արտահերթ ընտրություններին:

«Անիմաստ է գնալ ընտրությունների, քանի որ Նիկոլ Փաշինյանը իշխանությունը պահեց կապիտուլյացիայից հետո, երբ ուրիշ երկրներում իրեն կամ կձերբակալաեին, կամ հրաժարական կտար»,-ասաց նա:

Մանուկյանի խոսքով` եթե Հայրենքի փրկության շարժման ֆորմատը վերադառնա, ուրիշ ֆորմատ կլինի, որոշ կուսակցություններ կավելանան եւ որոշ կուսակցություններ կպակասեն:

Այս թեմայով Որ քաղմաս մտնում ես, Նիկոլ են հայհոյում, ինքը գիտի՝ ոստիկաններն իր հետ են. Գեղամ Մանուկյան (տեսանյութ) Այն, ինչ անում է, վայել չէ որևէ պետության ղեկավարի․ Վազգեն Մանուկյանը՝ Փաշինյանի մասին (տեսանյութ) Վազգեն Սաղաթելյանը կշարունակի կալանավորված մնալ. մերժվել է կալանքի դեմ բողոքը Նիկոլը վախենում է ու ճիշտ է անում, պատմությունը չի ներում դավաճաններին. Վազգեն Սաղաթելյան Փնտրվում է ՄԻՊ-ը. գտնողներին խնդրում ենք հարցեր տալ Նարեկ Սամսոնյանի և Վազգեն Սաղաթելյանի ձերբակալության ու կալանավորման մասին Վերաքննիչ դատարանն արդարացրեց ինձ և իմ պայքարի ընկերներին. Տարոն Մանուկյան «Նարեկ Սամսոնյանի և Վազգեն Սաղաթելյանի կարգավիճակը բավարարում է ոչ միայն քաղաքական բանտարկյալի, այլև խղճի բանտարկյալի չափանիշներին». «Փաստ» Դժվարին որոշում եմ կայացրել այս պահին չհավակնել ԲԴԽ դատավոր անդամի թափուր տեղին. Վազգեն Ռշտունի Մեր ցավակցությունները փոխանցեցի ռուս ժողովրդին, մաղթեցի ուժ, կորով․ Գեղամ Մանուկյան Վազգեն Սաղաթելյանը երկու ամսով կալանավորվեց