Չհամարձակվե՛ք անիքնիշխան վիճակի մեղքը բարդել ԱԳՆ-ի վրա․ ՀՀ նախագահի խորհրդական

ՀՀ նախագահի խորհրդական Ռուբեն Կարապետյանի ֆեյսբուքյան էջում գրառում է արել՝ կարծիք հայտնելով, որ Հայաստանում ստեղծված ներքաղաքական իրավիճակի պայմաններում վտանգ կա, որ կկազմաքանդվի հայոց պետականությունը և առաջին հերթին մեր պետության անվտանգությունն ապահովող երեք հիմնարար հենասյուները՝ ՊՆ-ն, ԱԱԾ-ն և ԱԳՆ-ն։

«Արցախյան պատերազմում կրած պարտությունից հետո և արդեն ՀՀ տարածքում պատերազմի շարունակության՝ թշնամու ԶՈՒ ներխուժման ու նրանց ներկայության պահպանման պայմաններում, երկրում գնալով կործանիչ բնույթ է ընդունում շարունակվող ներքաղաքական ճգնաժամը, որի երկարաձգումն ուղղակի կազմաքանդելու է Հայոց պետականությունը և առաջին հերթին մեր պետության անվտանգությունն ապահովող երեք հիմնարար հենասյուները՝ ՊՆ-ն, ԱԱԾ-ն և ԱԳՆ-ն։

Երեկ փորձեր կատարվեցին պետականության դեռևս վերջին անսասան մնացած պատվարներից մեկը՝ ԱԳՆ-ն նույնպես ներքաշելու ներքաղաքական գործընթացում, փորձելով ստեղծված իրավիճակի մեղքի որոշակի բաժինը բարդել նաև ԱԳՆ-ի վրա, կապված երկրի վարչապետի ստորագրվելիք փաստաթղթի հետ։

Ես հիմա չեմ կենտրոնանա հասարակությանը դեռևս անհայտ այդ փաստաթղթի հնարավոր ստորագրմանն ու դրա կանխման միջոցներին, սակայն հարկ եմ համարում նշել, որ ՀՀ անկախությունից հետո ԱԳՆ-ն, ինչպես Հայկական բանակը, ստեղծվել է գրեթե զրոյից և հանդիսանում է ՀՀ ազգային անվտանգությունը ապահովող ուժային հիմնարար հենասյուներից մեկը։ Այս տարիների ընթացքում մեզ հաջողվել է ստեղծել իրապես կայացած գործուն համակարգ՝ բարձրակարգ պրոֆեսիոնալ դիվանագետներով, որոնք ունակ են լուծել ցանկացած բարդագույն դիվանագիտական խնդիր։ Սա ասում եմ վստահաբար, որովհետև պատիվ եմ ունեցել մասնակցելու և հպարտ եմ, որ իմ համեստ ներդրումն եմ ունեցել ԱԳՆ համակարգի կայացման ու զարգացման գործում մեր արտաքին քաղաքական գերատեսչության հիմնադրման պահից։ Քաջ հայտնի է, որ արտաքին քաղաքականությունը ներքինի շարունակությունն է կամ այն, որ «արտաքին քաղաքականությունը սկսում է տանը»։ Այնպես, որ չհամարձակվեք մեր տան ներսի քայքայիչ խնդիրների ու անիքնիշխան վիճակի մեղքը բարդել ԱԳՆ-ի վրա, որն իր սահմանափակ միջոցներով ու իր վրա մշտապես գզալով երկրի ներքին քաղաքականության բացասական ազդեցությունը պատվով կատարել, կատարում և շարունակելու է կատարել իրեն վերապահված գործառույթները։

Ստեղծված վիճակում անընդունելի եմ համարում ԱԳՆ-ին ներքաղաքական խնդիրների մեջ ներքաշելու, արտաքին քաղաքական գերատեսչության հեղինակազրկման, նրա բնականոն գործունեության խաթարմանն ուղղված որևէ փորձ, այնպես ինչպես անթույլատրելի է այսօր մեղադրել պատերազմում պարտության մեջ մեր բանակն ու զինվորներին։

Մի՛ մոռացեք, որ դիվանագետները նույն մեր զինվորներն են, բայց՝ արտաքին ճակատի»։

Այս թեմայով Փոխվարչապետ Մհեր Գրիգորյանը նոր խորհրդական ունի ՀՀ ԿԸՀ նախագահի գլխավորած պատվիրակությունը հրավիրվել է Կորեայի Հանրապետություն Ղազախստանի նախագահի հետ տորագրվել են մի շարք երկկողմ համագործակցության փաստաթղթեր Տեղի է ունենում ՀՀ վարչապետի և Ղազախստանի նախագահի առանձնազրույցը Վահագն Հովակիմյանի ընտրությունը ՀՀ ԿԸՀ նախագահի պաշտոնում անհանգստացրել է քաղաքացիական հասարակությանը. զեկույց Արմեն Գրիգորյանը Ֆինլանդիայում ԵԱՀԿ ԽՎ նախագահի հետ հանդիպմանը կարևորել է կառույցի դերը երկրների միջև խաղաղության հաստատման գործընթացում Վարչապետն ընդունել է Ֆրանսիայի Բուշ դյու-Ռոն դեպարտամենտի խորհրդի նախագահի գլխավորած պատվիրակությանը Առաջարկվում է ՀՌՀ նախագահի և հանձնաժողովի անդամների գործակիցները բարձրացնել. նախագիծ ՀՀ գլխավոր դատախազը նոր խորհրդական ունի Ամենայն Հայոց Կաթողիկոսն ընդունել է Ֆրանսիայի Բուշ-դյու-Ռոնի Դեպարտամենտային խորհրդի նախագահի գլխավորած պատվիրակությանը