Խղճում եմ Ալիևին, նա վաղուց նման նվաստացման չէր ենթարակվել․ Լապշինը՝ ՄԻԵԴ որոշման մասին

Ճիշտն ասած, ես մի փոքր խղճում եմ Ադրբեջանի նախագահ Իլհամ Ալիևին: Նա վաղուց  նման նվաստացման չէր ենթարակվել: Ֆեյսբուքյան իր էջում գրել է ռուսաստանից բլոգեր Ալեքսանդր Լապշինը։

«Սկզբում նա անձամբ և ամենաբարձր մակարդակով մեկնաբանում էր իմ ձերբակալման հետ կապված այս ամբողջ պատմությունը, քննարկում էր Լուկաշենկոյի հետ, պարծենում էր, ուղարկում էր իր անձնական ինքնաթիռը հատուկ նշանակության ջոկատներով իմ հետևից, հայտարարություններ էր անում ճանապարհորդ Լապշինի գործում «ադրբեջանական արդարադատության» գերակայության մասին: Ամեն ինչ այնքան լավ էր սկսվել:
  
Բայց հետո գործերը սկսեցին վատանալ: Իմ դատի գործով փակուղի մտան` չիմանալով ինչ անել, խայտառակվեցին ամբողջ աշխարհի առաջ, իրենց կողմն ուղղեցին Եվրամիության, Ռուսաստանի, Իսրայելի, ԱՄՆ-ի և բոլոր իրավապաշտպան կազմակերպությունների քննադատությունները, ինձ վրա հարձակվեցին Ադրբեջանի ամենապաշտպանված բանտում` ցույց տալով, որ Իլհամ Ալիևը կորցրել է վերահսկողությունն իր երկրի ներսում տիրող իրավիճակի նկատմամբ:

 Այնուհետ, խուճապի մեջ, Ալիևը կրկին անձամբ սկսել էր հայտարարություններ անել, թե իբր Լապշինն է իրեն կախել, իսկ մենք նրան փրկել ենք: Իսկ նրա խորհրդական Ալի Հասանովը ուրախությամբ ու բազմիցս հայտարարում էր, որ Լապշինը, որն իբր կոմայի մեջ էր Բաքվի հիվանդանոցներից մեկում, շնորհակալական նամակներ է գրել նախագահ Ալիևին: Եվ այժմ ՄԻԵԴ-ը պաշտոնապես հաստատել է, որ նամակները կեղծ են, իսկ Լապշինը երբեք ոչ մի նամակ չի գրել Ալիևին: Նշանակում է, որ Ալիևի մերձավոր շրջապատը նրան հիմարի տե՞ղ է դրել: Դա ինձ հիշեցնում է թե ինչպես էր 70-ական թվականներին գլխավոր քարտուղար Լեոնիդ Իլյիչ Բրեժնևը գնում ձկնորսության, ջրասուզորդներն էլ ձուկ էին կպցնում կարթին, և նա ուրախությամբ ասում էր. «Օ՜, այսօր բախտս բերում է, որսը լավն է»:

Ադրբեջանի նախագահի համար այս ամբողջ պատմությունը մի խայտառկ մղձավանջ է: Դուք նկատել եք, որ ՄԻԵԴ-ը որոշումն ընդունել է երկու օր առաջ, բայց բացարձակապես բոլոր լրատվամիջոցները Ադրբեջանում լռում են: Ոչ մի հոդված, ոչ էլ մեկնաբանություն: Ենթադրում եմ, որ նրանք սարսափահար  խորհրդակցում են, թե ինչ պետք է անեն հիմա և ինչպես բացատրել այս ազգային ամոթը իրենց ժողովրդին, և մի բան էլ նվաստացած վճարեն Լապշինին 30 000 եվրո:

Կարծում եմ ՝ վաղը կամ մյուս օրը Բաքվի քարոզիչները հրահանգներ կստանան և կսկսեն հրատարակել հետևյալ ապուշ վերնագրերը.

- Լապշինը վճարել է Եվրոպային, բայց ճշմարտությունը մեր կողմն է:

- Հայերն իրենք են փորձել սպանել Լապշինին ադրբեջանական բանտում, իսկ մենք մեղավոր չենք:

- Եվրոպան չի սիրում Ադրբեջանը, քանի որ մենք իսլամի հետևորդ ենք»,-գրել է Լապշինը:

Այս թեմայով Արցախի՝ առեւանգված պետական գործիչներին տեղափոխել են բժշկական շենք՝ լուսանկարվելու․ Լապշին․ «Փաստինֆո» «Ադրբեջանցիները սադրում են խաղաղապահներին, թե՝ սա մեր ադրբեջանական հողն է, թող գնանք Ստեփանակերտ». Լապշին (տեսանյութ) Առանց Ադրբեջանի ղեկավարության հրահանգի՝ «Եվրատեսիլում» ոչ մի գրկախառնություն չէր լինի․ Լապշին Նաիրի Հոխիկյանը ներկայացրել է Լապշինի հետ կապված խոսակցության փաստերը (տեսանյութ) Ցավոք, ես չեմ կարող հաստատել այն բաները, որոնք չեն եղել, նույնիսկ եթե Նաիրին հրապարակի ձայնագրություններ․ Լապշին ՄԻԵԴ-ը պարտավորեցրել է Ադրբեջանին բլոգեր Ալեքսանդր Լապշինին վճարել 30 հազար եվրո Ադրբեջանցիները պարբերաբար այցելում են Կապան՝ գնումներ կատարելու. Լապշին Լապշինն այցելել է Ղազանչեցոցում վիրավորված ռուս լրագրողին․ նա բուժվում է ՀՀ-ում Իսրայելական կազմակերպությունը դատի է տվել ՊՆ-ին՝ պահանջելով զենք չմատակարարել Ադրբեջանին Ալիևը կմնա պատմության մեջ՝ որպես խայտառակ կերպով փոքրիկ Հայաստանին պարտված առաջնորդ․ Լապշին