Ընթանում են քննարկումներ՝ այդ արձանը տվյալ տարածքում տեղադրելու նպատակահարմարության շուրջ․ Ստեփանակերտի քաղաքապետարան
ԱրցախՍտեփանակերտի քաղաքապետարանը տեղեկացնում է․
«Հարգելի հայրենակիցներ, Ստեփանակերտի «Մենք ենք մեր սարերը» հուշարձանի տարածքում տեղադրված բանալու տեսքով արձանի շուրջ սոցցանցերում տարաբնույթ քննարկումներին ի պատասխան՝ տեղեկացնում ենք, որ ընթանում են քննարկումներ հասարակական և գիտական շրջանակներում՝ այդ արձանը տվյալ տարածքում տեղադրելու նպատակահարմարության շուրջ: Սպասում ենք մասնագիտական եզրակացությանը՝ վերջնական որոշում կայացնելու համար:
Հիշեցնենք, որ Ստեփանակերտի «Մենք ենք մեր սարերը» հուշարձանի տարածքում տեղադրված բանալու տեսքով արձանը արցախցիների մոտ մտահոգություն է առաջացրել․ նրանք չգիտեն, թե ինչ է այն խորհրդանշում եւ ինչպես «հայտնվեց» հուշարձանի տարածքում: