Հակառակորդի թվաքանակը, տեղաշարժը գիտենք, բայց չեմ հրապարակի. Գեղարքունիքի մարզպետ
ՀասարակությունՆոյեմբերի 9-ից սկսած սահմանի պահպանման, ինժեներական տարբեր աշխատանքներ արվել են, որոնք շարունակվում են մինչեւ այսօր, իսկ վերջին իրադարձությունների հետ կապված, այդ սահմանային ինժեներական աշխատանքները շատ ավելի ինտենսիվ են արվում:
«Որքան ես տեղյակ եմ մեր տղաների գերի ընկնելու հանգամանքը տեղի է ունեցել որոշակի հատվածում ինժեներական աշխատանքներ իրականացնելիս: Այդ պրոցեսն անընդհատ շարունակվում է»,-ասաց մարզպետը:
Հարցին, թե ին չ տարածքով են առաջ եկել ադրբեջանցիները եւ, մոտավորապես, ինչ թվաքանակով են եղել, Սանոսյանը պատասխանեց. «Թվաքանակներ հայտնի են, բայց թվեր չեմ հրապարակի: Մենք ինֆորմացիային տիրապետում ենք ամբողջությամբ, գիտենք քանի հոգի են, որտեղ են, տեղաշարժը գիտենք: Երբեմն դա տեղափոխվում է: Վայրեր կան, որտեղ նոսրացել է նրանց թվաքանակը, կարծում եմ, որ ճիշտ չէ հիմա թվաքանակ հրապարակելը»։
Հարցին ինչու՞ հայկական կողմը հենց ամենասկզբից գերիներ չվերցրեց և համարժեք պատասխան չտվեց ադրբեջանական կողմին, Սանոսյանը պատասխանեց.
«Ես չեմ կարող այդ հարցին պատասխանել, ես պատասխանատու եմ մարզի համար, բայց այս իրավիճակի հետ կապված կա Պաշտպանության նախարարություն և Զինված ուժեր»:
Դիտարկմանը, թե որպես ղեկավար քննարկումներ, բանակցություններ տարե՞լ է, Սանոսյանը նշեց.
«Ակնհայտ է տարածքը խախտել են, ակնհայտ է, որ պետք է դուրս գան, բայց կարծում եմ հայկական կողմը դիվանագիտական ճիշտ աշխատանք է անում, որ խնդիրները հանգուցալուծվի խաղաղ ճանապարհով»: