Պատրաստ ենք քաղաքական դաշինք կազմել բոլոր ազգային ուժերի հետ. «Ազգային օրակարգ»

Մինչև 2020 թվականի պատերազմը և նույն թվականի նոյեմբերի 9-ին Պուտին-Փաշինյան-Ալիև եռակողմ խայտառակ կապիտուլացիոն փաստաթղթի ստորագրումից հետո էլ «Ազգային Օրակարգ» կուսակցությունը հրապարակային կերպով հանդես է եկել և հետևողական պայքար է մղել՝ 1) Փաշինյանի ու իր իշխանախմբի հրաժարականի և ապա իշխանազրկման, 2) ազգային համաձայնության անցումային կառավարության ստեղծման, և այնուհետև 3) արտահերթ խորհրդարանական ընտրությունների միջոցով ազգային իշխանությունների ձևավորման համար։ Այս մասին հայտարարություն է տարածել «Ազգային օրակարգ» կուսակցությունը:

Հայտարարությունում նաեւ ասվում է. «Ցավոք, մի շարք քաղաքական ուժերի հետ մեկտեղ վերջին յոթ ամսվա ընթացքում իրականացվող ընդդիմադիր շարժումը չհասավ մեզ համարընդունելի արդյունքին և այժմ հայ հանրությունը առերեսվում է հակապետական իշխող համակարգի կողմից կազմակերպված արտահերթ խորհրդարանական ընտրությունների իրողությանը։

Տիրող հակահայկական ուժերից Հայաստանը ազատագրելու և հայոց պետության վերջնական կազմաքանդումը կասեցնելուհամար անհրաժեշտ ազգային-ազատագրական պայքարի համատեքստում՝ կուսակցությունն առկա ընտրությունները դիտարկում և օգտագործելու է միայն որպես նշյալ պայքարը առավել ընդգրկուն դարձնելու հնարավորություն։

Ելնելով վերը շարադրվածից, «Ազգային օրակարգ» կուսակցության խորհուրդը որոշում է կայացրել առանց դաշինքների մեջ ներառվելու, մասնակցել հունիսի 20-ին նշանակված արտահերթ խորհրդարանական ընտրություններին, ինչը նաև հիմնավորվում է հետևյալի հաշվառմամբ՝

ա)«Ազգային օրակարգ» կուսակցությունն իր հանրահռչակման պահից սկսած անհաշտ ընդդիմադիր է եղել թշնամական իշխանակարգին և նրա տարատեսակ արբանյակներին,

բ)ընտրողների շրջանում մեծաքանակ չկողմնորոշվածների հանգամանքը փաստում է հանրության կողմից պահանջարկված գաղափարական-ծրագրային այլընտրանք ձևավորելու անհրաժեշտությունը, ինչպես նաև խիստ կարևորում է սթափ և ճշգրիտ երկխոսությունը՝ անվտանգային և գոյութենական հիմնահարցերի շուրջ,

գ)քաղաքական դաշտում գործող ուժերի տեսանելի մասը այս կամ այն ձևաչափում սպասարկում են արտաքին կենտրոնների շահերը և հաճախ ապագան պատկերացնում են այդ կենտրոններից որևէ մեկին մեր ինքիշխանությունը զիջելու տրամաբանության մեջ։ Ասվածը առաջնահերթ է դարձնում հայությանը անվտանգ, ազատ և արդար Հայաստանի կերտման ազգայնական օրակարգի մեկնաբանումը և տրամադրումը։

Միաժամանակ վերահաստատում ենք, որ որևէ պարագայում ընդհանրության որևէ աղերս չենք ունենալու, և առավել ևս չենք համագործակցելու թշնամական իշխանախմբի և դրան հարակից ուժերի հետ։ Հայտնում ենք նաև, որ իրադարձությունների զարգացմանը զուգընթաց պատրաստ ենք գործակցել, նույնիսկ՝ քաղաքական (ոչ ընտրական) դաշինք կազմել բոլոր ազգային ուժերի հետ՝ ի փառս ինքնիշխան, անվտանգ ու կանգուն Հայաստանի։

Այս թեմայով Քննիչն ասել է, որ ՔՊ-ի կողմից հնչեցված «ականջներդ ու լեզուդ կկտրեմ»-ը քաղաքական գնահատական է Արևմուտքը ոչնչացնում է ՀՀ-ում ազգային ամեն ինչ, հետո, խաղից կշտանալով, թողնելու է միայնակ. Զախարովա Քանի քաղաքական ուժ և կազմակերպություն է սատարում Սամվել Վարդանյանին Ինչո՞վ է ազգային արժեհամակարգը խանգարում քայքայիչ ուժերին. «Փաստ» Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ) Ջերմ շնորհավորանքներ եմ հղում Ձեզ և Սիրիայի ժողովրդին Սիրիայի ազգային տոնի՝ Անկախության օրվա առթիվ Ջանքեր ենք գործադրում, որ ՀՀ-ի եզդիական համայնքը կարողանա պահպանել իր ազգային ինքնությունը․ Փաշինյան Սամվել Վարդանյանի նկատմամբ դաժան խոշտանգումը անձամբ ՔՊ ղեկավարի քաղաքական պատվերի արդյունք է․ հայտարարություն «Իրավունք». «Շանթ դաշինք». հայր եւ որդի պատրաստվում են ընտրությունների ԵԱՏՄ-ն տնտեսական միավորում է՝ առանց որևէ քաղաքական և, հատկապես, աշխարհաքաղաքական օրակարգի