6 զինծառայողների գերեվարումը կապ ունի՞ Իրանի ԱԳ նախարարի՝ Հայաստան կատարած այցի հետ

Երեկ՝ մայիսի 26-ին, Իրանի ԱԳ նախարար Մոհամմադ Ջավադ Զարիֆն այցելել էր Հայաստան: Վերջինս Երևանում էր Բաքու կատարած այցից հետո, որտեղ հանդիպել էր Իլհամ Ալիևին՝ շեշտելով նրա «պատմական դերը ադրբեջանական տարածքների ազատագրման հարցում»։ Այսօր առավոտյան ՀՀ Գեղարքունիքի մարզի սահմանային հատվածում ադրբեջանական զինված ուժերի զինծառայողների կողմից շրջափակվել և գերեվարվել է ՀՀ ԶՈՒ 6 զինծառայող։

Իրանագետ Վարդան Ոսկանյանը ԼՈՒՐԵՐ.com-ի հետ զրույցում նշեց, որ միջադեպը որևէ կապ չունի Իրանի ԱԳ նախարարի՝ Հայաստան կատարած այցի հետ:

«Ընդհանուր առմամբ, եթե մենք փորձենք որևէ բացատրություն գտնել, ապա ակնհայտ է, որ դա պայմանավորված է երկու հանգամանքով՝ Բաքվի բռնապետի ակնհայտ լկտիությամբ, որը պետք է սանձել, և այսօր Հայաստանում իրեն իշխանություն համարող վարչախմբի ապաշնորհությամբ, ինչի հետևանքով էլ մենք ունենք այս տխուր իրավիճակը: Բնականաբար, նախարարի այցը որևէ կապ չի կարող ունենալ, և նաև կա մի կարևոր հանգամանք. եթե դիտարկենք իրանական կողմի դիրքորոշումն այս ամենի համատեքստում, ապա պարզ է, որ իրանցիները կողմ են, որպեսզի ՀՀ սահմանների նկատմամբ որևէ ոտնձգություն չկիրառվի, և ՀՀ քաղաքացիները չգերեվարվեն թշնամու կողմից»,- նկատեց իրանագետը:

Ոսկանյանը հիշում է, որ ՀՀ հետանկախության շրջանում չի եղել նման իրավիճակ, երբ «թշնամական զորամիավորումները, առանց որևէ արգելքի, խորանան Հայաստանի Հանրապետության տարածք, դիրքավորվեն, իրենց պահեն լկտիաբար և, դեռ այս ամենը մի կողմ դրած, կարողանան գերեվարել նաև մեր զինվորներին. սա ուղղակի, մեղմ ասած, անընդունելի է, որի պատասխանատուն այսօր Հայաստանում իրեն իշխանություն համարող վարչախումբն է»:

Իրանագետը նշում է, որ իրավիճակի հանգուցալուծման համար, նախ, պետք է դիտարկել խորքային պատճառները, որոնք հետևյալներն են.

«Այսպես կոչված, թշնամական կողմի սողացող ներխուժումն է դեպի ՀՀ արդեն ինքնիշխան տարածք, իսկ դրա դեմն առնելու համար կարիք ունենք Հայաստանի ներսում վերափոխումներ իրականացնելու. խոսքը վերաբերում է թե՛ բանակին, թե՛ հասարակական տրամադրություններին, թե՛ ընդհանրապես մեր պետության անվտանգության մակարդակի բարձրացմանը: Ակնհայտ է, որ դա կարող է անել ոչ այսօր իրեն իշխանություն համարող այս վարչախումբը և պետք է նոր իշխանություն, որը կկարողանա պատշաճ կերպով արձագանքել և կանխել այն բոլոր մարտահրավերներն ու ռիսկերը, որոնք այժմ ի հայտ են եկել ՀՀ-ի և  Արցախի համար»,-եզրափակեց Ոսկանյանը:

Արփինե Հակոբյան

Այս թեմայով «Հող ու ջուր, մեր ու մանուկ ուրացել ենք». քաղաքացիները փակել են Երևան-Գյումրի ավտոճանապարհը (տեսանյութ) Հյուսիսային Կորեան պատվիրակություն է ուղարկել Իրան Մինչ ոմանք ցնծում են ինչ-որ «ստոլբով», Բաքվի պարագլուխը վերհաստատում է հակահայկական նախապայմանները․ իրանագետ Սպասում ենք Երևան-Սևան ճանապարհը բացվի, որ գնանք միանանք Կիրանցի մեր հայրենակիցներին. Ակցիայի մասնակից Ապարանում բախվել են Վանաձոր-Երևան «ГАЗель»-ը, «Volkswagen»-ն ու «Lada»-ն. կա 7 վիրավոր Ալիևը Զելենսկիին հրավիրել է Բաքու ՈՒՂԻՂ․ Բազմաթիվ քաղաքացիներ փակել են Երևան-Սևան մայրուղին Սևանի թերակղզու հատվածում Դեպի Երևան և Երևանից մեկնող 12 չվերթ հետաձգվել է Գիշերը ևս շարունակելու ենք փակ պահել Երևան-Թբիլիսի միջպետական ճանապարհը. Գառնիկ Դանիելյան Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ)