Մեր ինքնության ճգնաժամի արմատները պետք է փնտրել կրթության մեջ․ Աննա Գրիգորյան

21-րդ դարում առավել քան ակնհայտ է, որ որակյալ կրթությունը պետության առաջնահերթությունը պետք է լինի, կրթությունն ու գիտելիքը ազատ մարդու, պատասխանատու քաղաքացու, առողջ հասարակության, ազգային արժեքների պաշտպանության եւ ուժեղ պետության առհավատչյան է։ Այս մասին, յսօր՝ մայիսի 29-ին, «Հայաստան» դաշինքի նախընտրական ծրագրի կրթության վերաբերող հատվածը  ներկայացնելիս ասաց ԱԺ պատգամավոր, «Ազգային վերածնունդ» կուսակցության փոխնախագահ Աննա Գրիգորյանը:

«Այն, իհարկե, նաև բարեկեցիկ կյանքի գրավականն է։ Այն ընտանիքները, որտեղ չկա բարձրագույն կամ մասնագիտական կրթություն ունեցող որևէ անդամ, մեր երկրում ունեն եկամուտի ամենացածր ցուցանիշները, ուստի մեզ համար կրթությունը, գիտությունը, լինելու են պետության առանցքային առաջնահերթությունները»,- ասաց նա։

Նրա խոսքով՝ իրենք որակյալ և ժամանակակից կրթություն են ապահովելու երկրի ողջ տարածքում՝ բացառելով լեռնային, բարձր լեռնային և սահմանամերձ համայնքներում դպրոցների օպտիմալացումը: «Համայնքներում դպրոցների փակումը հանգեցնում է ներքին միգրացիայի, որի հետեւանքով բազմաթիվ գյուղեր կարող են դատարկվել: Մենք չենք կարող թույլ տալ, որ մարդաթափ լինեն հատկապես սահմանամերձ գյուղերը: Մեր երեխաներն իրավունք ունեն կրթություն ստանալ իրենց ծննդավայրում, մարդիկ չպետք է ստիպված լինեն  տեղափոխվել հարեւան գյուղ, հետո մարզկենտրոն: Համայնքներում կներդրվի այդ համայնքերում աշխատող ապագա ուսուցիչների սոցիալական երաշխիքների համապարփակ համակարգ»,-ասաց Գրիգորյանը:

«Մրցունակ կրթության և որակյալ գիտելիքի երաշխավորն, իհա՛րկե, արհեստավարժ մանկավարժն է: Չերչիլն ասում էր՝ ուսուցիչներն ունեն այնպիսի իշխանություն, որի մասին վարչապետները միայն երազել կարող էին: Պետք է վերարժևորել մանկավարժի տեղն ու դերը մեր հասարակությունում»,-ասաց Աննա Գրիգորյանը՝ հավելելով, որ նախատեսվում է ավելացնել մի շարք ուղղություններով մասնագիտությունների ֆինանսավորումը:

«Պետությունը չպետք է տնտեսի կրթության ու դպրոցի վրա: Անարդար է, որ հաճախ մոռացության են տրվում նախակրթարանների աշխատակիցները, որոնք չեն համարվում սոցիալական ծառայության շահառուներ: Նրանք չեն օգտվում սոցպաթեթով տրվող առավելություններից: Այս անարդարությունը պետք է շտկել: «Հայաստան» դաշինքը նաեւ նախատեսում է 50 տոկոսով ավելացնել բնագիտություն, տեխնոլոգիա, ճարտարագիտություն,  մաթեմատիկա եւ հայագիտական ուղղութուններով մասնագիտություններից ֆինանսավորումը մեկ ուսանողի մասով: Շղթան փակելու համար պետք է գիտությանը տրվող գումարը էապես ավելացնել:

Մենք որդեգրելու ենք գիտության կառավարման և ֆինանսավորման արդյունավետ մոդել: Արժեքային ճգնաժամի հաղթահարումը պետք է կրթության և գիտության զարգացման միջոցով լինի»,- ասաց նա:

Աննա Գրիգորյանը նաեւ նշեց, որ կձեւավորվի անձեռնմխելի կապիտալով պետական հիմնադրամ, որը կֆինանսավորի գիտական առաջնահերթությունների ուղղությամբ արտերկրի առաջատար մասնագետների մեր գիտական եւ բուհական համակարգերում մասնակի կամ ամբողջական դասվանդումը եւ երկարաժամկետ գիտական գործունեությունը:

«Մոտ ապագայում կթվայնացվի եւ կապակենտրոնացվի դպրոցների ավարտական քննությունների եւ բուհերի միասնական ընդունելության քննությունների համակարգը: Դա թույլ կտա ապագա ուսանողներին ընդունելության քննությունները հանձնել իրենց մարզերում»,-ընդգծեց նա:

Այս թեմայով «Խորհրդավոր» ընթրիքի ստորգետնյա քարերը. ովքեր չեն մասնակցել Աննա Հակոբյանի հավաքին «Աննա Հակոբյանի կազմակերպած ընթրիքին մասնակցողներից մեկը «չայխանայի» վայր է ժամանել 300QQ03 համարանիշով մեքենայով» (լուսանկար) Սամվել Ալեքսանյանի կինը, դուստրը, այլ կին գործարարներ «տժժում» են Աննա Հակոբյանի կազմակերպած փարթիին Ինչպես է անցել և ովքեր են ներկա եղել Աննա Հակոբյանի կազմակերպած 1 միլիոն դրամանոց ընթրիքին (տեսանյութ) Անչափելի է այն զգացողությունը, որն ունենում է այն մարդը, որը տալիս է այդ 1 միլիոն գումարը․ Հակոբյան (տեսանյութ) Սամվել Ալեքսանյանի կինը տեսանյութ է հրապարակել Աննա Հակոբյանի հրավիրած ընթրիքից, որին մասնակցության վճարը 1 մլն դրամ էր Սա պատերազմ է մեր ինքնության դեմ, ոչ թե ուղղակի տարածքի խնդիր, մեզ ծնկի չեն բերելու. Արսեն Գրիգորյան (տեսանյութ) Գրիգորյանը Լիտվայի վարչապետի խորհրդականին ներկայացրել է ՀՀ-ԱՄՆ-ԵՄ հանդիպման արդյունքները Աշոտ Փաշինյանը վիրտուալ հայրենիքում չէր ծառայում, այլ՝ իրական հայրենիքում. Աննա Գրիգորյան ԱՄՆ-ի և ԵՄ-ի հետ Երևանի համագործակցությունն ուղղված չէ ԵԱՏՄ-ի դեմ. Մհեր Գրիգորյանը՝ ՌԻԱ Նովոստիին