Մեր նպատակը Հայաստանում ռազմարդյունաբերական կարողությունների բարձրացումն է. Չոբանյան

Ռազմարդյունաբերական կարողությունների զարգացումը ՀՀ բարձր տեխնոլոգիական արդյունաբերության նախարարության նպատակն է:

Այս մասին ասաց ՀՀ բարձր տեխնոլոգիական արդյունաբերության նախարարի պաշտոնակատար Հայկ Չոբանյանը՝ ԱԺ-ում «ՀՀ 2020 թվականի պետական բյուջեի կատարման մասին» տարեկան հաշվետվության քննարկմանը:

«2020-ին առաջին անգամ Բարձր տեխնոլոգիական արդյունաբերության նախարարությունը իրականացրել է ռազմարդյունաբերական համալիրի զարգացման պատվեր, ինչը  նշանակում է, որ նախարարության կողմից պատվիրվել է կոնկրետ սպառազինություն և զինտեխնիկա՝ մեր ոլորտի կազմակերպություններին: Դա պայմանավորված է եղել պատերազմական իրավիճակում առաջացած խիստ պահանջարկով»,- ասաց Չոբանյանը:

Պետությունը ռազմարդյունաբերական ոլորտը դիտարկում է բարձր տեխնոլոգիական արդյունաբերության ոլորտին զուգահեռ, այս երկու ոլորտներն առանձնացված չեն, միահյուսված են: Նրա խոսքով՝ ձեռնարկությունները ևս պետք է դիտարկել բարձր տեխնոլոգիական արդյունաբերության տեսանկյունից: «Պատվերները կամ կոնկրետ ծրագրերը կարող են լինել ռազմարդյունաբերական, բայց ձեռնարկությունները կարող են չլինել ռազմարդյունաբերական: Եվ մեր նպատակն է, որ մեր արդյունաբերական ձեռնարկությունները, որոնք այս տարիների ընթացքում մասնագիտացված են եղել ռազմարդյունաբերության ոլորտում, ներգրավվեն նաև ընդհանրապես բարձր տեխնոլոգիական պատվերների ներքո, որը կբարելավի նաև իրենց տնտեսական վիճակը: Մեր նպատակն է, որ ռազմարդյունաբերական կարողությունները ՀՀ-ում բարձրանան»,-ասաց նախարարի պաշտոնակատարը:

Դա ներառում է 3 բաղադրիչ, առաջին բաղադրիչը գիտելիքն է, երկրորդը՝ տեխնոլոգիաները, երրորդը՝ պատվերները: Նախարարի պաշտոնակատարի վստահեցմամբ՝ ձեռնարկությունները այդ 3-րդ բաղադրիչը դիտարկում են ոչ միայն ՀՀ զինված ուժերի պատվերների շրջանակում, այլև ընդհանրապես՝ այդ թվում արտահանման շրջանակներում:

Չոբանյանը կարծում է, որ պետք է առավելագույն ջանքեր դնել բարձր տեխնոլոգիաների արդյունաբերության ոլորտի զարգացման մեջ, որն իր հետևից պետք է բերի նաև ռազմարդյունաբերության ոլորտի զարգացում:

Այս թեմայով «ՔՊ–ն ավելի է խստացնելու բռնաճնշումները»․ Մարությանն ընդդիմադիրներին համախմբվելու կոչ է անում «Մա՛մ, գիտե՞ս, թե ինչ հայրենիք ունենք». կապիտան Հայկ Ղարսյանն անմահացել է հոկտեմբերի 25-ին Վարանդայում․ «Փաստ» Հայկ Կարապետյանը՝ «Միլան»-«Ռոմա» հանդիպման ՈւԵՖԱ-ի մեդիա պատվիրակ «Ժողովուրդ». Հայկ Սարգսյանի ընտանիքին պատկանող խանութի տարածքում պայթյունի հեղինակին բացահայտել են. ով է նա ՔՊ-ական «դեմոկրատիան» այսօր նոր ռեկորդ է սահմանել. Հայկ Մարության (լուսանկար) «Սկզբունքայնություն»՝ ՔՊ ոճով. Հայկ Ղալումյան, Ռոբերտ Ղուկասյան Ինչպես են տեղավորվել պաշտոնյաների ազգականները Նոր Հայաստանում. Հայկ Կոնջորյան «Ժողովուրդ». Ովքե՞ր են ընդգրկված լինելու Հայկ Մարությանի նոր կուսակցությունում ԽԾԲ-ին յուղոտ պաշտոնների տեղավորած ՔՊ-ականները. Հայկ Ղալումյան Բոլոր ցուցիչները ցույց են տալիս, որ վերջը մոտ է․ Հայկ Մամիջանյան